MATHAYO 12:10 - Biblia Ilagho Jiboie Kwa Wandu Wose

¹⁰ Na aho korekoghe na mndumu uko na mkonu ghukelemere. Wandu wikamkotia Jesu, “Welee, ni hachi kum'boisa mundu ituku ja Sabato?” Weremkotereghe agho eri wipate shekeria emshitakia.

MATHAYO 12:10 ပူးပေါင်းရင်းမြစ်များ

ISAYA 32:6

Mkelu wadadeda wukelu ghwake, na maghesho ghake ghadakaia aighu ya wuwiwi. Wadamsholia Mlungu na kuwisigha awo wisewadie vindo wikaie njala na awo wisewadie machi wikaie kau.

ISAYA 59:13

Dakukosere na kukukana ee BWANA, daghalukie na mbai dikalemwa ni kukunugha oho Mlungu odu. Dadedie wuwiwi dikakulegha, dikiririkanya mawiwi na kudeda malagho gha tee kufuma ngolonyi kodu.

ISAYA 59:4

Ndekuwadie ungi onyu ughendagha kotinyi ukikaia na hachi, hata ndekuwadie ungi onyu ukaiagha mloli kwa sharia. Mwakusaghika kwa malagho gha duu, mkighora tee, mwachua mikalo emredia wuwiwi.

ZEKARIA 11:17

Ni bugha kwa uja mlisha wapo wa kisha! Wachisighie chagha. Wuda ghucharimeria ndighi rake putu. Mkonu ghwake ghuchaoma na iriso jake ja kiwomi jichafwa.”

MATHAYO 12:2

Mafarisayo wiendawona agho, wikamzera Jesu, “Zighana wanughi wako seji wibonyagha maza risebonywagha ituku ja Sabato.”

MATHAYO 19:3

Mafarisayo wamu wikamchea kumkotia makoto kwa kumtima, “Welee, Sharia yamrumiriagha mundu kumsigha mkake kwa kula sababu?”

MARKO 3:2

Na wandu wamu wikamzighanira ngera um'boisa ituku ja Sabato, eri wipate kumshitakia.

LUKA 11:54

na kumlaliria kwa agho madedo mengi wipate ilagho jimu kwake ja kumshitakia.

LUKA 13:14

Ela uja m'baa wa sunagogi ukajokwa ni machu angu Jesu oreboisireghe ituku ja Sabato ukawizera wandu, “Gheko matuku arandadu ghebonya kazi; choonyi m'boiso agho matuku, ela ituku ja Sabato mbai.”

LUKA 20:22

Idana dighorie, ni hachi isi dilipe kodi kwa Kaisari anguwada?”

LUKA 23:14

ukawizera, “Inyo mwaniredia uhu mundu mkighora wei waawuyalaghasha wandu, na nyuma ya kuzighana malagho ghake imbiri konyu siwonie ikosa jingi kwake kwa agho mumshitakiagha nagho anduangi.

LUKA 23:2

Wikazoya kumshitakia wikighamba, “Dammbwadie mundu uhu ukilaghasha mbari edu kwa kuwighiria wandu wisemfunyire Kaisari kodi, na kughamba wei uo ni Kristo mzuri.”

JOHANE 5:10

Niko Wayahudi wamu wikamzera uja mundu waboiswa, “Idime ni ituku ja Sabato, yadarighidwa oho kuduka mkeka ghwako.”

JOHANE 5:3

Andenyi ya malalo agho, korekoghe na wakongo wengi werelalieghe; vitungure, wakelemeri, na wa kupooza. [Wikiweseria machi kunyavurwa,

JOHANE 7:23

Idana ikakaia mundu washamishwa ituku ja Sabato, eri Sharia ya Musa isechenonwa, welee, inyo mwanibonyera machu wei nam'boisa mundu ituku ja Sabato?

JOHANE 8:6

Wereghighorieghe agho kwa kumdegha wipate ra kumshitakia. Ela Jesu ukaghomeka andoenyi ukaandika na chala chake.

JOHANE 9:16

Mafarisayo wamu wikaghamba, “Mundu uhu nderefumieghe kwa Mlungu kungi, angu useiwadagha sharia ya Sabato.” Ela wazima wikaghamba, “Mkaung'a udima wada kubonya awa weke mwakilimbiti?” Nao kukakaia na mawaghanyiko aghadi kwawo.