MATHAYO 11:3 - Biblia Ilagho Jiboie Kwa Wandu Wose

³ “Welee, oho nuo uja uchagha angu dimmbesere mzima?”

MATHAYO 11:3 ပူးပေါင်းရင်းမြစ်များ

KUZOYA 12:3

Nichawirasimia awo wichaakurasimia oho, nani nichawiwasira njowe awo wichaakuwasira njowe; na kwa oho mbari rose ra ndoenyi richarasimilwa.”

KUZOYA 3:15

Nichawika wumaiza aghadi yako na uo muka, na aghadi ya kivalwa chako na kivalwa chake. Uo uchachibara chongo chako, na oho kuchamluma ghimbe yake.”

KUZOYA 49:10

Juda ndechaatana na mzata ghwa nguma, na uo ubonyagha nguma ndechaasoweka kwake anduangi. Hata uche mundu waro moni, uo uchaasikirwa ni wandu wose.

ZABURI 118:26

Nderasimilo uo ungiagha kwa irina ja BWANA! Dakurasimia kufuma Hekalunyi kwa BWANA.

ISAYA 7:14

Kwa huwo, Bwana moni uchamneka alama. Ola, mwai uchakaia na kifu, uve mwana wa womi, na irina jake uchawangwa Immanueli.

HOSEA 3:5

Konyuma, wandu wa Israeli wichawuya na kumlola BWANA Mlungu wawo, na mzuri wawo Daudi; na kutua wichamchea BWANA kwa kuobua, na kuwona wucha ghwake.

OBADIA 1:21

Wasimi wa Jerusalemu wichaikaba Edomu na kuibonyera nguma na BWANA moni uchakaia mzuri.”

MIKA 5:2

BWANA waghamba, “Bethlehemu Efrata, koko mtini putu aghadi ya mizi yose ya Juda; ela nichawusira m'bonyi nguma kufuma kwako, nao uchakaia m'bonyi nguma wa Israeli ufumagha kwa kichuku icheni cha kala.”

HAGAI 2:7

Mbari rose ra wandu nicharikumba noko, na mali rawo wicharireda aha, na Hekalu ichachulwa ni mali.

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

MALAKI 3:1

BWANA Uwadie-Ndighi-Rose watumbulia, “Nichamduma mdumwa wapo, upate kuboisa chia imbiri kwapo, na uo BWANA mwawuyamsuwiria uchacha ghafla andenyi ya Hekalu yake. Uo mdumwa mwawuyamsuwiria uchacha na kueresha ilaghano japo.”

MALAKI 4:2

Ela konyu inyo munisikiragha, ndighi ra kukia kwapo richam'bukia sa iruwa, nenyo mchaboiswa. Mchaghenda mkirama-rama sa ngache rafuma wazenyi.

MITALO 24:17

Nammbona, ela si idana; namzighana, ela ndeko kaavui; Mzuri uchafuma kwa Jakobo sa nyerinyeri, na uo ubonyagha nguma uchawuka andenyi ya Israeli; uchawikaba Wamoabu, na kuwinona-nona wana wose wa lung'eto.

MATHAYO 11:10

Uhu nuo moni ughorelo kwa Maandiko Ghielie. ‘Ola namduma mdumi wapo ukukirie, waghora Bwana, uo uchaakuboisira chia yako.’

MATHAYO 11:4

Jesu ukawitumbulia, “Ghendenyi mumghorie Johane malagho mwaghisikira na kughiwona:

MATHAYO 21:5

“Ghughorienyi muzi ghwa Sioni, hoyu mzuri wako wakuchea, wa mboa, wajoka aighu ya punda na punda mtini, mwana wa punda.”

MATHAYO 21:9

Wandu werekoghe kiimbiri chiaimweri na waja werenughieghe na nyuma wikaghora kwa lwaka lubaa: “Hosana kwa Mwana wa Daudi, Warasimiwa uo uchagha kwa irina ja Bwana; Hosana aighu na ndighi.”

MARKO 11:9

Na wandu awa werekirieghe na imbiri andwamweri na awa werekoghe wikinugha na nyuma, wikaghora kwa lwaka lubaa, “Hosana! Nderasimilo uo uchagha kwa irina ja Bwana!

LUKA 19:38

wikighamba, “Nderasimilo Mzuri uo uchagha kwa irina ja Bwana, sere ndeikaie mlungunyi, na wubaa mlungunyi aighu nandighi.”

JOHANE 11:27

Marita ukamzera, “Ee Bwana. Narumiria angu oho koko Kristo, Mwana wa Mlungu uja uchagha wurumwengunyi.”

JOHANE 12:13

Wikafuma kummara wikidwa masawi gha mitende, na kukasa kwa lwaka wikighamba, “Hosana! Warasimilwa uo uchagha kwa irina ja Bwana. Nderasimilo Mzuri wa Israeli.”

JOHANE 16:14

Uo moni uchanikasa ini, angu uchamghoria agho gheni uchaaghiwusa kufuma kwapo.

JOHANE 4:21

Jesu ukamzera, “Muka, nirumirie; ngelo iacha wandu wisechaamtasa uja Aba aighu ya mghondi ughu, hata andenyi ya Jerusalemu wori.

JOHANE 6:14

Waja wandu wiendawona uo mwakilimbiti orebonyekieghe wikaghamba, “Kwa loli uhu nuo uja Mlodi uchagha wurumwengunyi.”

JOHANE 7:31

Elaima wengi wa awo werekoghe izungunyi wikarumiria kwake wikighamba, “Welee, iji Kristo uchaacha, uchabonya weke mwakilimbiti kuchumba awa wibonyero ni uhu mundu?”

WAEBRANIA 10:37

Angu yasighwa kapindi katini uo uchagha uchacha; hata ndechaamuka anduangi.