MATHAYO 11:28 - Biblia Ilagho Jiboie Kwa Wandu Wose

²⁸ Choonyi kwapo inyo mmbose msumbukagha na kulemerelwa ni misigo, nani nichamhoresha.

MATHAYO 11:28 ပူးပေါင်းရင်းမြစ်များ

AYUBU 14:1

“Mdamu uvalo ni muka ooka na matuku matini, nagho ghachua wasi.

AYUBU 5:7

Ela mdamu oovailwa wasi, sa susa ra modo ritarikagha nokoighu.

ZABURI 116:7

Hora ee roho yapo; BWANA wakubonyere maza ndicha.

ZABURI 32:4

Korekoghe kukinikaba kio na dime ee BWANA, hata ndighi rapo rikasia putu seji kimeru chimerelwagha ni mruke ghwa Sumesu.

ZABURI 38:4

Kaung'a rapo ranilemeria nandighi, sa msigo ghusedukikagha.

ZABURI 94:13

Kwadamneka wuhoreshi ngelo ya wasi, hata kina chikoto kwa wundu ghwa wawiwi.

MCHILI 1:14

Nawonie maza rose rawuyabonywa wurumwengunyi; ela rose ni duu; ni sa kulwa na mbeo.

MCHILI 1:8

Maza rose radareda kusilwa ni ndighi, hata nderighorekagha. Iriso jikeduawona ndejikatwagha, na kudu kukeduasikira, ndekuchuagha.

MCHILI 4:8

Mundu hoyu ooka uekeri; ndewadie mwana hata mruna; ela sena waawuyabonya kazi ngelo rose usekatwagha ni mali uko naro. Ubonyera ani kazi na ndighi huwu ukikuima raha ingi? Agha nagho ni malagho gha duu; ni irangi ja wasi.

ISAYA 1:4

To! E mbari ya kaung'a, wandu wilemerwagha ni wuwiwi; mavalo gha wabonyi kiwiwi wana wibonyagha laghe-laghe. Wamsighie BWANA, wammenyere Mlungu, Mweli wa Israeli, watane nao na kuwuya nyuma putu.

ISAYA 11:10

Ituku ijo, uo mundu wa kivalwa cha Jese uchawuka kukaia alama kwa wandu. Wandu wa iro mbari wichamlola, na andu kwake kokaia kuchakaia kwa wubaa.

ISAYA 28:12

Nao wamnekie inyo mmbose kuhora na raha, ela mkalegha kumsikira.

ISAYA 61:3

kuwineka awo wiko na wasi Sioni, kiremba cha maua gha kuboilwa wulalo ghwa maivu gha wasi; na mavuda gha kuboilwa wulalo ghwa wasi, na lumbo lokasa wulalo ghwa roho ya wasi; eri wiwango mialoni ya hachi iwalo ni BWANA, nao upate kunekwa wubaa.

ISAYA 66:2

Ni ini moni nerevibonyereghe vilambo ivi vose, na vose ni vapo. Ini nadaboilwa ni mundu ukuserie, uko na roho ya wumboa na kusughusikia ilagho japo.

JEREMIA 31:25

Angu nichaihoresha iyo roho isirilo, na kula roho idumbukagha nichaighudisha.”

JEREMIA 35:16

Wana wa Jonadabu mwana wa Rekabu wamazirie malaghiro werenekeloghe ni ndee, ela awa wandu ndewinisikire ini.

JEREMIA 6:16

BWANA waghora huwu, “Kaienyi kimusi chienyi ra matano mzighane, mkotie iro chia ra kala, andu iyo chia ndicha iko; mpate kughenda nayo, na kuhora rohonyi konyu. Ela wikaghamba, ‘Isi ndedichaaghenda nayo anduangi.’

MATHAYO 11:29

Mkungire ghongolo yapo, mkufundishe kwapo, angu ne mundu wa wumboa ini, na wa ngolo ekusera, nenyo mchasikira kuhoa rohonyi konyu.

MATHAYO 23:4

Wadafunga misigo ilemere isedukikagha, na kuwidukishira wandu maweghenyi, ela awo weni ndewiiwadagha hata na chala cheni.

JOHANE 6:37

Awo wose Aba uninekagha wichacha kwapo; na uo uchagha kwapo, na jingi sichaammbinga anduangi.

JOHANE 7:37

Nao ituku ja kutua mbai, ituku ibaa ja Ndima, Jesu ukakaia kimusi na kughora kwa lwaka lubaa, “Ngera mndungi waoma, ndeche kwapo unyo.

MABONYO GHA WADUMI 15:10

Idana kwaki sena mumtimagha Mlungu kwa kuwidukishira warumirii misigo, iyo weke aba hata isi diweni diseredimieghe kuiduka?

MABONYO GHA WADUMI 20:35

Neremmbonyereghe kwa maza rose, seji kwa kubonya huwo idifwane diwitesie awo wisewadie ndighi; dikikumbuka malagho gha Bwana Jesu seji oreghambieghe, ‘Kuneka wandu koko na irasimio nandighi kuchumba kunekwa ni wandu.’”

WAGALATIA 5:1

Kwa wundu ghwa wuhuru, Kristo wadiwikie huru; kwa huwo, mangenyi gi, hata msakerumiria kungirwa ghongolo ya wazumba sena.

2 WATHESALONIKE 1:7

na kumneka kuhora chiaimweri nesi, inyo mwawuyakorongwa; iji Bwana Jesu wafunukulwa kufuma mlungunyi andwamweri na weke malaika wake wiwadie ndighi, andenyi ya modo ghuakagha.

WAEBRANIA 4:1

Kwa huwo, angu hoku ilaghiro ja kungia kuhorenyi jiduagha, ndediobuo; isechekaia mndungi onyu kuwoneka walemwa ni kungia.

WUFUNUO 22:17

Uo Roho, na uo mwai ulowolwagha waghamba, “Choo.” Na uo mundu usikiragha ndeghambe, “Choo.” U mundu uomagha ndeche; uo ukundagha, ndeghiwuse machi gha irangi duu.