MATHAYO 11:25 - Biblia Ilagho Jiboie Kwa Wandu Wose

²⁵ Ngelo iyo Jesu ukaghamba, “Nakuneka chawucha ee Aba, Bwana wa mlungunyi na ndoenyi, angu korewivisireghe wandu wa akii na suku maza iri, kukawiwonyera wanake watini.

MATHAYO 11:25 ပူးပေါင်းရင်းမြစ်များ

KUZOYA 14:19

Nao ukamrasimia Abramu ukaghamba, “Mlungu Uo-Uko-Aighu-Nandighi, uo oreumbieghe mlungunyi na ndoenyi, ndemrasimie Abramu.

KUZOYA 14:22

Ela Abramu ukamzera mzuri wa Sodoma, “Naghema kwa BWANA MLUNGU Uo-Uko-Aighu-Nandighi, muumbi mlungunyi na ndoenyi,

2 WAZURI 19:15

Hezekia ukamlomba BWANA ukighamba, “Ee BWANA Mlungu wa Israeli, oho kifumbi chako cha nguma chiko aighu ya makerubi, oho kuekeri kuko Mlungu, aighu ya mawuzuri gha ndoenyi kose, kuumbie mlungunyi na ndoenyi;

1 MALAGHO GHA NGELO 29:13

Na idana dakuneka chawucha Mlungu odu, na kujikasa irina jako ibaa.

AYUBU 37:24

Kwa huwo wandu wadamuobua kwa ishima, nao ndewitalagha wandu wikughesheragha weni kukaia na hikima.”

ZABURI 8:2

Ghwadaborwa ni wana watini, na awo wiongagha, Kwakubonyera wurigha ghokulindia na wamaiza wako, kupate kumnyamirisha m'maiza na uo uluyagha kisasi.

ISAYA 5:21

Ni bugha kwa awo wikuwonagha weni kukaia na hikima, wikikuririkanya weni kukaia na suku.

ISAYA 66:1

BWANA waghora huwu, “Mlungunyi ni kifumbi chapo cha nguma; na ndoenyi ni andu kowikiria maghu ghapo. Mchaniaghia nyumba ifwane wada, na andu kwapo kohoreshera koko wada?

DANIELI 2:23

Nakufunyira chawucha na makaso ee Mlungu wa weke aba, angu oho kwanineka hikima na ndighi, sena kwadimanyisha iyo ngasu ya mzuri.”

DANIELI 4:35

Wandu wose wikaiagha ndoenyi si kilambo chingi; nao wadabonya sa iji ukundagha moni na malaika wa mlungunyi, na wandu wa ndoenyi. Ndekuwadie mndungi udimagha kusimana nao, angu kumkotia niki ubonyagha.

MATHAYO 16:17

Jesu ukaghamba, “Kwarasimilwa oho Simoni mwana wa Jona, angu si mdamu ungi wakutambushira wuloli ughu anduangi, ela ni Aba uko mlungunyi wakufunukuya.

MATHAYO 21:16

wikamzera Jesu “Kwasikira seji awa wawuyaghora?” Jesu ukawizera, “Hee; wele jingi ndemshomie seji iandikilo: ‘Kwawibonya wanake watini na awo wiongagha, wifunye makaso ghikatie.’”

LUKA 22:42

“Aba ngera kwakunda, niinjire ichi kikombe, ela isakekaia sa iji nikundagha, ela ikaie sa iji kukundagha oho.” [

LUKA 23:34

Nao Jesu ukaghamba, “Aba, wifuye wughoma angu ndewimanyire iji wijibonyagha anduangi.” Wikawagha nguwo rake kwa kurikabia kura.

JOHANE 11:41

Nao wikajiinja igho. Jesu ukazighana noko ighu ukaghamba, “Nakuneka chawucha Aba, angu kwanisikira,

JOHANE 12:27

“Idana ngolo yapo yaja wasi. Nighora wada? Niaghora, ‘Aba kunikire na ihi ngelo?’ Ii hata, nedecha kwa wundu ghwa ihi ngelo.

JOHANE 12:28

Aba, jikase irina jako.” Nao lwaka lukacha kufuma mlungunyi, “Nameria kujikasa sena nichajikasa.”

MABONYO GHA WADUMI 17:24

Uja Mlungu orebonyereghe wurumwengu na vose viko andenyi yaro, ni Bwana wa mlungunyi na ndoenyi, nao ndekaiagha andenyi ya hekalu riaghilo ni wandu.

1 WAKORINTHO 2:10

Ela Mlungu oredifunukueghe isi kwa chia ya Roho; angu Roho wazighana maza rose ra Mlungu hata iro riko ndenyi na ndighi.

2 WAKORINTHO 3:14

Ela akili rawo rerekurishiroghe; angu hata idime, iji vuo va ilaghano ja kala vashomwa, kuja kufinikirwa kwadadua wokoni; kwa kukaia uko kufinikirwa kwadainjwa kwa chia ya Kristo uekeri.

1 SAMUELI 2:18

Uja mwana Samueli orerushiroghe naivera ya kitani, ukakaia ukidumika imbiri ya BWANA.