MATHAYO 11:11 - Biblia Ilagho Jiboie Kwa Wandu Wose

¹¹ Namghoria loli, kwa awo wose wivalo ni waka, ndewonekie mndungi uko m'baa kumchumba Johane M'baputizi anduangi. Elaima, uo uko mtini putu kwa wuzuri ghwa Mlungu, ni m'baa kumchumba uo.

MATHAYO 11:11 ပူးပေါင်းရင်းမြစ်များ

AYUBU 14:1

“Mdamu uvalo ni muka ooka na matuku matini, nagho ghachua wasi.

AYUBU 14:4

Nani udimagha kufunya kilambo chielie kufuma kwa icho chiseelie? Ndeuko ungi.

AYUBU 15:14

Mdamu wadima kukaia uelie? Mundu uvalo ni muka ukaia wada mhachi?

AYUBU 25:4

Mdamu udima wada kukaia mhachi imbiri ya Mlungu? Mdamu uvalo ni muka udima wada kukaia uelie?

ZABURI 51:5

Ini ne mkaung'a kufuma kuvalwa kwapo; ne mkaung'a kufuma naamwa kifunyi kwa mao.

ISAYA 30:26

Na aighu ya agho, mwengere ghwa mori ghuchakaia sa ghwa iruwa, na iruwa jichachurikia mwengere ghwaro mando mfungade, sa mwengere ghwa matuku mfungade ghwakwanywa chiaimweri ingelo BWANA uchaafunga na kuboisa wandu wake, wereshoghonologhe ni ijo ikabo jake.

ZEKARIA 12:8

Ituku ijo, ini BWANA nichawilindia wandu wikaigha Jerusalemu; hata uo uko mnyonge putu aghadi yawo uchakaia na ndighi sa ra Daudi, na wandu wa kivalwa cha Daudi wichalongoza sa malaika wa BWANA, nawo wichakaia sa Mlungu.

MATHAYO 11:10

Uhu nuo moni ughorelo kwa Maandiko Ghielie. ‘Ola namduma mdumi wapo ukukirie, waghora Bwana, uo uchaakuboisira chia yako.’

MATHAYO 11:12

Kufuma matuku gha Johane M'baputizi hata idime, wuzuri ghwa Mlungu ghwaawuyatangalwa kwa ndighi, na awo wiko nandighi wiaghuwada kwa ndighi.

MATHAYO 3:1

Matuku agho Johane M'baputizi ukacha kireti cha Judea ukazoya kuchila

MATHAYO 3:11

Ini nam'baputiza kwa machi kuwonyera angu mwahea. Ela uo uchagha nyuma yapo oko nandighi kunichumba ini; hata ini sifwane kumdukia vadu vake. Uo ucham'baputiza kwa Roho Mweli na modo.

MATHAYO 5:19

Niko huwu, uo ose uchaaghuchikanya momu mtini ghwa Sharia ukifundisha wandu wibonye huwo, uchakaia mtini putu kwa Wuzuri ghwa mlungunyi. Ela uo uiwadagha memu na kuwifundisha wazima, nuo moni uchaakaia m'baa kwa Wuzuri ghwa Mlungu.

LUKA 1:15

angu uchakaia m'baa imbiri ya Bwana, ndechaanywa divei hata kilambo chingi chewongera anduangi. Uchachulwa ni Roho Mweli kufuma kifunyi kwa mae,

LUKA 7:28

Namghoria loli, “Kwa awa wose werevaloghe ni waka, ndekuwadie mndungi uko m'baa kumchumba Johane, ela sena uo uko mtini kwa Wuzuri ghwa Mlungu, oko m'baa kumchumba uo.”

LUKA 9:48

ukawizera, “Uo ose uchaammbusa mwanake uhu kwa irina japo, uaniwusa ini; na uo ose uniwusagha ini, uammbusa uo orenidumieghe. Angu uo uko mtini putu aghadi konyu, nuo moni m'baa.”

JOHANE 1:15

Johane ukamghora ukighamba, “Uhu nuo moni neremghoragha ngighamba, ‘Kuchagha mndumu nyuma yapo uko m'baa kunichumba ini, angu orekoghe imbiri nisevalo.’”

JOHANE 1:27

Nao nuo uchagha nyuma yapo, nisefwane hata kufungua vadu vake.”

JOHANE 10:41

Na wandu wengi wikamchea wikighamba, “Johane nderebonyereghe alama ingi, ela malagho ghose oreghighorieghe Johane aighu ya mundu uhu ni gha loli.”

JOHANE 3:30

Ni suti uo uchurikie kukaia m'baa, na ini suti nipunguo.”

JOHANE 5:35

Johane orekoghe sa taa iakagha na kulangalishira mwengere, nenyo kwa ngelo vui morekoghe mkiboilwa kwa mwengere ghwake.

JOHANE 7:39

(Agho oreghighorieghe kwa wundu ghwa uo Roho wechaampata awo wirumiriagha kwake. Angu Roho nderefunyiroghe kwa kukaia Jesu nderekasiroghe kande anduangi.)

1 WAKORINTHO 15:9

Angu ne mtini wa wadumi wose, hata sifwane kuwangwa mdumi anduangi; kwa kukaia nerejikorongieghe ijo ikanisa ja Mlungu.

1 WAKORINTHO 6:4

Da mkakaia na maza sa iro, kwaki sena mrighenjagha kwa wandu awo wiseko kilambo chingi ikanisenyi?

WAEFESO 2:3

Na isi diwose derekoghe na bea ra mumbi aghadi kwawo, dikinugha bea ra mumbi na ra maririkanyo; na kwa asili, derekoghe aisi ya machu gha Mlungu, karakara na wandu wose.

WAEFESO 3:8

Hata ngera ini nerekoghe mtini wa waeli wose, ela nerenekeloghe mvono ugho, nipate kuwichilia awo wandu wa mbari zima malagho gha iro mali ra Kristo risemanyikagha.

2 TIMOTHEO 1:10

Na idana, mvono ugho ghwawonekie worinyi kwa chia ya kuwoneka kwa Mkiri odu Kristo Jesu, uo uinjire kifwa na kureda irangi jisefwagha mwengerenyi kwa chia ya ijo Ilagho Jiboie.

WAEBRANIA 11:40

Kwa kukaia Mlungu orezoeghe ukawona kilambo chimu chiboie kuchumba kwa wundu ghodu, kukaia kuseko na isi, awo wisekatisho anduangi.

1 PETRO 1:10

Awo walodi werelodieghe malagho gha ugho mvono ghochaakaia ghonyu, werelolieghe na kukotia-kotia malagho gha kukia uku.

1 SAMUELI 2:30

Ini BWANA Mlungu wa Israeli nerelaghirieghe kukaia oho na kivalwa chako chichanidumikia kwa wukohani matuku ghose; ela idana, naghamba agho sichaaghibonya putu; kwa kukaia nadawitala awa winitalagha, na kuwimenya awo winimenyagha.