MATHAYO 11:1 - Biblia Ilagho Jiboie Kwa Wandu Wose

¹ Nao iji Jesu wameria kuwilaghira wanughi wake ikumi na wawi, ukafuma aho ukaghenda kufundisha na kuchila kwa mizi yawo.

MATHAYO 11:1 ပူးပေါင်းရင်းမြစ်များ

MATHAYO 28:20

mkiwifundisha kughiwadia agho ghose neremlaghirieghe. Nani olenyi neko andwamweri nenyo hata kukatia kwa ngelo.”

MATHAYO 4:23

Nao Jesu ukaghenda Galilaya kose ukifundisha andenyi ya sunagogi rawo, ukichila Ilagho Jiboie ja Wuzuri ghwa Mlungu. Ukaboisa kula mbari ya makongo na saka rerekoghe kwa wandu.

MATHAYO 7:28

Nao iji Jesu waghimeria malagho agho, jija izungu ja wandu wikashinika kwa wundu ghwa agho mafundisho ghake;

MATHAYO 9:35

Nao Jesu ukaghenda mizi yose mibaa na mitini, ukifundisha andenyi ya sunagogi rawo na kujichila Ilagho Jiboie ja wuzuri ghwa Mlungu; ukaboisa makongo na manyonge gha mbari rose.

MARKO 6:12

Wikafuma, wikachila wandu wihee.

LUKA 23:5

Ela awo wikachuria kughora kwa ndighi, “Wadawikumba wandu sheshe kwa mafundisho ghake isanga jose ja Judea, kufuma Galilaya, hata aha.”

LUKA 8:1

Konyuma Jesu ukamara-mara mizinyi mibaa na mitini ukichila na kueresha Ilagho Jiboie ja Wuzuri ghwa Mlungu, na waja wanughi ikumi na wawi werekoghe aeni.

JOHANE 15:10

Iji mwaiwadia memu yapo mchakaia andenyi ya lukundo lwapo; wokoni seji ini niiwadie memu ya Aba na kukaia andenyi ya lukundo lwake.

JOHANE 15:14

Inyo moko waghenyi wapo mkabonya agho nimlaghiragha.

MABONYO GHA WADUMI 1:2

hata ituku oredwaloghe aighu mlungunyi nyuma ya kuwilaghira kwa Roho Mweli wadumi wake orewisaghueghe.

MABONYO GHA WADUMI 10:38

Seji Mlungu oremshingieghe Jesu wa Nazareti mavuda kwa Roho Mweli, na kwa ndighi; nao ukamara-mara ukibonya nicha, na kuwiboisa wose werekorongeloghe ni uja Mmbiwi, angu Mlungu orekoghe andwamweri nao.

MABONYO GHA WADUMI 10:42

Nao oredilaghirieghe diwichilie wandu, na kushuhudia seji nuo moni uwikilo ni Mlungu ukaie Mtanyi wa awo wiko moyo na awo wifue.

1 WATHESALONIKE 4:2

Angu inyo mwamanya ni mafundishoki deremnekieghe kwa chia ya Bwana Jesu.

2 WATHESALONIKE 3:10

Angu hata iji derekwanyeghe nenyo, deremnekieghe momu ughu: “Ikakaia mndungi wakaia usebonyagha kazi, na vindo useje.”

2 WATHESALONIKE 3:6

Na idana wanidu, damlaghira kwa irina ja Bwana odu Jesu Kristo, kukaia mkutanye na mwanidu uo ose uko mghadi, usenughagha mafundisho agho moreghipatireghe kufuma kodu.

1 TIMOTHEO 6:14

kughiwadie agho malaghiro kuseko na kughiranganya na kuseko na ikosa jingi, hata Ituku ja kuwoneka kwake Bwana odu Jesu Kristo.