MATHAYO 10:6 - Biblia Ilagho Jiboie Kwa Wandu Wose

⁶ Ela muwighendie wandu wilagharie sa ng'ondi wa Israeli.

MATHAYO 10:6 ပူးပေါင်းရင်းမြစ်များ

ZABURI 119:176

Namara-mara sa ng'ondi ilagharie; kunilole ini mdumiki wako, kwa kukaia siwueliwa malaghiro ghako anduangi.

ISAYA 53:6

Isi diwose dalagharie kara kara na ng'ondi, kula umu odu ukaighalukia chia yake moni; na BWANA ukamdukishira mawiwi ghedu ghose.

JEREMIA 50:17

BWANA waghamba huwu, “Wandu wa Israeli weeka sa ng'ondi ridiwagha na kuwingwa ni shimba. Imbiri werejiloghe ni mzuri wa Ashuru, na kutua Nebukadnezari mzuri wa Babuloni ukaododa maindi ghawo.

JEREMIA 50:6

“Wandu wapo werekoghe ng'ondi rilagharie, rilongozero kiwiwi ni walisha waro, kwa kurighalua na kurighenja aighu mighondinyi; kufuma mghondi m'baa hata mghondi mtini, hata rikaliwa maranu ghawo.

EZEKIELI 34:16

“Nicharilola iro rilagharie, na kuriwunja chienyi iro rilagharilo ni chia; nicharifunga iro richikie, na kutesia iro risewadie ndighi; iro ribandie riko na ndighi, nicharitotesha; nani nicharilisha kwa hachi.

EZEKIELI 34:4

Ndemteserie iro risewadie ndighi, na iro riko wakongo ndemriboisire; ndemrifungie iro richikie, iro rilaghirilo ni chia ndemuriwunjire, na iro rilagharie ndemurilolie; ela mwadaribonyera nguma kwa ndighi na kwa lubio.

EZEKIELI 34:6

Ng'ondi rapo reresaghisikieghe, rikamara-mara aighu ya mighondi yose, na kula mghondi mlacha; ng'ondi rapo reresaghisikieghe ndoenyi kose, hata ndekuwadie mndungi orerilolieghe anduangi.

EZEKIELI 34:8

Sa iji ini Bwana MLUNGU nikaiagha moyo, naghamba kwa kukaia ng'ondi rapo rawurie madiwo na vindo va nyamandu ra isakenyi, angu risowie mlisha ungi; na angu walisha wiserilolie ng'ondi, ela wedeeka wikikulisha weni wulalo gholisha ng'ondi,

MATHAYO 18:10

“Mkulindie msemmenye ungi wa awa watini; angu namghoria, weke malaika wawo aho mlungunyi ngelo rose wadaghuzighana wushu ghwa Aba uko mlungunyi. [

MATHAYO 18:11

Angu Mwana wa Mdamu odeecha kukira icho cherelagharieghe.]

LUKA 24:47

Mbari rose ripate kuchililwa kuhea na kulekwa kaung'a rawo kwa irina jake kuzoya Jerusalemu.

MABONYO GHA WADUMI 13:46

Hata huwo saki, Paulo na Barnaba wikaghora kwa wuwana wikighamba, “Erekoghe suti ilagho ja Mlungu jighoro konyu kande. Idana angu mwajilegha, na kukutanya inyo mmbeni kukaia wandu msefwane irangi ja kala na kala, olenyi diaghenda kwa wandu wa mbari zima.

MABONYO GHA WADUMI 18:6

Nawo iji walegha na kumsholia, Paulo ukaghughudua nguwo rake na kughamba, “Mkatota, ni aighu yenyu. Ini siwadie ikosa, kufuma idana nichaghenda kwa mbari zima.”

MABONYO GHA WADUMI 26:20

ela imbiri nerewonieghe awo werekoghe Dameshki, konyuma ngawighoria aho Jerusalemu, isanga ja Judea kose, na iro mbari zima wori; angu wihee na kumghalukia Mlungu na kubonya mabonyo ghifwananagha na kuhea kwawo.

MABONYO GHA WADUMI 3:26

Mlungu umeria kummbusira Mdumiki wake, oremdumieghe konyu kande, upate kumrasimia kwa kumghalua kula umu onyu utane na wuwiwi ghwake.”

1 PETRO 2:25

Angu morekoghe mwalaghaya sa ng'ondi, ela idana mwamerie kummburia Mlisha na Mzighaniri wa roho renyu.