MATHAYO 10:26 - Biblia Ilagho Jiboie Kwa Wandu Wose

²⁶ “Kwa huwo msakewiobua awo wandu. Ndekuwadie kindo chingi chifinikiro chisechaafunukulwa, hata kilambo chingi chivisiro chisechaawonyerwa worinyi anduangi.

MATHAYO 10:26 ပူးပေါင်းရင်းမြစ်များ

MAKATANISHO 10:9

Mundu ughendagha nicha, uchakaia banana, ela mundu useko mloli, uchamanywa.

MAKATANISHO 28:1

Wandu wizamie wadakimbia, hata ngera ndewiwuewingwa ni mndungi; ela wandu wa hachi weko na wuwana sa ghwa shimba.

MAKATANISHO 29:25

Kumuobua mdamu, ni mdegho; ela uo ukusaghikagha na BWANA uchakaia banana.

MCHILI 12:14

Angu Mlungu uchatanya kula ilagho dibonyagha jikaiagha jiboie angu jizamie; hata agho ghibonyero kivisonyi.

ISAYA 41:10

Msakeobua, angu neko andwamweri na inyo, msekambo ni chongo, angu Ini ne Mlungu onyu. Nichamchuria ndighi, nichamtesia; nichammaziria na kumsimia kwa ndighi rapo.

ISAYA 41:14

Bwana waghamba, “Msakeobua inyo wana wa Jakobo msewadie ndighi, ee, inyo wandu wa Israeli. Nichamtesia, Mkomboli onyu ni Mlungu Mweli wa Israeli.

JEREMIA 1:8

Kusakeobua wandu, angu ini neko andwamweri na oho kukukira.”

EZEKIELI 2:6

“Na oho mwana wa mdamu, kusakewiobua, hata kusakeobua malagho ghawo, hata ngera kwakaia aghadi kwawo sa mundu uko andenyi ya mndandangoma na minjwa, seji kwaaseria weke mwambandenyi, kusakeobua malagho ghawo, hata kuzighana kwawo kusekufushe waya; angu awo ni wandu welegha.

MATHAYO 10:28

Msakewiobua awa wibwaghagha mumbi wisedimagha kubwagha roho; ela muobuonyi uo udimagha kubwagha roho na mumbi kwa jehanamu.

MARKO 4:22

Angu ndekuwadie kindo chingi chiviswagha, chisechaawoneka; hata kindo chingi chifinikiro chisechaamanyika worinyi anduangi.

LUKA 24:47

Mbari rose ripate kuchililwa kuhea na kulekwa kaung'a rawo kwa irina jake kuzoya Jerusalemu.

LUKA 8:17

Angu ndekuwadie kilambo chingi chiviswagha, chisechaamanyika na kuredwa mwengerenyi anduangi.

MABONYO GHA WADUMI 1:8

Ela mchapata ndighi, iji Roho Mweli wamchea aighu konyu; nenyo mchakaia washahidi wapo andenyi ya Jerusalemu, Judea kose, Samaria, na hata kutua kwa ndoenyi.”

MABONYO GHA WADUMI 4:13

Nao iji waghuwona wuwana ghwa Petro na Johane, na kumanya seji ni wandu wa kawaida wisena kishomo chingi, wikashinika; wikawitambua kukaia ni wandu werekwanyeghe na Jesu.

MABONYO GHA WADUMI 4:19

Ela Petro na Johane wikawitumbulia, “Tanyenyi mmbeni ngera ni hachi imbiri ya Mlungu kumsikira inyo kuchumba uo moni;

1 WAKORINTHO 4:5

Kwa huwo msaketanya imbiri ya ngelo, Bwana usechee; uo uchaariwika mwengerenyi maza rivisiro kirenyi idana, nao uchaifunukua mipango ya ngolo ra wandu. Niko kula mundu uchapata kukaswa kwake kufuma kwa Mlungu.

1 PETRO 3:14

Ela hata ngera mwatirirwa kwa wundu ghwa hachi, mcharasimilwa. Msakewiobua, hata msakejawasi;