MATHAYO 10:23 - Biblia Ilagho Jiboie Kwa Wandu Wose

²³ “Iji wandu wamtirira andenyi ya muzi ghumu, mughughendie muzi mzima. Namghoria loli, ndemchaameria mizi yose ya Israeli, imbiri Mwana wa Mdamu usechee.

MATHAYO 10:23 ပူးပေါင်းရင်းမြစ်များ

JEREMIA 26:21

Hata iji Mzuri Jehoiakimu chiaimweri na mang'oni ghake na wabaa wake wereghisikireghe malagho gha Uria, mzuri orekundieghe kum'bwagha; ela iji Uria oresikireghe, oreobueghe na kukimbiria Misri.

MATHAYO 16:27

Angu Mwana wa Mdamu uchacha na wubaa ghwa Ndee andwamweri na weke malaika wake, nao uchamlipa kula mundu kunughana na mabonyo ghake.

MATHAYO 16:28

Namghoria loli, weko wandu aha wisechaafwa anduangi hata wameria kummbona Mwana wa Mdamu ukicha kwa Wuzuri ghwake.”

MATHAYO 2:13

Nao iji wameria kughala, malaika wa Bwana ukamfutukia Josefu ndodonyi ukamzera, “Wuka kummbwade mwana na mae, mkimbirie Misri, mkaie ahoeni hata namghoria; angu Herode uchamlola mwana upate kum'bwagha.”

MATHAYO 23:34

Kwa huwu nichamdumia walodi na wandu wa hikima na walimu, ela wamu wawo mchawibwagha na kuwisulubisha, na wazima mchawikaba na viboko andenyi ya masunagogi ghenyu na kuwitirira muzi kwa muzi.

MATHAYO 23:36

Namghoria loli, kivalwa ichi chichakabwa kwa wundu ghwa maza iro rose.

MATHAYO 24:27

Angu sa iji koni luhehia lukabagha kufuma mashariki hata magharibi, niko koni kuchaakaia kucha kwake Mwana wa Mdamu.

MATHAYO 24:30

Niko aho ichawoneka alama ya Mwana wa Mdamu aighu mawingunyi, na mbari rose ra ndoenyi richakema na kulila, nawo wichammbona Mwana wa Mdamu ukicha aighu ya mawingu gha mlungunyi uko nandighi na wubaa mungi;

MATHAYO 24:34

Namghoria loli, kivalwa ichi ndechichaaida anduangi, maza iri rose risekaie.

MATHAYO 24:48

Ela iji uja mdumiki mmbiwi waghamba ngolonyi kwake, ‘Bwana wapo wamuka luma kuwuya.’

MATHAYO 25:13

Kwa huwu chereshenyi, angu ndemjimanyire ituku hata saa anduangi.

MATHAYO 26:64

Jesu ukamzera, “Oho kwaghamba. Nani namghoria angu kufuma idana mchammbona Mwana wa Mdamu wasea kidombo chia ya mkonu ghwa kiwomi ghwa Uo Uwadie Ndighi, sena ukicha aighu ya mawingu gha mlungunyi.”

MATHAYO 4:12

Jesu uendasikira angu Johane wameria kungirwa kifungonyi, ukaghenda cha Galilaya.

MARKO 13:26

Niko wichaammbona Mwana wa Mdamu ukicha mawingunyi kwa ndighi na wubaa mungi.

LUKA 18:8

Namghoria, uchawitanyira hachi shwa-shwa. Ela kukakoni-lee, iji Mwana wa Mdamu wacha, uchajiwona irumirio ndoenyi?”

LUKA 21:27

Niko aho wichaammbona Mwana wa Mdamu ukicha andenyi ya iwingu uko nandighi na wubaa mungi.

JOHANE 7:1

Nyuma ya agho, Jesu orekoghe ukimara-mara Galilaya, hata ndereghendieghe Judea anduangi; angu Wayahudi werekoghe wikimlola wim'bwaghe.

MABONYO GHA WADUMI 17:10

Wanidu wikashashira kuwidambisha Paulo na Sila nakio, wighende Berea; hata iji wavika wikangia sunagoginyi ya Wayahudi.

MABONYO GHA WADUMI 17:14

Niko wanidu wikamghenja Paulo cha pwani shwa-shwa, ela Sila na Timotheo wikasigharika ahoeni.

MABONYO GHA WADUMI 20:1

Nyuma ya iro nganyi kusia, Paulo ukaduma wanughi wimchee; nao uendawikumba ngolo, ukalaghana nawo ukafuma kughenda Makedonia.

MABONYO GHA WADUMI 8:1

Na Sauli orekoghe ukirumiriana na kubwaghwa kwake. Ituku jija jeni, Ikanisa jerekoghe andenyi ya Jerusalemu, jikazoya kutirirwa nandighi loli-loli; na warumirii wikasaghisika Judea kose na Samaria, wikaasighwa wadumi weni.