MATHAYO 1:1 - Biblia Ilagho Jiboie Kwa Wandu Wose

¹ Jesu Kristo orekoghe wa kivalwa cha Daudi, kivalwa cha Abrahamu. Huwu niko kivalwa chake cherekoghe:

MATHAYO 1:1 ပူးပေါင်းရင်းမြစ်များ

KUZOYA 12:3

Nichawirasimia awo wichaakurasimia oho, nani nichawiwasira njowe awo wichaakuwasira njowe; na kwa oho mbari rose ra ndoenyi richarasimilwa.”

KUZOYA 2:4

Huwu niko mlungunyi na ndoenyi koreumbiloghe. Iji BWANA Mlungu orebonyereghe mlungunyi na ndoenyi,

KUZOYA 22:18

Na kwa kivalwa chako, mbari rose ra ndoenyi richanilomba irasimio, angu oho kwalusikira lwaka lwapo.”

KUZOYA 5:1

Ichi nicho kivalwa cha Adamu. (Iji Mlungu oremuumbieghe mdamu, orem'bonyereghe kwa fwana yake cheni.

ZABURI 132:11

BWANA, korem'bonyereghe Daudi ilaghiro ja loli, kusedimagha kujiinja: “Nichammbika umu wa kivalwa chako aighu ya kifumbi chako cha nguma.

ZABURI 89:3

Oho kwaghambie, “Namerie kubonya ilaghano na msaghulwa wapo, ngamghemia Daudi mdumiki wapo ngighamba:

ZABURI 89:36

Kivalwa chake chichadua matuku ghose, nani nichaghulindia wuzuri ghwake ngelo rose iruwa jiko.

ISAYA 11:1

Mndumu uchacha wa kivalwa cha Jese sa longe lujokagha akirimbenyi cha mudi luzoghorwagha ni miri yaro.

ISAYA 53:8

Oredwaloghe noko kutanywa na kutirirwa, ela kivalwa chake ndecheretalieghe ilagho ijo. Orefunyiroghe na kuinjwa kufuma kwa ijo isanga ja awo wiko moyo; odekabwa kwa wundu ghwa makosa gha wandu wapo.

JEREMIA 23:5

“Olenyi matuku ghichacha, nichawusira umu wa kivalwa cha Daudi uchaakaia mzuri wa hachi nao uchabonya nguma kwa hikima, na kubonya hachi na loli isangenyi.

JEREMIA 33:26

aho niko nichaalegha kivalwa cha Jakobo, na mdumiki wapo Daudi, nani sichaamsaghua ungi wa kivalwa chake ubonye nguma aighu ya kivalwa cha Abrahamu, Isaaka na Jakobo. Angu nichawifuya wughoma na kuwiwunja andu kwawo.”

AMOSI 9:11

BWANA waghamba, “Ituku jichacha nani nichaghuwunja wuzuri ghwa Daudi ghoreghueghe sa nyumba ighue na kunoneka. Nichaagha mawurigha gharo na kughimangisha. Nichaghuagha na kughuwika sa iji ghorekoghe imbiri.

ZEKARIA 12:8

Ituku ijo, ini BWANA nichawilindia wandu wikaigha Jerusalemu; hata uo uko mnyonge putu aghadi yawo uchakaia na ndighi sa ra Daudi, na wandu wa kivalwa cha Daudi wichalongoza sa malaika wa BWANA, nawo wichakaia sa Mlungu.

MATHAYO 1:18

Jesu Kristo orevaloghe huwu; Maria uja mae, orekoghe mchumba wa Josefu, ela imbiri wisekaie chia imweri, ukawoneka oko na kifu kwa ndighi ra Roho Mweli.

MATHAYO 1:2

Abrahamu oremvaeghe Isaaka, Isaaka ukamva Jakobo, na Jakobo ukamva Juda na waruna.

MATHAYO 15:22

Ukacha muka umu Mkanaani wa isanga ijo, ukamzera kwa lwaka lubaa, “Ee Bwana, Mwana wa Daudi, kunifue wughoma; munjighe wapo wajishwa wasi nandighi ni pepo.”

MATHAYO 3:16

Nao nyuma ya Jesu kubaputizwa, ukajoka shwa kufuma machinyi. Na mlungunyi kukafunukuka, ukammbona Roho wa Mlungu ukisea sa mbughi na kukaria aighu yake.

MATHAYO 9:27

Hata iji Jesu orekoghe ukifuma aja, ukanughwa ni vitungure viwi wikikema na kughamba, “Kudifue wughoma ee Mwana wa Daudi.”

LUKA 1:33

Nao uchaibonyera nguma nyumba ya Jakobo kwa kala na kala; na wuzuri ghwake ndeghuchaakaia na kutua kungi anduangi.”

JOHANE 7:42

Maandiko ndeghighorie angu Kristo uchafuma kwa kivalwa cha Daudi na kuvalwa Bethlehemu muzi orekaieghe Daudi?”

MABONYO GHA WADUMI 2:30

Uo moni angu orekoghe mlodi, nao ukimanya seji Mlungu orem'bonyereghe ighemi, angu uchamsera kidombo mndumu wa kivalwa chake kifumbinyi chake cha nguma,

WAROMA 1:3

Ijo Ilagho Jiboie ja Mwana wake, uo orevaloghe wa mbari ya Daudi kwa chia ya mumbi;

WAROMA 4:13

Ilaghiro orenekeloghe Abrahamu na kivalwa chake, kukaia wichaghupata ifwa wurumwengu, nderelaghiriloghe uchaghupata ifwa wurumwengu kwa kuinugha Sharia, ela ni kwa chia etalilwa hachi ya irumirio.

WAROMA 9:5

na awo weke wawa ni wawo, na kufuma kwawo orevaloghe Kristo kwa chia ya mumbi. Mlungu uo uko aighu ya vose ndekaso kwa kala na kala. Amen.

WAGALATIA 3:16

Idana malaghiro ghedebonywa kwa Abrahamu na kivalwa chake. Na maandiko ndeghiwueghora wei, “Na vivalwa,” seji ni kwa wengi; ela gheeghora kwa wundu ghwa umweri, “Na kwa kivalwa chako” nuo Kristo.

1 TIMOTHEO 2:5

Angu Mlungu ni umweri, na mpatanishi aghadi ya Mlungu na wandu ni umweri, uo mundu, Kristo Jesu;

2 TIMOTHEO 2:8

Mkumbuke Jesu Kristo urukishiro kufuma kwa wafu, wa kivalwa cha Daudi, sa iji nimchilie kwa ijo Ilagho Jiboie.

WUFUNUO 22:16

“Ini Jesu namduma malaika wapo ughighorie makanisa maza iri. Ini ne wa kivalwa cha Daudi; iyo nyerinyeri ing'alaa-ng'ala ya luma lwa nakesho.”