MARKO 9:7 - Biblia Ilagho Jiboie Kwa Wandu Wose

⁷ Aho jikacha iwingu, jikawingiria kiju, na lwaka lukasikirika kufuma iwingunyi, “Uhu ni Mwana wapo mkundwa, msikirenyi.”

MARKO 9:7 ပူးပေါင်းရင်းမြစ်များ

ZABURI 2:7

Mzuri waghamba, “Nichaeresha agho BWANA ughorie. Wanizerie huwu, ‘Oho ko mwana wapo, nakuva idime.

ZABURI 97:2

Mawingu na kira kibaa vammara chia rose, wabonya nguma kwa hachi na loli.

KUFUMA 24:16

Wubaa ghwa BWANA ghukakaia aighu ya Mghondi ghwa Sinai, na iwingu jikaghufinikira kwa matuku arandadu. Ituku ja mfungade, BWANA ukammbanga Musa aghadi kufuma kwa ijo iwingu.

KUFUMA 40:34

Niko iwingu jikaifinikira Hema, na mwengere m'baa ghwa BWANA ghukang'ala-ng'ala andenyi yaro.

DANIELI 7:13

Na kwa agho mawono gha nakio, nerewonieghe umu ufwanane na mwana wa mdamu ukicha andenyi ya mawingu gha mlungunyi; ukamchea Uo wa Matuku Mengi, ukakaia kimusi imbiri kwake.

MATHAYO 27:43

Wamrumirie Mlungu, na kukuwanga ‘Mwana wa Mlungu.’ Oke Mlungu ndemkire idana ngera loli wamkunde.”

MATHAYO 27:54

Uja m'baa a masikari, na waja wose werekwanyeghe wikimlindia Jesu, wiendawona ugho msughusiko ghwa ndoe na agho ghose gherebonyekieghe, wikashinika na kughamba, “Loli uhu orekoghe Mwana wa Mlungu.”

MATHAYO 3:17

Na lwaka lukasikirika kufuma mlungunyi lukighamba, “Uhu nuo Mwana wapo mkundwa, uniboiagha loli-loli.”

MARKO 1:11

Lwaka lukasikirwa kufuma mlungunyi, “Oho ko Mwana wapo, mkundwa, kuniboiagha loli-loli.”

MARKO 9:6

Angu nderepatireghe ilagho ja kughora anduangi, kwa kukaia werengiriloghe ni wowa m'baa.

MARKO 9:8

Na ahoeni wikizighana, ndeweremmbonieghe mndungi sena anduangi, ela Jesu uekeri ukwanye andwamweri nawo.

LUKA 3:22

na Roho Mweli ukamseria aighu kwake uko na fwana ya mumbi sa mbughi, na lwaka lukafuma mlungunyi, “Oho ko Mwana wapo mkundwa, niboilwagha ni oho loli-loli.”

JOHANE 1:34

Nani nawonie, niko nashuhudia angu uhu ni Mwana wa Mlungu.”

JOHANE 1:49

Nathanaeli ukamzera, “Mwalimu, oho ko Mwana wa Mlungu! Ko Mzuri wa Israeli!”

JOHANE 12:28

Aba, jikase irina jako.” Nao lwaka lukacha kufuma mlungunyi, “Nameria kujikasa sena nichajikasa.”

JOHANE 19:7

Wayahudi wikamtumbulia, “Isi deko na sharia, na kunughana na sharia iyo yamfwana ufo, angu orekubonyereghe moni kukaia Mwana wa Mlungu.”

JOHANE 20:31

Ela agha gheandikwa, inyo mpate kurumiria angu Jesu ni Kristo, Mwana wa Mlungu; na kwa kurumiria kwake, mpate kukaia na irangi kwa irina jake.

JOHANE 5:18

Kwa wundu ghwa madedo agho, Wayahudi wikachuria kulola chia em'bwagha, kwa kukaia Jesu ndereinonieghe Sabato cheni, ela hata Mlungu wadammbanga wei ni ndee, ukikubonya uo moni karakara na Mlungu.

JOHANE 5:37

Na wokoni uja Aba orenidumieghe wanishuhudia; na inyo jingi ndemlusikire lwaka lwake hata kughuwona wushu ghwake anduangi;

JOHANE 6:69

Isi darumirie, sena dacheemanya angu oho nuo uja Mweli wa Mlungu.”

JOHANE 9:35

Nao Jesu ukasikira angu weremmbingieghe, hata iji wammbona ukamkotia, “Welee, oho kwarumiria kwake Mwana wa Mdamu?”

MABONYO GHA WADUMI 1:9

Uendaghora huwo, nawo wikimzighana, ukawusirwa noko ighu, ukadwalwa aighu mlungunyi, na iwingu jikamtuwiria wisemmbone sena.

MABONYO GHA WADUMI 7:37

Uo Musa nuo moni orewizerieghe Waisraeli, ‘Mlungu uchammbusiria mlodi kufuma aghadi ya wanyinyu sa ini.’

MABONYO GHA WADUMI 8:36

Nawo iji werekoghe wikighenda chienyi, wikabusa andu kuko na machi, na kolowi ukamzera, “Machi hagha, niki chinighiriagha kubaputizwa?” [

WAROMA 1:4

na kwa chia ya wueli ghwake ghwa wulungu, orewonyeroghe kukaia Mwana wa Mlungu kwa ndighi mbaa, kwa uko kurukishwa kwake kufuma kwa wafu, uo Jesu Kristo Bwana odu.

WAEBRANIA 2:1

Kwa huwo, suti diriwadie nandighi iro maza dirisikire, disechewuya nyuma.

2 PETRO 1:17

Angu iji orepatireghe ishima na wubaa kufuma kwa uo Mlungu Aba, na lwaka lukamchea kufuma kwa ugho Wubaa ghwa Kiwuzuri lughambagha, “Uhu ni Mwana wapo mkundwa, uniboiagha loli-loli,”

1 JOHANE 5:20

Nesi damanya angu Mwana wa Mlungu wamerie kucha, na kudineka kutambukilwa, dipate kummanya Mlungu wa loli; nesi deko andenyi kwake uo Mlungu wa loli, andenyi ya Mwana wake Jesu Kristo. Uhu nuo Mlungu wa loli, na irangi ja kala na kala.

WUFUNUO 1:7

Olenyi uacha mawingunyi, na kula iriso jichammbona, na kula mundu oremdungieghe, na wandu wa mbari rose ra ndoenyi, wichakema mchungu kwa wundu ghwake. Niko koni. Amen.