MARKO 9:1 - Biblia Ilagho Jiboie Kwa Wandu Wose

¹ Ukachuria kuwizera, “Namghoria loli, koko wandu wiko kimusi aha, na jingi wisechaatoa kifwa anduangi, hata wameria kughuwona wuzuri ghwa Mlungu ghukicha kwa ndighi.”

MARKO 9:1 ပူးပေါင်းရင်းမြစ်များ

MATHAYO 16:28

Namghoria loli, weko wandu aha wisechaafwa anduangi hata wameria kummbona Mwana wa Mdamu ukicha kwa Wuzuri ghwake.”

MATHAYO 24:30

Niko aho ichawoneka alama ya Mwana wa Mdamu aighu mawingunyi, na mbari rose ra ndoenyi richakema na kulila, nawo wichammbona Mwana wa Mdamu ukicha aighu ya mawingu gha mlungunyi uko nandighi na wubaa mungi;

MATHAYO 25:31

“Ngelo Mwana wa Mdamu uchagha na wubaa ghwake, na weke malaika wose wiko andwamweri nao, uchasea kidombo aighu ya kifumbi chake cha nguma.

MARKO 13:26

Niko wichaammbona Mwana wa Mdamu ukicha mawingunyi kwa ndighi na wubaa mungi.

MARKO 13:30

Namghoria loli, kivalwa ichi ndechichaaida, maza iri rose risekaie anduangi.

LUKA 2:26

Orekoghe wawonyerwa ni Roho Mweli angu ndechaawona kifwa anduangi, hata ummbone Kristo wa Bwana.

LUKA 22:18

nani namzera angu sichaanywa divei sena, hata Wuzuri ghwa Mlungu ghumerie kucha.”

LUKA 22:30

mpate kuja na kunywa mezenyi kwapo, kwa wuzuri ghwapo; na kusea kidombo vifumbinyi va nguma, mkiritanya iro mbari ikumi na iwi ra Israeli.”

LUKA 9:27

Nani namghoria loli, koko na wandu wiko kimusi aha wisechaawona kifwa, hata wameria kughuwona wuzuri ghwa Mlungu.”

JOHANE 21:23

Nao malagho ghikaereshwa kwa awo wanidu wei uja mnughi ndechaafwa anduangi. Ela Jesu nderemzerieghe wei ndechaafwa anduangi, ela odeghora, “Ngakunda ukaie moyo hata nawuya ni ilaghoki kwako.”

WAEBRANIA 2:9

Ela dammbona Jesu, uo orebonyeroghe mtini kuchumba weke malaika kwa ngelo ndini, eri kwa mvono ghwa Mlungu, upate kufwa kwa wundu ghwa kula mundu; nesi dammbona warushwa kirumbu cha wubaa na ishima, angu orepatireghe matiriro gha kifwa.