MARKO 8:34 - Biblia Ilagho Jiboie Kwa Wandu Wose

³⁴ Nao ukajiwanga jija izungu andwamweri na wanughi wake wimchee, ukawizera, “Ngera mundu wakunda kuninugha, ukukane uo moni, ughuduke msalaba ghwake, uninughe.

MARKO 8:34 ပူးပေါင်းရင်းမြစ်များ

1 WAZURI 14:8

ngaghuwaghanya wuzuri kufuma kwa kichuku cha Daudi, na kukuneka oho; ela ndekorekaieghe kara kara na mdumiki wapo Daudi, uo oreiwadieghe memu yapo na kuninugha kwa ngolo yake yose, ukibonya agho gheni gherekoghe gha hachi imbiri kwapo.

MITALO 14:24

Ela mdumiki wapo Kalebu, kwa kukaia uko wuzima, nao wawuyaninugha tiki, nichamghenja ijo isanga orejighendieghe na kivalwa chake chichajiwusa.

MATHAYO 10:38

Uo usedukagha msalaba ghwake na kuninugha ndenifwanagha anduangi.

MATHAYO 16:24

Niko Jesu ukawizera wanughi wake, “Mndungi ukakunda kukaia mnughi wapo, suti ukukane uo moni, ughuduke msalaba ghwake uninughe.

MATHAYO 27:32

Nao iji werekoghe wikifuma, wikammbona mundu umu wa Kurene uwangwagha Simoni, na waja masikari wikamlazimisha ughuduke msalaba ghwa Jesu.

MARKO 10:21

Nao Jesu ukamzighana kwa lukundo, ukamzera, “Ola kwasowa wundu ghumweri: ghenda kuuze ivo vose kuko navo, kuwineke wakiwa, na oho kuchakaia na mali mlungunyi; konyuma kuche kuninughe.”

MARKO 7:14

Jesu ukajiwanga izungu ja wandu wimchee sena, ukawizera, “Nisikirienyi inyo mmbose, sena mtambukilo.

LUKA 13:24

Ukawizera, “Fungenyi ndighi kungia kwa mnyango msuse, angu namghoria, wengi wichakunda kungia, ela ndewichaadima anduangi.

LUKA 14:33

Ni huwo koni uo ose usesighagha vose uko navo, ndedimagha kukaia mnughi wapo anduangi.”

LUKA 18:22

Jesu uendasikira agho ukamzera, “Kwasighwa ilagho jimweri; uza vose kuko navo kuwiwaghie wakiwa, na oho kuchakaia na mali mlungunyi, sena kuche kuninughe.”

LUKA 20:45

Nao iji wandu werekoghe wikimsikiria, Jesu ukawizera wanughi wake,

LUKA 9:23

Nao ukawizera wose, “Ngera mndungi wakunda kunughana nani, ndekukane uo moni, ughuduke msalaba ghwake matuku ghose uninughe.

JOHANE 10:27

Ng'ondi rapo radasikira lwaka lwapo, nani nariichi, naro raninugha.

JOHANE 19:17

Nao ukafuma ukighuduka msalaba ghwake, wikabusa andu kuwangwagha, “Andu kwa Ngoma ya Chongo” (kwa Kiebrania ni Golgotha.)

MABONYO GHA WADUMI 14:22

Wikiwimangisha awo warumirii, na kuwifungisha ndighi widuo andenyi ya ijo irumirio wikighamba, “Ni suti dighungie Wuzuri ghwa Mlungu kwa chia ya wasi mungi.”

WAROMA 6:6

Nesi damanya angu wudamu ghodu ghwa kala ghwasulubishiro andwamweri nao, mumbi ghwa kaung'a ghupate kutoteshwa; eri isi diseduo wazumba wa kaung'a sena.

WAROMA 8:17

na ikakaia diko wana, de wandu wa ifwa, wandu wa ifwa wa Mlungu, na wangara wa ifwa andwamweri na Kristo; ikakaia datirirwa andwamweri nao, eri diwonekaswa andwamweri nao wori.

1 WAKORINTHO 15:31

Naghora loli wanidu, ngikukasa andenyi ya Kristo Jesu Bwana odu kwa wundu ghonyu; nadaka kifonyi kula ituku!

1 WAKORINTHO 8:13

Kwa huwo, ikakaia vindo viamshekeria mwanidu ubonye kaung'a, na jingi sichaaja nyama, nichemshekeria mwanidu kungia kaung'enyi.

1 WAKORINTHO 9:19

Angu hata ngera siko mzumba wa mndungi, ela nakubonyere mzumba wa wandu wose, eri niwipate wandu wengi kuchumba.

WAGALATIA 2:20

Ini namerie kusulubishwa andwamweri na Kristo, na si ini ungi nawuyakaia moyo, ela Kristo nuo uko moyo andenyi kwapo; na uko kukaia moyo niko nako mumbinyi, naawuyakaia moyo kwa irumirio, ngimrumiria Mwana wa Mlungu, uo orenikundieghe na kukufunya uo moni kwa wundu ghwapo.

WAGALATIA 5:24

Na awo wiko wa Kristo Jesu wamerie kughusulubisha mumbi chiaimweri na mirudo yaro na bea raro.

WAGALATIA 6:14

Ela ini, nisekukase na kindo chingi, isaakaia ni ugho msalaba ghwa Bwana odu Jesu Kristo; kwa ugho, wurumwengu ghwasulubishiro kwapo, na ini kwa wurumwengu.

WAFILIPI 3:10

niwonemmanya uo, nandighi ya kuruka kwake, nikaie mngara wa matiriro ghake, na kufwanana nao kwa kufwa kwake;

WAFILIPI 3:7

Ela iro fwaida rose nerekoghe naro, nereritalieghe kukaia hasara, kwa wundu ghwa Kristo.

WAKOLOSAI 1:24

Idana naboilwa andenyi ya matiriro ghapo kwa wundu ghonyu, nani naawuyakatisha kwa mumbi ghwapo agho matiriro gha Kristo ghisigharikie kwa wundu ghwa mumbi ghwake, najo ni ikanisa.

WAKOLOSAI 3:5

Kwa huwu ribwaghenyi iro bea ra wurumwengu riko andenyi konyu; kulaka, kushughunuka, mirudo ya bea, bea rizamie, na iriso, najo ni kutasa milimu;

2 WATHESALONIKE 3:11

Angu dasikire wei wamu wenyu ni waghadi; nawo waawuyakungira andenyi ya maza ra wandu wazima, hata ndewiwuebonya kazi ingi.

TITO 2:12

nagho ghwadifundisha kulegha mawiwi, na bea ra wurumwengu, dipate kudua moyo diko na akili ndicha, waloli, na irangi jiko na kuobua kwa Mlungu andenyi ya wurumwengu ughu;

WAEBRANIA 13:13

Kwa huwo, ndedimghendie uo cha shighadi ya kambi, dikidwa masholio agho oreghirumaghieghe.

1 PETRO 4:1

Kwa kukaia Kristo orepatireghe matiriro mumbinyi, nenyo mmbeni mkurushe maswagha gha nia iyo cheni; angu uo ose upatire matiriro gha mumbi, wamerie kusighana na kaung'a,

1 PETRO 4:13

Ela boilonyi kwa kukaia mwakaia wangara wa matiriro gha Kristo; eri mpate kuboilwa na kuzuma ngelo ya kufunukulwa kwa wubaa ghwake.

2 PETRO 1:14

kwa kukaia namanya ngelo etana na mumbi ghwapo yalighisa, sa iji koni nerewonyeroghe ni Bwana odu Jesu Kristo.

1 JOHANE 3:16

Kwa ilagho iji, dalumanya lukundo; kukaia, Kristo orefunyireghe irangi jake kwa wundu ghodu, nesi yadifwana difunye marangi ghedu kwa wundu ghwa awo wanidu.

WUFUNUO 2:10

Kusakeobua agho matiriro ghichaakuchea. Olenyi wamu wenyu mwalighisa kungirwa kifungonyi ni Ibilisi, upate kumtima; nenyo mchatirirwa matuku ikumi. Kukaie mloli hata kufwa, nani nichakuneka kirumbu cha irangi.