MARKO 7:26 - Biblia Ilagho Jiboie Kwa Wandu Wose

²⁶ Nao orekoghe muka wa Kigriki, mbari ya Wasurofoinike. Ukamlomba Jesu uiwinge pepo ifume kwa mnjighe wake.

MARKO 7:26 ပူးပေါင်းရင်းမြစ်များ

ISAYA 49:12

Olenyi wandu awa wichacha kufuma kula, wichafuma kaskazinyi na magharibi; na wamu kufuma Sinimu.”

MATHAYO 15:22

Ukacha muka umu Mkanaani wa isanga ijo, ukamzera kwa lwaka lubaa, “Ee Bwana, Mwana wa Daudi, kunifue wughoma; munjighe wapo wajishwa wasi nandighi ni pepo.”

MATHAYO 4:24

Na sare yake ikaera isanga jose ja Siria, wandu wikamredia wakongo wa mbari rose werekoghe wikisirimika kwa pepo na kuzimia, andwamweri na wakelemeri. Jesu ukawiboisa wose.

MARKO 7:25

Nao ahoeni, muka umu mnjighe wake uko na pepo izamie, ukasikira wuvoro ghwake, ukacha ukaghwa maghunyi kwake.

MARKO 7:27

Jesu ukamzera, “Leka wana wighude kande, angu si nicha kuviwusa vindo va wana na kuvikumbia koshi.”

WAGALATIA 3:28

Ndekuwadie Myahudi, angu Mgriki; ndekuwadie mzumba, angu mkitina; ndekuwadie mndwawomi, angu muka anduangi; angu inyo mmbose moko wandu wamweri andenyi ya Kristo Jesu.

WAKOLOSAI 3:11

Aha ndekuwadie wuchumbano ghungi aghadi ya Mgriki na Myahudi, wandu wishamishiro na awo wiseshamishiro, wandu wisestaarabikie, na wistaarabikie, mzumba na mkitina; ela Kristo ni vose, nao oko andenyi ya vose.