MARKO 5:7 - Biblia Ilagho Jiboie Kwa Wandu Wose

⁷ ukakema na lwaka lubaa ukighamba, “Nawadieki kwako Jesu Mwana wa Mlungu Uko-Aighu-Nandighi? Nakuvoya kwa irina ja Mlungu, kusakenitirira!”

MARKO 5:7 ပူးပေါင်းရင်းမြစ်များ

KUZOYA 3:15

Nichawika wumaiza aghadi yako na uo muka, na aghadi ya kivalwa chako na kivalwa chake. Uo uchachibara chongo chako, na oho kuchamluma ghimbe yake.”

1 WAZURI 22:16

Ela mzuri ukamzera, “Nikughoria kalinga kukaia kukakanighoria malagho kwa irina ja BWANA kunighorie loli?”

HOSEA 14:8

Wandu wa Israeli ndewichaaidumikia milimu sena, nichatumbulia malombi ghawo na kuwilindia; nichawifinikira sa mudi ghupambie, na kuwirasimia kwa kula kindo kicha.”

MATHAYO 16:16

Simoni Petro ukatumbulia, “Oho ko Kristo, Mwana wa Mlungu uko moyo.”

MATHAYO 26:63

Ela Jesu ukanyama kima. Mkohani M'baa ukamzera, “Nakughemesha kwa irina ja Mlungu uko moyo, kudighorie ngera oho nuo Kristo Mwana wa Mlungu.”

MATHAYO 4:3

Niko Mtimi ukamchea ukamzera, “Ikakaia oho ko Mwana wa Mlungu, ghizere magho agha ghiwuye mikate.”

MATHAYO 8:29

Wikazoya kukema wikighamba, “Koko na ilaghoki nesi oho Mwana wa Mlungu? Wele kwaacha kuditirira ngelo edu isevikie?”

MARKO 1:24

ukighamba, “Isi dawadieki kwako, Jesu wa Nazareti? Kwaacha kuditotesha? Nakuichi oho nani; ni uja Mweli wa Mlungu.”

MARKO 14:61

Ela uo ukanyama kima, hata nderetumbulieghe ilagho jingi anduangi. Mkohani M'baa ukamkotia kawi, “Welee, oho nuo Kristo, Mwana wake uja Mrasimilwa, anguwada?”

MARKO 3:11

Na wandu werekoghe na pepo ra makakala iji wammbona, wikaghwa imbiri kwake wikikema na kughamba, “Oho ko Mwana wa Mlungu!”

MARKO 5:6

Iji wammbona Jesu kula koni, ukamghendia na iseghe, ukamtasa;

MARKO 5:8

(Oreghorieghe huwo angu Jesu oremzerieghe, “Fuma kwa uhu mundu, oho pepo ya makakala.”)

LUKA 1:32

Uchakaia m'baa, nao uchawangwa Mwana wa Uo-Uko-Aighu-Nandighi; na Bwana Mlungu uchamneka kifumbi cha nguma cha ndee Daudi.

LUKA 4:34

“Aa! Kwakunde kudibonya wada oho Jesu wa Nazareti? Kwaacha kuditotesha? Ini nakuichi oho ko uja Mweli wa Mlungu.”

LUKA 6:35

Ela wikundenyi wamaiza wenyu, na kuwibonyera nicha; mkopeshe, ela msesuwirie kuwunjirwa kindo chingi; niko mafungu ghenyu ghichaakaia mabaa, sena mchakaia wana wa Uo-Uko-Aighu-Nandighi; angu uo moni ni mucha hata kwa awo wisewadie chawucha ingi na kwa wachoyo.

LUKA 8:28

Nao iji wammbona Jesu, ukakema na kughwa imbiri kwake, na kughamba kwa lwaka lubaa, “Kwakunde kunibonya wada Jesu Mwana wa Mlungu Uo-Uko-Aighu-Nandighi? Nakuvoya kusenitirire.”

JOHANE 20:31

Ela agha gheandikwa, inyo mpate kurumiria angu Jesu ni Kristo, Mwana wa Mlungu; na kwa kurumiria kwake, mpate kukaia na irangi kwa irina jake.

MABONYO GHA WADUMI 16:17

Ukamnugha Paulo andwamweri nesi ukighora kwa lwaka lubaa, “Wandu awa ni wadumiki wa Mlungu Uko Aighu Na Ndighi, nawo wamchilia malagho gha kukia.”

MABONYO GHA WADUMI 19:13

Niko Wayahudi wamu werekoghe wikimara-mara na kuwinga pepo rizamie kwa maghanga, wikazoya kujitumia irina ja Bwana Jesu kwa awo werekoghe na pepo rizamie wikighamba, “Nakulaghira kwa irina ja Jesu uo uchilwagha ni Paulo.”

MABONYO GHA WADUMI 8:36

Nawo iji werekoghe wikighenda chienyi, wikabusa andu kuko na machi, na kolowi ukamzera, “Machi hagha, niki chinighiriagha kubaputizwa?” [

WAROMA 16:20

Na Mlungu uo uredagha sere uchamfasha Shetani aisi ya maghu ghenyu kafwani. Mvono ghwa Bwana Jesu Kristo ndeghukaie andwamweri nenyo.

WAEBRANIA 2:14

Idana kwa kukaia awo wana ni wandu wiko na nyama na bagha, huwo koni Jesu orewusireghe fwana tiki ya kidamu, eri kwa chia ya kifwa, upate kumtotesha uo uko nandighi ra kifwa, uo Ibilisi;

WAEBRANIA 7:1

Uo Melkizedeki, mzuri wa Salemu, mkohani wa Mlungu Uko Aighu Na Ndighi, orekwaneghe na Abrahamu, iji orekoghe ukiwuya kufuma wudenyi, andu orekoghe wawibwagha wazuri; Melkizedeki ukamrasimia;

JAKOBO 2:19

Oho kwarumiria angu Mlungu ni umweri, kwabonya nicha. Hata pepo rarumiria, na kusughusika.

2 PETRO 2:4

Mlungu nderewilekieghe awo weke malaika werebonyereghe kaung'a, ela orewikumbieghe jehanamunyi, na kuwingira andenyi ya vina viko ndenyi va kira; andu wawuyawikwa hata Ituku ja Kutanywa.

1 JOHANE 3:8

Mundu ubonyagha kaung'a ni wa Ibilisi, angu Ibilisi wadabonya kaung'a kufuma kuzoya. Kwa wundu ugho, Mwana wa Mlungu orewonekieghe worinyi, upate kurinona kazi ra Ibilisi.

JUDA 1:6

Na awo weke malaika wisererilindirieghe nguma rawo, ela werefumieghe andu werekoghe wikikaia, Mlungu orewifungieghe na minyororo ya kala na kala na kuwiwika andu kwa kira hata Ituku ibaa ja kutanywa.

WUFUNUO 12:12

Kwa wundu ugho, boilonyi ee mlungunyi, nenyo mmbose mkaiagha andenyi kwaro. Ela ni bugha konyu ee ndoenyi, na bahari, angu uo Ibilisi wamseria inyo uko na machu mabaa, angu waichi kukaia ngelo yake ni vui.”