MARKO 5:2 - Biblia Ilagho Jiboie Kwa Wandu Wose

² Hata iji Jesu wameria kufuma ishuonyi, ahoeni ukakwana na mndumu wafuma makaburinyi, uko na pepo ya makakala.

MARKO 5:2 ပူးပေါင်းရင်းမြစ်များ

ISAYA 65:4

Wandu wiseagha kidombo a makaburinyi, na kulala andu kwa kivisonyi; wadaaja nguwe na kutumia vilambo vawo kunywa supu ya vindo viseelie.

MARKO 1:23

Ahoeni sunagoginyi, orekoghe mundu uko na pepo ya makakala, nao ukakema,

MARKO 1:26

Niko ija pepo ya makakala imeria kumkuna uja mundu, na kukema kwa lwaka lubaa, ikamfuma.

MARKO 3:30

(Jesu oreghorieghe huwo angu weremzerieghe wei, “Wawadie pepo ya makakala.”)

MARKO 3:9

Jesu ukawizera wanughi wake wimredie ishua, ukaie kakula kwa wundu ghwa wandu kukaia wengi, wisechemtindiria;

MARKO 4:1

Nao Jesu ukazoya kufundisha sena mbai na mbai ya ndiwa. Izungu ibaa jikamkwanyikia, nao ukangia ishuonyi, ukakaia ndiwenyi, na jija izungu jose jikakaia mbai-mbai ya ndiwa, andu kuomie.

MARKO 4:36

Wikajisigha jija izungu, wikamdwa kwa jija ishua orekoghe, na mashua zima rikanughana nao.

MARKO 5:21

Nao iji Jesu waruwuka kimonu sena kwa ishua, izungu ibaa jikamkwanyikia, nao moni ukakaia mbai na mbai ya ndiwa.

MARKO 5:3

Wulalo ghwake ghorekoghe makaburinyi, nao ndekorekoghe na mndungi udimagha kumfunga hata na mnyororo ghoni anduangi.

MARKO 5:8

(Oreghorieghe huwo angu Jesu oremzerieghe, “Fuma kwa uhu mundu, oho pepo ya makakala.”)

MARKO 7:25

Nao ahoeni, muka umu mnjighe wake uko na pepo izamie, ukasikira wuvoro ghwake, ukacha ukaghwa maghunyi kwake.

LUKA 8:27

Jesu uendasea mashuonyi, ukakwana na mundu uko na pepo wafuma mzinyi; na kwa matuku mengi ndererwaeghe nguwo ringi, hata nderekaieghe nyumbenyi anduangi, ela orekoghe ukikaia makaburinyi.

LUKA 9:42

Nao iji orekoghe ukicha, ija pepo ikamghusha na kumkuna. Ela Jesu ukaikania ija pepo ya makakala, ukam'boisa uja mwana na kumneka ndee.