MARKO 3:5 - Biblia Ilagho Jiboie Kwa Wandu Wose

⁵ Ukawizighana wose kwa machu, ukawawa ni ngolo kwa wundu ghwa awo kukaia na ngolo rikurie; ukamzera uo mundu, “Ghorua mkonu ghwako.” Nao ukaghughorua, na mkonu ghwake ghukaboa.

MARKO 3:5 ပူးပေါင်းရင်းမြစ်များ

KUZOYA 6:6

BWANA ukawawa na kusirimika ngolonyi angu oremuumbieghe mdamu na kummbika ndoenyi.

1 WAZURI 13:6

Mzuri Jeroboamu ukamzera mlodi, “Tafadhali nilombie kwa BWANA Mlungu wako, kumvoye mkonu ghwapo ghupate kuboa.” Mlodi wa Mlungu ukamlomba BWANA, na mkonu ghwa mzuri ghukaboa na kuwuya sa iji koni ghorekoghe.

NEHEMIA 13:8

Ngajokwa ni machu loli-loli; ngavikumba cha shighadi vilambo vose va Tobia.

ZABURI 95:10

Kivalwa icho cherenivavirieghe ngolo kwa miaka mirongo ina. Ngaghamba, “Ni wandu wisenisikiragha, hata ndewitalagha Sharia rapo anduangi.”

MATHAYO 12:13

Niko ukamzera uja mundu, “Ghorua mkonu ghwako.” Nao ukaghughorua nagho ghukaboa na kukaia karakara na ghuja ghumu.

MARKO 3:4

Niko ukawizera, “Keni ni hachi kubonya nicha ituku ja Sabato angu kubonya laghe-laghe? Kukira irangi angu kubwagha?” Nao wikanyama kima.

LUKA 13:15

Nao Bwana ukamzera, “Inyo waji-kuwi, huwo ungi onyu aha ndefunguagha ng'ombe angu punda wake ughende machinyi ituku ja Sabato?

LUKA 17:14

Uendawiwona, ukawizera, “Ghendenyi mkuwonyere mmbeni kwa wakohani.”

LUKA 6:10

Ukawizighana wose chia rose, ukamzera uja mundu, “Ghorua mkonu ghwako.” Nao ukaghughorua na mkonu ghwake ghukaboa.

JOHANE 9:7

ukamzera, “Ghenda ndiwa ya Siloamu, kuoghe wushu” (kutambua kwaro irina ijo ni “Udumilo.”) Nao ukaghenda ukaogha, ukawuya ukiwona.

WAROMA 11:25

Wanidu, nakunde mmanye maza iri rivisikie, msechekalikia kwa kumanya konyu. Kughilika kwa Waisraeli kuchakaia kwa ngelo imu, hata mtalo ghwa wandu wa mbari zima wimghalukiagha Mlungu ghukatie;

2 WAKORINTHO 3:14

Ela akili rawo rerekurishiroghe; angu hata idime, iji vuo va ilaghano ja kala vashomwa, kuja kufinikirwa kwadadua wokoni; kwa kukaia uko kufinikirwa kwadainjwa kwa chia ya Kristo uekeri.

WAEFESO 4:18

Maririkanyo ghawo ghangirwa kira, hata ndewitambukilwagha; watanyiro na irangi ja Mlungu, kwa wundu ghwa wukelu ghuko andenyi kwawo, na kukua kwa ngolo rawo.

WAEFESO 4:26

Mkajokwa ni machu, msebonye kaung'a; msesighe ndoe iso mduagha na machu,

WAEFESO 4:30

Hata msakemvavira Roho Mweli wa Mlungu, uo morekabiloghe muhuri andenyi kwake, hata ituku ja kukombolwa konyu.

WAEBRANIA 3:10

Kwa huwo wandu wa kivalwa chija, werenivavirieghe ngolo nani ngaghamba, ‘Awo wadalaghaya toe ngolonyi kwawo na chia rapo ndewirimanyire anduangi.’

WAEBRANIA 3:17

Na awo weremvavirieghe Mlungu ngolo miaka mirongo ina ni weke ani? Wele si waja werebonyereghe kaung'a, wikafwa kireti?

WAEBRANIA 5:9

nao umeria kukatishwa, ukawuya kuzoya kwaro kuja kukia kwa kala na kala, kwa awo wose wimsikiragha;

WUFUNUO 6:16

wikiwanga mighondi mibaa na magho kwa kughamba, “Dighuenyi mdifinikire disewono ni uo useagha kidombo aighu ya kifumbi cha nguma, na uo Mwana wa Ng'ondi uko na machu mabaa;

WATANYI 10:16

Wikainja milungu ya kighenyi kufuma kwawo, wikamdumikia BWANA; nao ukawawa kwa wundu ghwa wasi ghwa Waisraeli.

1 SAMUELI 20:34

Ukawuka vindonyi wajokwa ni machu nandighi; hata nderejieghe vindo vingi ijo ituku ja kawi ja Ndima ya Mori Lukombe, angu orewawiloghe nandighi kwa wundu ghwa Daudi seji ndee wamsowia ishima.