MARKO 2:5 - Biblia Ilagho Jiboie Kwa Wandu Wose

⁵ Nao iji Jesu wawona irumirio jawo, ukamzera uja mkelemeri, “Mwanwapo, kaung'a rako ralekwa!”

MARKO 2:5 ပူးပေါင်းရင်းမြစ်များ

KUZOYA 22:12

Nao ukamzera, “Manya kusem'bonye mwana ilagho jingi, angu idana namanya loli kwamuobuagha Mlungu, angu kuseniimie mwana wako, uo mwana wako wa ititi Isaaka.”

ZABURI 103:3

Uo wadanifuya wughoma kaung'a rapo rose, na kuniboisa makongo ghapo ghose.

ISAYA 38:17

Ola wasi ghwapo ghwaniredia mecha; kwa kunikunda, kwanilindirie nisechunuke andenyi ya kina cha kunoneka, kwa kukaia kwainjire kaung'a rapo rose kuseriwoneghe.

ISAYA 53:11

nao uchawona matunda gha wasi ghwa roho yake na kukatwa; kwa wundu ghwa kumanya kwa hachi yake, mdumiki wapo uchawibonya wengi kutalwa kukaia na hachi, nao uchaduka mawiwi ghawo.

MATHAYO 9:2

Nao wandu wamu wikamredia mkelemeri wa kupooza walala wulinyi. Jesu uendawona irumirio jawo ukamzera uja mkelemeri, “Kaia na ngolo mwanwapo, kaung'a rako ralekwa.”

MATHAYO 9:22

Nao Jesu ukaghaluka ukammbona ukamzera, “Mwai, kaia na ngolo, irumirio jako jakuboisa.” Nao uja muka ukaboa saa ija cheni.

MATHAYO 9:5

Iji jiangue kughora ni jiao? Ni kughamba ‘Kwalekwa kaung'a rako’ angu ni kughamba, ‘Wuka kwende?’

MARKO 2:6

Ela walimu wamu wa Sharia werekoghe kidombo ahoeni wikaririkanya ngolonyi kwawo:

MARKO 5:34

Jesu ukamzera, “Mwai, irumirio jako jakuboisa. Ghenda na sere, kuboo putu wukongo ghwako.”

LUKA 5:20

Hata iji Jesu wajiwona irumirio jawo ukamzera, “Ee mundu, kwalekwa kaung'a rako.”

LUKA 8:48

Nao ukamzera, “Mwai, irumirio jako jakuboisa, kwende na sere.”

JOHANE 2:25

Hata nderekundieghe mndungi umghorie maza ra wandu anduangi, angu oremanyireghe rose riko andenyi ya mdamu.

JOHANE 5:14

Konyuma Jesu ukamkua uja mundu Hekalunyi, ukamzera, “Ola kwaboisiro, lindia kusebonye kaung'a sena kuchepatwa ni ilagho jizamie kuchumba jija.”

MABONYO GHA WADUMI 11:23

Nao iji wavika aho, na kuwona seji Mlungu uredie mvono ghwake kwa wandu, ukaboilwa; ukawishashira wose widuo waloli kwa Bwana wikifunga ndighi kumnugha kwa ngolo yose.

MABONYO GHA WADUMI 14:9

Ukasikira Paulo ukighora, na Paulo ukamkuya meso ghake, nao ukimmbona seji uko na irumirio jeboiswa,

MABONYO GHA WADUMI 5:31

Nao moni, Mlungu oremjosereghe nandighi kwa mkonu ghwake ghwa kiwomi ukaie Kilongozi na Mkiri, uwineke Waisraeli kuhea na kulekelwa kaung'a.

1 WAKORINTHO 11:30

Ihi niyo shekeria ya wandu wengi wenyu kukaia wanyonge na wakongo; na wamu wafue.

2 WAKORINTHO 2:10

Mundu uo ose mumfuyagha wughoma, nani wori namfuya wughoma. Ijo nijifuye wughoma, ikakaia jingi jiko, edeeka ni kwa wundu ghonyu imbiri ya Kristo

WAEFESO 2:8

Angu mookirwa kwa mvono kwa chia ya irumirio; najo si ibonyo jenyu jingi, ni inosi ja Mlungu;

WAKOLOSAI 3:13

mkirumaghiana mmbeni na mmbeni, na ngera mndungi oko na ilagho jingi aighu ya mmbao, mfuyane wughoma sa iji koni Bwana oremfuyeghe wughoma inyo, nenyo wori suti mfuyane wughoma.

JAKOBO 5:15

Ilombi ja irumirio jichamkira uo mkongo, na Bwana uchammbusira; na ngera wabonyere kaung'a, uchafuilwa wughoma.