MARKO 13:9 - Biblia Ilagho Jiboie Kwa Wandu Wose

⁹ “Ela manyenyi mkulindie inyo mmbeni, angu wandu wichamfunya mandunyi, na kumkaba andenyi ya masunagogi. Mchakaia kimusi imbiri ya wabonyi nguma na wazuri kwa wundu ghwapo, mpate kuwishuhudia.

MARKO 13:9 ပူးပေါင်းရင်းမြစ်များ

MATHAYO 5:22

Ela ini namzera, kula mundu ucham'bonyera mruna machu uchatanywa, na uo ummenyagha mruna uchaghenjwa mwandunyi. Uo ummbangagha mruna ‘Mkelu’ ichafwana ukumbo modonyi ghwa jehanamu.

MARKO 1:44

ukimzera, “Manya kusemghorie mndungi; ela ghenda kwa mkohani, kukuwonyere kumoni kwake, kufunye vizongona va kueleshwa kwako, sa iji koni verelaghiriloghe ni Musa, ghupate kukaia wushuhuda kwawo.”

MARKO 13:5

Jesu ukazoya kuwizera, “Manyenyi mndungi usakemlaghasha.

MARKO 13:8

Angu mbari ichawuka kulwa na mbari na wuzuri ghuchawuka kulwa na wuzuri. Kuchakaia na misughusiko andu kuzima-kuzima na njala. Ela maza iri ni sa kuzoya kulumwa kwa kuva.

MARKO 6:11

Ela kasikira andu kungi wandu walegha kumkaribisha angu kumsikira, mkakafuma aho-lee, muanguo teri iko maghunyi konyu na kosi, ghupate kukaia wushuhuda kwawo.”

LUKA 9:5

Wandu wangi wikalegha kumkaribisha, mkakafuma ugho muzi, mghughuduo teri kufuma maghunyi konyu, ikaie wushuhuda kwawo.”

JOHANE 15:20

Jikumbukenyi jija ilagho neremghorieghe, ‘Mdumiki ndekaiagha m'baa kuchumba bwana wake.’ Ngera werenitiririeghe ini, wichamtirira na inyo wori; ngera werejiwadieghe ilagho japo, wichajiwadia na jenyu wori.

JOHANE 16:2

Wandu wichammbinga sunagoginyi rawo, sena ngelo iacha uo ose ucham'bwagha inyo, uchaghesha wei, uamdumikia Mlungu.

MABONYO GHA WADUMI 21:11

Nao uendadichea, ukawusa mkumbo ghwa Paulo, ukakufunga moni maghu na mikonu ukaghamba, “Roho Mweli waghamba huwu, ‘Mundu wa mkumbo ughu, uchafungwa kwa chia ihi ni Wayahudi wiko Jerusalemu; na kumfunya kwa wandu wa mbari zima.’”

MABONYO GHA WADUMI 7:54

Nao iji wandu wa mwandu weresikireghe malagho agho, wikajokwa ni machu loli-loli, na kuja maghegho ghawo aighu yake.

MABONYO GHA WADUMI 9:16

angu ini nichammbonyera seji ichaamfwana kutirirwa kwa wundu ghwa irina japo.”

WAFILIPI 1:29

Angu inyo mwanekelo, si uko kurumiria Kristo koni anduangi, ela hata na kutirirwa wori kwa wundu ghwake;

2 WATHESALONIKE 1:5

Maza iri ni wushuhuda ghwa kutanya kwa hachi kwa Mlungu, eri inyo mpate kubonywa wandu wifwane wa Wuzuri ghwa Mlungu; ugho ghwawuyam'bonya mpate wasi.

2 JOHANE 1:8

Mkuzighane mmbeni, eri mselaghashe icho morechidumikieghe, ela mpate mafungu ghikatie.

WUFUNUO 1:9

Ini Johane mwanyinyu, mngara onyu andenyi ya Jesu, kwa agho matiriro, na ugho Wuzuri, na uko kurumaghia luma; nerekoghe andenyi ya kisiwa chiwangwagha Patimo, kwa wundu ghwa ijo ilagho ja Mlungu, na ugho wushuhuda ghwa Jesu.

WUFUNUO 2:10

Kusakeobua agho matiriro ghichaakuchea. Olenyi wamu wenyu mwalighisa kungirwa kifungonyi ni Ibilisi, upate kumtima; nenyo mchatirirwa matuku ikumi. Kukaie mloli hata kufwa, nani nichakuneka kirumbu cha irangi.

WUFUNUO 2:13

Namanya andu kukaiagha; ni andu kifumbi cha nguma cha Shetani chiko. Oho kwamaziriane nani, hata ndekorejikanieghe irumirio japo hata kwa agho matuku gha Antipa mshahidi wapo na mloli wapo; uo orebwaghiloghe aghadi konyu, andu Shetani ukaiagha.