MARKO 13:6 - Biblia Ilagho Jiboie Kwa Wandu Wose

⁶ Wengi wichacha wikitumia irina japo wikighamba, ‘Ini nuo moni;’ nawo wichalaghasha wengi.

MARKO 13:6 ပူးပေါင်းရင်းမြစ်များ

JEREMIA 14:14

Ela BWANA ukatumbulia, “Awo walodi waawuyaghora tee kwa irina japo; siwidumie kungi, hata siwilaghirie angu kudedanya nawo hata ilagho jimweri. Mawono wawuyaghighora ndeghifumie kwapo; malodi ghawo ndeghine fwaida weeghidunga weni.

MATHAYO 24:11

Wichawuka walodi wa tee wengi, nawo wichawilaghasha wandu wengi.

MATHAYO 24:5

Angu wengi wichacha kwa irina japo wikighamba, ‘Ini nuo Kristo,’ nawo wichawilaghasha wengi.

MARKO 13:22

Angu wichawuka weke Kristo wa tee, na walodi wa tee; wichawonyera wandu alama na mashiniko, kwa kuwilaghasha; hata ngera kudimika, na waja wasaghulwa wori.

MARKO 13:5

Jesu ukazoya kuwizera, “Manyenyi mndungi usakemlaghasha.

MARKO 13:7

Hata iji mwasikira wuda na wuvoro ghwa wuda, msakeobua, angu suti maza iri rikaie; ela kuja kutua ndekulighisire kande anduangi.

JOHANE 5:43

Ini nachee kwa nguma ra Aba, nenyo ndemuniwusagha; ela ngera mndungi wacha kwa nguma rake, mchammbusa.

JOHANE 8:24

Huwo niko namzera angu mchafwa kaung'enyi konyu. Nenyo mchafwa kaung'enyi konyu ngera mserumiriagha angu ‘Ini Nuo Moni.’”

JOHANE 8:28

Niko ukawizera, “Iji mwamjosa Mwana wa Mdamu, aho niko mchaamanya angu ‘Ini Nuo Moni;’ nenyo mchamanya angu sibonyagha ilagho jingi kwa nguma rapo ini moni, ela nadaghora agho gheni nerefundishiroghe ni Aba.

1 JOHANE 4:1

Wakundwa, msakeirumiria kula Roho, ela muritime-time iro roho, mpate kuwona ngera ni ra Mlungu; angu walodi wa tee wengi wafumirikie, na kuwoneka wurumwengunyi.