MARKO 13:23 - Biblia Ilagho Jiboie Kwa Wandu Wose

²³ Nenyo mkumanye angu namghoria maza rose kiimbiri.”

MARKO 13:23 ပူးပေါင်းရင်းမြစ်များ

MATHAYO 24:25

Olenyi namghoria kiimbiri.

MATHAYO 7:15

“Mkulindie na walodi wa tee. Awo wadacha wikiwoneka sa ng'ondi, ela kondenyi kwawo weeka sa vikwau vibirie.

MARKO 13:22

Angu wichawuka weke Kristo wa tee, na walodi wa tee; wichawonyera wandu alama na mashiniko, kwa kuwilaghasha; hata ngera kudimika, na waja wasaghulwa wori.

MARKO 13:24

“Ela matuku agho, nyuma ya matiriro, iruwa jichawuya kira, na mori ndeghuchaafunya miengere yaro anduangi.

MARKO 13:33

Manyenyi mchereshe, angu kimu charo ndemchimanyire chichakaia lii anduangi.

MARKO 13:5

Jesu ukazoya kuwizera, “Manyenyi mndungi usakemlaghasha.

MARKO 13:9

“Ela manyenyi mkulindie inyo mmbeni, angu wandu wichamfunya mandunyi, na kumkaba andenyi ya masunagogi. Mchakaia kimusi imbiri ya wabonyi nguma na wazuri kwa wundu ghwapo, mpate kuwishuhudia.

LUKA 21:34

“Mkulindie, ngolo renyu risechechulwa ni lwafuo, kuwongia, na maza ra irangi iji; Ituku ijo jichemchea ghafla msemanyagha.

LUKA 21:8

Jesu ukawitumbulia, “Mkulindie msechelaghashwa, angu wandu wengi wichacha wikitumia irina japo na kughamba, ‘Ini nuo moni!’ na ‘Ngelo yavika!’ Msakewinugha.

JOHANE 14:29

Na idana namghoria imbiri ghisebonyekie, eri iji ghabonyeka, mpate kurumiria.

2 PETRO 3:17

Kwa huwo inyo wakundwa, mkimanya maza iri kiimbiri, mkulindie msechelaghashwa ni ijo ikosa ja wandu wileghagha, mchelaghalwa ni uko kumanga konyu.