MALAKI 4:1 - Biblia Ilagho Jiboie Kwa Wandu Wose

¹ BWANA Uwadie-Ndighi-Rose waghamba, “Ituku jiacha wandu wikukasire na wawiwi wose wichakorwa sa makanda. Ituku ijo wichakorwa hata mndungi usesigho.

MALAKI 4:1 ပူးပေါင်းရင်းမြစ်များ

AYUBU 18:16

Miri yake yaoma nandonyi, na mbashu rake raoma naighu.

ZABURI 119:119

Wawiwi wose wa ndoenyi kwadawitala sa wuchafu, kwa huwo naikunde memu yako.

ZABURI 37:9

Wandu wawiwi wichainjwa, ela awo wimsuwiriagha BWANA, wichapata ifwa ja isanga.

KUFUMA 15:7

Kwa wubaa ghwa nguma yako kwawikumba wamaiza wako noko; kwaghiduma machu ghako, nagho ghawikora sa matasa.

ISAYA 40:24

Wakaia karakara na miwalwa, angu mbeu rawalwa wokoni; imbiri riseserie miri woruwu, BWANA wawetesha mbeo aighu yaro, nayo yaoma na kiremba chaiduka noko sa itasa.

ISAYA 41:2

“Nani umnyavurishire mndumu kufuma mashariki, na kum'bonya usimeghe kula andu? Waribonya mbari ra wandu righo imbiri kwake, na wazuri kusimwa hata wikaie aisi yake. Wadawighusha andonyi kwa lufu lwake karakara na teri, na kuwiwinga kwa ndana yake karakara na matasa ghidukwagha ni mbeo.

ISAYA 47:14

“Ola awo weeka sa matasa, nagho ghadahia na kumerelwa ni modo; ndewidimagha kukukira na ulo lumu lwa modo Maka gheoda aho ndeghiko, na modo ghooda ndeghuko.

ISAYA 5:24

Kwa huwo, sa iji lumu lwa modo lukoragha matasa, na sa iji koni nyasi rimerelwagha ni lumu, ni huwo koni miri yaro ichawoa, na kuboa kwaro kuchadukwa ni mbeo sa teri; kwa kukaia waileghie sharia ya BWANA wa majeshi, na kujimenya ilagho ja Mlungu, Mweli wa Israeli.

ISAYA 9:18

Wuwiwi ghwa wandu ghuakora sa modo ghukoragha visachi va minjwa ghuakagha sa modo ghwa msidunyi, ghujosagha mosi sa ikungughu.

ISAYA 9:19

BWANA wajikora isanga kwa wundu ghwa machu ghake, na wandu wakaia sa mbande, hata ndekuwadie mndungi ummboniagha mruna wughoma anduangi.

EZEKIELI 20:38

Nichawiinja awo wandu wisesikiragha na awo winibonyeragha kaung'a, wifume aghadi konyu; nichawifunya isangenyi iji werejikaieghe kiwughenyi, ela ndewichaangia andenyi ya isanga ja Israeli. Aho niko mchaamanya kukaia ini ne BWANA.

EZEKIELI 21:32

Kuchakorwa sa mbande; bagha yako ichadika aghadi ya isanga, ndekuchaakumbukwa sena anduangi; kwa kukaia ini BWANA najighora ilagho iji.’”

EZEKIELI 24:11

Nao kuiwikirie iyo nyungu modonyi iko nduu, ipate kuhia shuu, eri shaba yaro ihie itinike tini wuchafu ghusaghe, na ngama yaro iinjike.

EZEKIELI 34:17

“Na inyo chagha chapo, ini Bwana MLUNGU naghamba, Olenyi nichatanya aghadi ya ng'ondi na ng'ondi; bauru na fwandi.

EZEKIELI 7:10

“Zighana ijo ituku! Ola hejo jiacha! Mashaka ghako ghameria kucha, hachi yasoweka, lubando lwawoneka worinyi.

JOELI 2:1

Kabenyi tarumbeta; kabenyi nguli Sioni, ugho mghondi ghwa wueli ghwa Mlungu. Wandu wa Juda ndewisughusike, kwa kukaia ituku ja BWANA jeko kaavui kucha.

JOELI 2:31

Iruwa jichasera kira, na mori ghuchawuya ghwa ngundu sa bagha, imbiri ijo ituku ibaa ja BWANA jeobosha jisechee.

AMOSI 2:9

“Elaima sena inyo wandu wapo, nerewitoteshereghe Waamori kwa wundu ghonyu, wandu werekoghe walacha seji ni midi ya sida, wiko na ndighi sa mialoni, ela ngawitotesha kufuma wa ighu hata wa ndonyi.

OBADIA 1:18

Wandu wa Jakobo na nyumba ya Josefu, wichakaia sa modo; wichawitotesha wandu wa Esau, seji modo ghukoragha matasa. Ndekuwadie mndungi wa kivalwa cha Esau uchaasigharika; ini BWANA naghamba.

NAHUMU 1:10

Inyo wawongeri, mkeduaranganywa sa minjwa na matasa, mchakorwa na modo mmerelo.

ZEFANIA 1:14

Ijo ituku ibaa ja BWANA jameria kuvika; jaawuyacha naiseghe jikishashira; kusikirika kwa ijo ituku ja BWANA kwabirie; kwa kukaia hata ing'oni ja asikari m'baa jichafwa ngolo na kulila.

ZEFANIA 1:18

Ituku ijo, BWANA uchawonyera lubio lwake; feza na dhahabu rawo nderichaadima kuwikira. Ndoenyi kose kuchamerelwa ni modo ghwa machu ghake. Uchameria kula kilambo ghafla; uchameria kula umu ukaiagha ndoenyi.

ZEKARIA 14:1

Ituku ja BWANA jetanya jakaia kaavui. Vilambo vichawadwa Jerusalemu na kuwaghwa mkiwona.

MALAKI 3:15

Seji diwonie, wandu wikukasire niwo wawuyawona nicha. Wandu wawiwi ndewiwonagha nicha tu, ela hata iji wamtima Mlungu kwa uko kurumaghia kwake, wafufunuka wisepatiro ni ilagho jingi.’”

MALAKI 3:18

Niko aho mchaamanya kuwitambua awo wiko na hachi na awo wawiwi; aghadi ya uo unidumikiagha, na uo usenidumikiagha.”

MALAKI 3:2

Ela nani udimagha kurumaghia ituku ja kucha kwake? Nani udimagha kukaia moyo ngelo wawoneka? Kwa kukaia uchakaia sa sabuni ieleshagha, sa ghuja modo ghwa mchani vuma ghueleshagha vuma.

MALAKI 3:3

Uchacha kutanya sa mundu ueleshagha feza. Mdumwa wa BWANA uchawielesha wakohani sa mchani vuma ueleshagha feza na dhahabu wipate kumfunyira mafunyo ghiboie.

MALAKI 4:5

“Olenyi nichamduma mlodi Elija imbiri ijo ituku ibaa ja BWANA jeobosha jisechee.

MATHAYO 3:12

Nao oko na lungo mikonunyi kwake, upate kuelesha viro vake; ngano uingire nganyenyi kwake, ela makanda ughikore kwa modo ghuserimikagha anduangi.”

LUKA 19:43

Angu matuku ghichacha, na wamaiza wako wichakurighia, wikumarie na kukutangala chia rako rose.

LUKA 21:20

“Iji mwawona Jerusalemu yamarwa ni majeshi, aho mmanye angu kunoneka kwaro kwalighisa.

LUKA 6:23

Boilonyi ngelo iyo, mchumbe chumbe kwa kuboilwa, angu mwawikilwa mafungu mabaa uko mlungunyi. Angu huwo niko weke wawa wawo werewibonyereghe walodi.

2 WATHESALONIKE 1:8

Nao uchalipia ngenga aighu ya wandu wose wisemwichi Mlungu, na aighu ya awo wose wawuyajilegha ijo Ilagho Jiboie ja Bwana odu Jesu.

2 PETRO 3:7

Ela kwa ilagho ijo jeni, mlungunyi na ndoenyi riko idana rawikilwa modo; naro raawuyawikwa hata ijo Ituku ja Kutanywa, na kutoteshwa kwa wandu wisemuobuagha Mlungu.