MALAKI 3:8 - Biblia Ilagho Jiboie Kwa Wandu Wose

⁸ Welee, mdamu wadima kumuiwia Mlungu? Ela inyo mwaawuyaniiwia, na kughamba, ‘Dawuyakuiwia wada?’ Ni kwa wundu ghwa ifungu jenyu ja ikumi na mafunyo ghenyu.

MALAKI 3:8 ပူးပေါင်းရင်းမြစ်များ

ZABURI 29:2

Mnekenyi BWANA wubaa ghwa irina jake; mtasenyi na marwao gha wueli.

MAKATANISHO 11:24

Mndumu uakaia na ishima jeneka mali rake, na ii chia mali riachurikia kuchumba; umu ualegheria, na ii chia uawuya mkiwa na kuchumba.

ISAYA 43:23

Ndekuniredie ng'ondi rako kwa wundu ghwa vizongona vekora, hata ndekuninekie ishima kwa vizongona vako. Ini sikulemeshere kwa mafunyo ghako, hata sikusirishire ndighi kwa kunifukiria marumba.

WALAWI 19:25

Ela mwaka ghwa kasanu, kwadima kuja matunda gharo. Mkabonya huwo, midi yenyu ichava matunda kwa wungi; ini ne BWANA Mlungu wako.

ZEKARIA 5:3

Niko ukanizera, “Chuo ichi chaandikilo njowe ighenjwaghwa isanga jose. Luwaru lumu chaandikilo kula kitoi uchainjwa isangenyi; na luwaru lumu chaandikilo kula mundu ughoragha tee kwa ighemi uchainjwa.

MALAKI 1:13

Mwawuyaghamba, ‘Dasirishwa ndighi ni agho malagho.’ Nenyo mwanimenya, na kureda nyamandu riiwilo, na iro rikelemere, na iro riko wakongo, rikaie vizongona kwapo! Welee, muaghesha nadima kuvirumiria vizongona vifwane huwo kufuma konyu?

MALAKI 1:8

Welee, iji munifunyiragha nyamandu rifue meso, angu mkongo, angu wakelemeri, rikaie kizongona, ugho si wuwiwi? Oke funya iyo nyamandu kwa m'baa wako wa isanga ngera uirumiria na kuboilwa ni oho?”

MATHAYO 22:21

Wikaghamba, “Ni va Kaisari.” Nao ukawizera, “Kwa huwu mnekenyi Kaisari vindo va Kaisari na Mlungu vindo va Mlungu.”

MARKO 12:17

Nao Jesu ukawizera, “Mnekenyi Kaisari vilambo viko vake Kaisari, na Mlungu vilambo viko vake Mlungu.” Nao wikashinika loli-loli.

LUKA 20:25

Jesu ukawizera, “Kwa huwu mlipenyi Kaisari vilambo va Kaisari, na Mlungu vilambo va Mlungu.”

WAROMA 13:7

Wilipenyi iro riko hachi yawo, kodi kwa uo ufwanagha kodi, wushuru kwa uo ufwanagha wushuru, ishima kwa uo ufwanagha ishima, na kuobua kwa uo ufwanagha kuobolwa.

WAROMA 2:22

Oho kughambagha mundu uselake, welee, kualaka kumoni? Oho kuzamilwagha ni milimu, kuaiwa hekalunyi?

JOSHUA 7:11

Israeli wabonya kaung'a, waghichikanya malaghiro ghapo nerewilaghirieghe wighiwadie; wawusa vilambo vimu venonwa; wabonyere mikalo na kuviiwa, nawo waviranganya na vilambo vawo.