MALAKI 3:7 - Biblia Ilagho Jiboie Kwa Wandu Wose

⁷ Mwaghalukie mkarisigha sharia rapo sa weke ndeyo werekoghe imbiri konyu, hata ndemoreriwadieghe anduangi. Wuyenyi kwapo nani nichammburia. Ela mwaawuyakotia, ‘Dibonya wada ima dikuwurie?’

MALAKI 3:7 ပူးပေါင်းရင်းမြစ်များ

NEHEMIA 9:26

“Ela hata huwo saki, wandu wako wikalegha kukusikira; wikaighalukia sharia yako nambai. Wikawibwagha walodi awo werewiwonyereghe, wikiwighoria wikughalukie oho. Wikakumenya oho ngelo kwa ngelo.

ISAYA 65:2

Matuku ghose nadaighorua mikonu yapo kwa wandu wileghie, awo wighendagha kwa chia riseboie; na kunugha mighendo yawo cheni.

JEREMIA 16:11

Niko kuchawizera, ‘Ni kwa kukaia weke ndeyo wanisighie, nawo wanughie milungu mizima, wikaidumikia na kuitasa, wikanilegha hata ndewereiwadieghe sharia yapo anduangi.

JEREMIA 16:12

Na kwa kukaia mwabonyere mawiwi kuchumba weke ndeyo, seji mwawona kula umu onyu uanugha kukua kwa ngolo yake moni na kukunda kwake, kwa kulegha kunisikira ini;

JEREMIA 3:22

“Wuyenyi inyo wana mseko waloli, nani nichamkira kufuma kwa uko kusowa wuloli konyu.” Nenyo mwatumbulia, “Ola daawuyacha kwako, angu ni oho BWANA Mlungu odu.

JEREMIA 7:25

Kufuma ituku jija nerewifunyireghe weke ndeyo isanga ja Misri hata idime, sisighie jingi kuwidumia wazumba wapo tuli tuli,

JEREMIA 7:26

ela ndewerenisikireghe hata kunideghia kudu; wikachuria kughilika, na kubonya mawiwi kuchumba weke ndee.

EZEKIELI 2:3

Ukanizera, “Mwana wa mdamu, ini naawuyakuduma kwa wandu wa Israeli, iyo mbari isesikiragha, awo winileghagha; awo chiaimweri na weke ndee wibonyere makosa aighu yapo hata linu.

EZEKIELI 20:13

Ela hata ahoeni kireti, wandu wa Israeli werenileghieghe; wikalemwa ni kuiwadia memu yapo, wikarilegha sharia rapo wori, iro mundu ukariwadia ukaiagha moyo, na Sabato rapo wikarilusha nandighi. Niko ngawona niwikabe ahoeni kireti, na kuwimeria putu.

EZEKIELI 20:21

“Ela hata wana wokoni wikanilegha; ndewereghendieghe kwa kunugha memu yapo, hata ndeweretalieghe kuwadia sharia rapo, iro mundu ukariwadia uchakaia moyo; sena werenonieghe Sabato rapo. Neregheshereghe ngera kumangu nawikaba kwa machu ghapo aho kireti na kuwimeria putu.

EZEKIELI 20:28

Angu iji nerewiredieghe isanga nerewilaghirieghe kuwineka, werezoeghe kufunya vizongona vawo aighu ya kula mghondi wereghuwonieghe, na aisi ya kula mudi m'baa ghukambie, wikawusira machu ghapo wikifukira marumba aho, na kufunya vizongona venywa.

EZEKIELI 20:8

Ela wikanilegha hata ndewerenisikireghe anduangi, mndungi wawo nderedeeghe milimu yake, hata kuisigha milimu ya Misri anduangi. Neregheshereghe ngera kumangu nawikaba kwa machu ghapo aghadi ya isanga ja Misri.

HOSEA 14:1

Ee wandu wa Israeli, wuyenyi kwa BWANA Mlungu onyu, kwa kukaia mookuwishwa ni makosa ghenyu gheni.

ZEKARIA 1:3

ela idana namzera, ‘Niwurienyi ini nani nichammburia.

MALAKI 1:6

BWANA Uwadie-Ndighi-Rose wawizera wakohani, “Mwana wamnekagha ndee ishima na mdumiki wamnekagha bwana wake ishima. Ikakaia ini ne ndeyo, kwaki mseninekagha ishima? Na ikakaia ne bwana, kwaki mseninekagha ishima? Mwanimenyere; nenyo mwaawuyakotia, ‘Dakumenyere wada?’

MALAKI 3:13

“Mwadedie kiwiwi aighu yapo, Ela sena mwaawuyaghamba, ‘Dadedie kiwiwi aighu yako wada?’

MATHAYO 23:27

“Ni bugha inyo walimu wa Sharia na Mafarisayo, waji-kuwi! Angu mwafwanana na makaburi ghikabilo chokaa, nagho ghawoneka ghighokie cha shighadi, ela kondenyi ghachua maindi gha wafu na kula wuchafu.

LUKA 15:16

Nao ukakunda kuja makanda gherejighwagha ni rija nguwe, hata mndungi nderemnekieghe kindo chingi anduangi.

WAROMA 10:21

Ela kwa wundu ghwa Waisraeli waghamba, “Dime dii nawighoruya mikonu yapo wandu wileghagha wisesikiragha.”

WAROMA 10:3

Angu wiendakaia wiseimanyagha ija hachi ifumagha kwa Mlungu, na kulola kuimangisha hachi yawo cheni, ndewicheirumiria hachi ya Mlungu.

WAROMA 7:9

Ini moni nerekoghe moyo iji Sharia iserekoghe; ela ghuja momu ghuendacha, kaung'a eeruka, nani moni ngaafwa.

WUKUMBUSO 31:20

Kwa kukaia ngameria kuwingira ijo isanga jinorie, nerelaghirieghe kuwineka weke ndee, na iji waja wikaghuda na kubanda, wichaghaluka na kuitasa milungu mizima; wichanimenya na kujinona ilaghano japo.

JAKOBO 4:8

Msoghoderenyi Mlungu, nao uchamsoghodera inyo. Ioghoshenyi mikonu yenyu inyo wakaung'a, na kurielesha ngolo renyu inyo wandu wa nia iwi.