MALAKI 3:3 - Biblia Ilagho Jiboie Kwa Wandu Wose

³ Uchacha kutanya sa mundu ueleshagha feza. Mdumwa wa BWANA uchawielesha wakohani sa mchani vuma ueleshagha feza na dhahabu wipate kumfunyira mafunyo ghiboie.

MALAKI 3:3 ပူးပေါင်းရင်းမြစ်များ

ZABURI 116:17

Nichakufunyira kizongona cha chawucha na kubonya malombi ghapo kwako.

ZABURI 4:5

Funyenyi vizongona va hachi, mumsuwirie BWANA.

ZABURI 4:6

Weko wandu wengi wighoragha, “Diwonia hao wucha ghungi?” Kudizighane kwa wughoma ghwako ee BWANA.

ZABURI 50:14

Mfunyire Mlungu vizongona va chawucha, mneke Uo-Uko-Aighu-Nandighi vindo kulaghirie.

ZABURI 50:23

Mundu unifunyiragha vizongona va chawucha, wadanineka ishima, na uo uboisagha mighendo yake, nichammbonyera kukia kwapo.”

ZABURI 51:19

Niko kuchaaboilwa ni vizongona va hachi; vizongona vekora, na vizongona vekora vose; niko njau richaafunywa madhabahunyi kwako.

ZABURI 66:10

Kwaditimie ee Mlungu; kwaditimie seji feza ieleshwagha kwa modo.

MAKATANISHO 17:3

Feza na dhahabu radatimwa kwa modo; ngolo radatimwa ni BWANA.

MAKATANISHO 25:4

Kukainja wuchafu ghwa feza, mchani vuma uchabonya kilambo chiboie.

ISAYA 1:25

Nichammbwada kwa mkonu ghwapo, na kumuoghosha sa chuma; nichamuelesha seji chuma chieleshwagha kwa modo; na kuinja wuwiwi ghonyu ghose.

ISAYA 48:10

Ola nakuelesha ela si seji feza ieleshwagha, nakutima andenyi ya modo ghwa matiriro.

ISAYA 61:6

Ela inyo mchawangwa wakohani wa BWANA, wandu wichamghora inyo kukaia wadumiki wa Mlungu odu; mchaja mali ra iro mbari ra wandu, na kukukasa aighu ya mali rawo.

JEREMIA 9:7

Kwa huwo BWANA wa majeshi waghamba huwu: “Olenyi nichawielesha sena niwitime; da nibonya ilaghoki kwa wundu ghwa wandu wapo?

EZEKIELI 20:38

Nichawiinja awo wandu wisesikiragha na awo winibonyeragha kaung'a, wifume aghadi konyu; nichawifunya isangenyi iji werejikaieghe kiwughenyi, ela ndewichaangia andenyi ya isanga ja Israeli. Aho niko mchaamanya kukaia ini ne BWANA.

DANIELI 11:35

Wamu wa awo wiko na hikima wichabwaghwa; na ilagho ijo jichawibonya wielesho kuchumba; wiele cho, hata kukatia kwa ngelo ra kutua; angu ngelo iwikilo ndeivikie kande anduangi.

DANIELI 12:10

Wandu wengi wichakuelesha na kukaia wielie, nawo wichaela. Ela wawiwi, wichabonya kiwiwi; na mndungi wawo ndechaatambukilwa jingi. Awo wa hikima, wichatambukilwa.

HOSEA 14:2

Wuyenyi kwa BWANA na ilombi iji, “Kudifuye wughoma kaung'a redu, kudirumirie ilombi jedu nesi dichakukasa seji derelaghirieghe.

ZEKARIA 13:9

Nichatima na kujielesha ifungu jimweri ja kadadu jisigharikie, seji mundu ueleshagha feza kwa modo; nichawitima seji dhahabu itimwagha. Wichanilomba, nani nichawidika. Nichawizera awo ni wandu wapo nawo wicharumiria kukaia ini ne Mlungu wawo.”

MALAKI 4:1

BWANA Uwadie-Ndighi-Rose waghamba, “Ituku jiacha wandu wikukasire na wawiwi wose wichakorwa sa makanda. Ituku ijo wichakorwa hata mndungi usesigho.

MITALO 8:6

“Wada Walawi aghadi ya wandu wa Israeli, kuwieleshe.

LUKA 3:16

Johane ukawitumbulia wose ukawizera, “Ini nam'baputiza kwa machi, ela umu oko uchagha uko nandighi kunichumba ini, nisefwane hata kufungua kamba ra vadu vake; uo ucham'baputiza kwa Roho Mweli na modo.

WAROMA 12:1

Kwa huwu wanidu, namvoya kwa wundu ghwa wughoma mungi ghwa Mlungu, muifunye mimbi yenyu ikaie sa kizongona chiko moyo; chielie, chirumirilwagha ni Mlungu; nako niko kutasa konyu kwa loli.

WAROMA 15:16

nipate kukaia mdumiki wa Kristo Jesu kwa wandu wa mbari zima, kwa ugho wukohani ghwa Ilagho Jiboie ja Mlungu, eri wandu wa mbari zima wikaie kizongona chirumirikiagha kwa Mlungu, chieleshero ni Roho Mweli.

WAFILIPI 2:17

Hata ngera niafunywa sa kizongona cha kunywa, na kudilwa aighu ya kizongona cha irumirio jenyu, nichaboilwa na kuzuma andwamweri nenyo mmbose.

WAFILIPI 4:18

Napatire manosi ghose, hata na kuchumba seji nerekundieghe, ngakatwa; nyuma ya kupata agho nereredeloghe ni Epafrodito. Nagho ni kizongona cha marumba mecha, chirumirikiagha na kum'boia Mlungu.

2 TIMOTHEO 4:6

Angu ini nalighisa kufunywa kizongona, na ngelo yapo eghusigha ughu wurumwengu yavika.

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.

WAEBRANIA 12:10

Weke aba wa ndoenyi weredikanieghe kwa ngelo ndini seji werekundieghe, ela Mlungu wadikania kwa fwaida edu diweni, dighupate ghuja wueli ghwake.

1 PETRO 1:7

eri wuloli ghwa irumirio jenyu jiko ja zoghori mbaa kuchumba dhahabu, iyo hata ngera ni etota, yadatimwa kwa modo; jipate kumredia kukaswa, na wubaa, na ishima, ngelo ya kufunukulwa kwa Jesu Kristo.

1 PETRO 2:5

Nammbeni, sa magho ghiko moyo, muagho kukaia nyumba ya kiroho, wukohani ghwa wueli, ghofunya vizongona va kiroho, virumirikiagha kwa Mlungu kwa chia ya Jesu Kristo.

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.

WUFUNUO 1:6

na kudibonya dikaie wuzuri, na wakohani wedumika kwa Mlungu wake nao ni Ndee; kwake uo, ndeghukaie wubaa, na kubonya nguma kwa kala na kala. Amen.

WUFUNUO 3:18

Kwa huwo, nakuneka njama kughuo kwapo dhahabu ieleshero kwa modo, eri kukaie na mali, na nguwo ya chokwa kupate kurwa kuinja waya ghwa wuduu ghwako ghusewoneke; na wughanga ghoshinga meso ghako, eri kupate kuwona.

WUFUNUO 5:10

Kukawibonya wikaie wazuri, na wakohani wemdumikia Mlungu odu; nawo wichabonya nguma ndoenyi.”