MALAKI 3:18 - Biblia Ilagho Jiboie Kwa Wandu Wose

¹⁸ Niko aho mchaamanya kuwitambua awo wiko na hachi na awo wawiwi; aghadi ya uo unidumikiagha, na uo usenidumikiagha.”

MALAKI 3:18 ပူးပေါင်းရင်းမြစ်များ

KUZOYA 18:25

Ai! BWANA wapo kusebonye ilagho iji jebwagha wahachi chiaimweri na wawiwi, hata mhachi usakefwananishwa na mmbiwi; ilagho ijo jisebonyeke kwako. Welee, ndeifwane Mtanyi wa wurumwengu ghose kubonya agho ghiko gha hachi anguwada?”

AYUBU 17:10

Ela inyo timenyi sena; sichaawona mndungi uko na hikima aghadi konyu.

AYUBU 6:29

Kadunyi; msenisowie hachi. Msenitanye; ini neko na hachi.

KUFUMA 11:7

Ela ndeichaakaia huwo kwa wandu wa Israeli anduangi, ikaiagha mundu angu nyamandu, hata koshi ndeichaawiborokia anduangi; mpate kumanya angu ni ini BWANA nibonyagha wuchumbano aghadi ya Wamisri na Waisraeli.’

JEREMIA 12:15

Nani ngameria kuwifunya, awo wawiwi, wughoma nichawifuya sena, na kummbunja kula umu wawo andenyi ya ifwa jake na isanga jake.

DANIELI 2:18

Ukawizera wilole wughoma ghwa Mlungu wa mlungunyi aighu ya ngasu ya ndodo iyo, eri uo na wangara wake wisetotesho chiaimweri na wandu wa hikima wa Babuloni.

JOELI 2:14

Kewada BWANA Mlungu onyu wadima kughalusa maghesho, umrasimie na kumneka mavalo mengi, mpate kumfunyira viro na divei.

AMOSI 5:15

Menyenyi mawiwi, mkunde mecha, mtanye hachi kotinyi. Kewada BWANA uchawiwonia wughoma masighariko gha wandu wa mbari ihi.

ZEKARIA 1:6

Nerewinekieghe weke ndeyo malaghiro ghapo na sharia rapo kwa chia ya wadumiki wapo walodi, wikalegha kuriwada; nani ngawikaba. Wikahea na kurumiria kukaia ini BWANA Uwadie-Ndighi-Rose nedewikaba kwa hachi.’”

MALAKI 1:4

Iji Waedomu waghamba, “Hata ngera mizi yedu yavuchulwa, ela dichaagha sena maghacho gharo,” BWANA Uwadie-Ndighi-Rose uchawitumbulia, “Ndewiaghe tu. Nichaichikanya hata wiwango, ‘Isanga ja wuwiwi na wandu wileghelo ni Mlungu kwa kala na kala.’”

MATHAYO 25:46

Awo wichaghenda kwa makabo gha kala na kala, ela wahachi wichaghenda kwa irangi ja kala na kala.”

JOHANE 12:26

Uo ose ukundagha kunidumikia, ni suti uninughe ini, na andu nichaakaia ini, nikokoni na mdumiki wapo uchaakaia wori; mndungi ukanidumikia, uo moni uchabonyerwa ishima ni Aba.”

MABONYO GHA WADUMI 16:17

Ukamnugha Paulo andwamweri nesi ukighora kwa lwaka lubaa, “Wandu awa ni wadumiki wa Mlungu Uko Aighu Na Ndighi, nawo wamchilia malagho gha kukia.”

MABONYO GHA WADUMI 27:23

Angu ikwau, malaika wa Mlungu wapo uo nimtasagha, orekoghe kimusi kaavui nani

WAROMA 1:9

Mlungu, uo nimdumikiagha kwa ngolo yapo yose ngijichila ijo Ilagho Jiboie ja Mwana wake, nuo mshahidi wapo kukaia, nadamkumbuka inyo matuku ghose kwa malombi ghapo;

1 WATHESALONIKE 1:9

Awo wandu weni waawuyaja malagho ghedu, seji moredikaribishireghe, na seji moresighieghe milimu, na kumghalukia Mlungu; mpate kumdumikia Mlungu wa loli uko moyo,

JOSHUA 24:15

Na ikakaia mwalegha kumdumikia, msaghuo idime iji ngera ni milungu iyo eredumikiloghe ni weke ndeyo aho Mesopotamia angu ngera ni milungu ya Waamori awo mwawuyakaia isanga jawo; ela ini na nyumba yapo nichamdumikia BWANA.”