MALAKI 3:16 - Biblia Ilagho Jiboie Kwa Wandu Wose

¹⁶ Niko awo wandu wimuobuagha BWANA wikadedanya, na BWANA ukawisikiria; ukasikira malagho werekoghe wikighora imbiri kwake. Chuo cha wukumbuso ghwa awo weremuobuagha BWANA na kumneka ishima chikaandikwa.

MALAKI 3:16 ပူးပေါင်းရင်းမြစ်များ

KUZOYA 22:12

Nao ukamzera, “Manya kusem'bonye mwana ilagho jingi, angu idana namanya loli kwamuobuagha Mlungu, angu kuseniimie mwana wako, uo mwana wako wa ititi Isaaka.”

2 SAMUELI 7:1

Mzuri Daudi ukakaia nicha ngomenyi kwake; na BWANA ukamneka kuhora aghadi ya wamaiza wake weremmarieghe chia rose.

1 WAZURI 18:12

Na nyuma ya kukusigha, Roho wa BWANA uchakudwa andu nisekumanyagha. Ahabu ukacha na kukusowa ngelo namzera wei koko aha, uchanibwagha. Kumbuka ini mdumiki wako ne mtasi Mlungu kufuma wanake ghwapo.

1 WAZURI 18:3

Ahabu ukammbanga Obadia, uo orekoghe mzighaniri wa nyumba yake, (Obadia orekoghe mtasi m'baa wa Mlungu;

2 MALAGHO GHA NGELO 6:7

Aba Daudi orekoghe na ngolo eagha hekalu kwa wundu ghwa irina ja BWANA, uo Mlungu wa Israeli;

NEHEMIA 1:11

Degha kudu kwako kusikire malombi ghapo ini mdumiki wako na gha wadumiki wako wose wiboilwagha ni kujibonyera ishima irina jako; kunineke kusima, na ini mdumiki wako nifuilo wughoma ni m'baa wa isanga.” Ngelo iro, ni ini nerekoghe mnyoshi divei wa mzuri.

ESTA 2:23

Nao iji malagho ghapelelezwa na kuwoneka kukaia gha loli, niko awo wandu wawi wikabwaghwa kwa kuwanikwa mudinyi. Mzuri ukafunya momu malagho agho ghiandiko chuonyi cha wukumbuso cha wuzuri.

ESTA 6:1

Nao kio chija cheni, mzuri ukasowa dilo, ukafunya momu ushomelo chuo cha wukumbuso ghwa maza ra wuzuri ghwake.

AYUBU 28:28

Niko Mlungu ukamzera mdamu, ‘Kuobua kwa BWANA, niyo hikima, na kusigha mawiwi, niko kumanya.’”

ZABURI 10:4

Mundu mmbiwi ukukasire ndemtalagha BWANA; wadaghesha ngelo rose Mlungu ungi ndeuko.

ZABURI 104:33

Nicham'boria BWANA irangi japo jose; nichamkasa Mlungu wapo ngelo rose niko moyo.

ZABURI 111:10

Kuobua kwa BWANA niko kuzoya kwa hikima, wadawineka kutambukilwa wose wisikiragha memu yake. Ndekaso kwa kala na kala.

ZABURI 115:13

Uchawirasimia awa wimuobuagha BWANA, watini na wabaa wori.

ZABURI 119:63

Ini ne mngara wa wandu wose wikuobuagha oho, na wose wighinughagha mafundisho ghako.

ZABURI 139:4

Hata imbiri nisededie ee BWANA, oho kwameria kumanya seji nichaadeda.

ZABURI 147:11

ela BWANA wadaboilwa ni wandu wimuobuagha, awo wilusuwiriagha lukundo lwake lukatie.

ZABURI 16:3

Waeli wiko isangenyi, niwo wandu wa ishima; awo niwo winiboiagha.

ZABURI 20:7

Wandu wamu wadakukasa na magare, na wamu na farasi, ela isi dichakukasa na ndighi ra BWANA Mlungu odu.

ZABURI 33:18

Ola BWANA wadawizighana awo wimuobuagha, awo wilusuwiriagha lukundo lwake lukatie;

ZABURI 34:15

BWANA wadawizighana wahachi, na kusikira kililo chawo.

ZABURI 56:8

Oho kwaichi kusumbuka kwapo; kwawikie mtalo ghwa mbori rapo. Nechi raandikilo chuonyi kwako?

ZABURI 56:9

Ituku nilombagha wutesia, wamaiza wapo wichawunjwa nanyuma; naichi huwo, angu Mlungu uko luwaru lwapo.

ZABURI 66:16

Choonyi msikire inyo mmbose mumuobuagha Mlungu, choonyi, nani nichamghoria agho unibonyere.

ZABURI 94:19

Ingelo nakambwa ni chongo kwa malagho mengi, kwadanihoresha na kunibonya niboilo.

KUFUMA 32:32

Ela idana nakulomba kuwifue wughoma kaung'a yawo; si huwo, nakulomba kuvute irina japo kufuma kwa icho chuo kuandikie wandu wako.”

MAKATANISHO 13:20

Mundu uwadanagha na wandu wa hikima, uchawuya mundu wa hikima; ela uo uwadanagha na wakelu uchavavirika.

ISAYA 26:3

Uo mundu nia yake uimangishire kwako ee Mlungu, kwadammbika andenyi ya sere ikatie; angu wakurumiria oho.

ISAYA 26:8

Dakuweseria oho ee BWANA andenyi ya chia ya kutanya kwako; bea ya ngolo redu ni kujikumbuka irina jako.

ISAYA 4:3

Kula mundu uchaasigharika Sioni na Jerusalemu, uo usaghulo ni Mlungu ukaie moyo, uchawangwa mweli,

ISAYA 50:10

Nani aghadi konyu umuobuagha BWANA na kulusikira lwaka lwa mdumiki wake? Uo ughendagha kirenyi andu kuseko na mwengere, nderumirie irina ja BWANA na kukusaghika kwa Mlungu wake.

ISAYA 65:6

“Olenyi ilagho iji jaandikilo imbiri yapo, Sichaanyama kima ela nichalipia, ee nichawikaba kunughana na mawiwi ghawo;

JEREMIA 31:18

“Nasikire wandu wa Israeli wikiruma, ‘Oho kwadiwunjire kwa kudikaba, karakara na ngache isefundishiro dikafundishika; kudiwunje dipate kuaghika, angu oho ko BWANA Mlungu odu.

JEREMIA 8:6

Nasikirie nao ngasikira, ela ndewiwadie wuloli ghungi. Mndungi ndewuehea wuwiwi ghwake, ughambe, ‘Nabonya wada huwu?’ Kula umu uaghenda kwa chia rake reni, kara kara na farasi ikimbiagha cha wudenyi.

EZEKIELI 9:4

BWANA ukamzera, “Ghenda mzinyi kose, aghadi ya Jerusalemu, kuwibonye alama chamunyi wandu wiko na wasi na kulilia ughu muzi kwa wundu ghwa wuchafu ghose ghwawuyabonywa andenyi yaro.”

DANIELI 12:1

“Ngelo iyo, Mikaeli uo malaika m'baa uwizighanagha wandu wako uchawuka. Ichakaia ni ngelo ya wasi jingi ghusewonekie kufuma mbari yazoya kukaia, hata iyo ngelo. Ela ngelo iyo, wandu wako awo marina ghawo ghiandikilo andenyi ya chuo cha Mlungu, wichakirwa.

DANIELI 7:10

Kamoda ka modo kerefumieghe, na kuida imbiri kwake. Maelfu gha wandu werekoghe wikimdumikia, na mamilioni gha wandu, werekaighe kimusi imbiri kwake. Koti etanya ikawikwa, na vuo wikakuchulwa.

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.

MALAKI 4:2

Ela konyu inyo munisikiragha, ndighi ra kukia kwapo richam'bukia sa iruwa, nenyo mchaboiswa. Mchaghenda mkirama-rama sa ngache rafuma wazenyi.

LUKA 2:38

Nao ukicha kwa saa ija cheni, ukamfunyira Mlungu chawucha, nao ukaghora malagho gha uo mwana worinyi kwa wose werekoghe wikikuweseria kuja kukombolwa kwa Jerusalemu.

MABONYO GHA WADUMI 1:13

Hata iji wameria kuvika, wikajoka na kungia chumba cha gorofenyi; andu werekoghe wikikaia: Petro, Johane, Jakobo, Andrea, Filipo, Tomasi, Bartholomayo, Mathayo, Jakobo wa Alfayo, Simoni Zelote, na Juda wa Jakobo.

MABONYO GHA WADUMI 10:2

Orekoghe ukinugha dini na kumuobua Mlungu andwamweri na wandu wake wose. Ukakaia ukifunya makuwio mengi kwa wandu, na kulomba Mlungu matuku ghose.

MABONYO GHA WADUMI 2:1

Nao iji ituku ja Pentekosto javika, awo wanughi werekoghe andu kumweri wose.

MABONYO GHA WADUMI 9:31

Niko ikanisa jikakaia na sere Judea kose, Galilaya na Samaria, jikiaghika kiroho; najo jikighenda imbiri kwa kumuobua Bwana, na kuhoreshwa ni Roho Mweli, jikachurikia.

WAEFESO 5:19

mkidedanya kwa zaburi, na chumbo, na kubora kwa rohonyi. M'bore na kumzumia Bwana kwa ngolo renyu rose;

1 WATHESALONIKE 5:11

Kwa huwo kumbanenyi ngolo mmbeni na mmbeni, na kuaghana mmbeni na mmbeni, seji koni mwawuyabonya.

1 WATHESALONIKE 5:14

Idana wanidu damshashira muwikanie na kuwiwonyera awo wiko waghadi, muwikumbe ngolo awo wifwagha ngolo, muwitesie wanyonge, mkaie na irumaghio kwa wose.

WAEBRANIA 10:24

Nesi ndeditalane na kushashiriana diweni na diweni, kwa lukundo, na kubonya kazi ndicha.

WAEBRANIA 12:15

Manyenyi mndungi useghusowe ghuja mvono ghwa Mlungu, isechekaia muri ghungi ghwa kuwawa ghubuke na kureda wasi hata kuwilusha wandu wengi.

WAEBRANIA 3:13

Ela mshashirane mmbeni na mmbeni kula ituku jiwangwagha “Idime”, eri mndungi onyu usekechakaia ughilikie kwa wukalo ghwa kaung'a.

WUFUNUO 15:4

Nani useobuagha na kujikasa irina jako, ee Bwana? Angu oho kuekeri koko mweli. Wandu wa mbari rose wichacha na kukutasa oho, angu kutanya kwako kwamerie kufunukulwa.”

WUFUNUO 20:12

Nani nerewiwonieghe wafu wabaa na watini, wiko kimusi imbiri ya icho kifumbi cha nguma; na vuo vikakuchulwa. Na chuo chimu chikakuchulwa, nacho ni icho chuo cha irangi. Na awo wafu weretanyiroghe kunughana na maza wereribonyereghe, iro rereandikiloghe andenyi ya ivo vuo.