MALAKI 3:12 - Biblia Ilagho Jiboie Kwa Wandu Wose

¹² Niko aho mbari rose ra wandu wichammbanga warasimilwa kwa wundu ghokaia na isanga jiboie.

MALAKI 3:12 ပူးပေါင်းရင်းမြစ်များ

2 MALAGHO GHA NGELO 32:23

Wandu wengi wikareda manosi ghawo kwa BWANA aho Jerusalemu, na Hezekia mzuri wa Juda ukaredelwa vilambo va zoghori mbaa; na kufuma ngelo iro, ukajoswa; na mbari rose rikammneka ishima.

ZABURI 72:17

Irina ja mzuri ndejiduo kwa kala na kala, na sare yake iere na kukaia luma sa iruwa. Wandu ndewilombe irasimio kwa chia yake, na mbari ra wandu rose rimmbange mrasimilwa.

ISAYA 61:9

Kivalwa chawo chichamanyika kwa iro mbari ra wandu, ee, wana wawo wichamanyika aghadi ya wandu; wandu wose wichaawiwona, wichawitambua kukaia ni awo wandu BWANA uwirasimie.”

ISAYA 62:4

Ndekuchaawangwa sena “Usighilo,” na isanga jako kuwangwa “Ukimbirilo.” Ela kuchawangwa “Mlungu waboilwanya nao.” Na isanga jako jichawangwa “Ulowolo.” Kwa kukaia Mlungu waboilwa ni oho, na isanga jako uchajiwusa sa mumi waro.

ISAYA 62:5

Sa iji koni mdawana umlowuagha mwai, huwo koni wana wako wichawusa isanga jako; na sa iji koni bwana arusi uboilwagha ni mwai ulowolwagha, huwo koni Mlungu wako uchaboilwa ni oho.

JEREMIA 33:9

Na muzi ughu ghuchaniredia kuboilwa, na makaso, na wubaa, imbiri ya mbari rose ra ndoenyi iro richaasikira malagho gha agho mecha ghose nichaawibonyera; nawo wichaobua na kusughusika kwa wundu ghwa kuwona uko kuboa na agho mecha ghose nichaghubonyera ughu muzi.”

DANIELI 11:41

Uchangia hata Isanga ja Ilaghiro, na maelfu ikumi gha wandu wichabwaghwa. Ela masanga gha Edomu na Moabu na andu kubaa kwa Waamoni, wandu waro wichafufunuka.

DANIELI 8:9

Kufumanya na lumu lwa chwembe inya, lukabuka lwembe lumu lutini; ndighi yake ikaera cha kusinyi na mashariki, na cha Isanga ja Ilaghiro.

ZEKARIA 8:23

Matuku agho wandu ikumi kufuma kwa mbari ra wandu wichammbwada Myahudi nguwo wikighamba, ‘Nndoko dikanye; dasikire Mlungu oko andwamweri nenyo.’”

MALAKI 3:13

“Mwadedie kiwiwi aighu yapo, Ela sena mwaawuyaghamba, ‘Dadedie kiwiwi aighu yako wada?’

LUKA 1:48

angu wanitala ini mzumba wake usefwane. Angu zighana kufuma idana vivalwa vose vichaniwanga mrasimilwa.

WUKUMBUSO 11:12

ni isanga jilindilwaghwa ni BWANA Mlungu onyu, nao wadajizighana kufuma kuzoya kwa mwaka hata kutua kwaro.