MALAKI 2:7 - Biblia Ilagho Jiboie Kwa Wandu Wose

⁷ Ni kazi ya mkohani kufundisha malagho gha loli gha Mlungu. Yawifwana wandu wighendeghe kwa mkohani, wipate kufundishwa sharia rapo angu uo ni mdumwa wa BWANA Uwadie-Ndighi-Rose.

MALAKI 2:7 ပူးပေါင်းရင်းမြစ်များ

2 WAZURI 16:11

Na mkohani Uria, ukaagha madhabahu mfwano ghuja ghoni oredumiloghe ni Mzuri Ahazi kufuma Dameshki, imbiri Mzuri Ahazi usechee kufuma Dameshki.

2 WAZURI 16:16

Nao mkohani Uria ukabonya wokoni sa iji koni ulaghirilo ni Mzuri Ahazi.

2 MALAGHO GHA NGELO 30:22

Hezekia ukapata ngolo ukawikuma Walawi wose, awo werebonyereghe wudumiki ghwa BWANA nicha. Kwa huwo wandu wikaja vindo va ndima kwa matuku mfungade, na kumfunyira BWANA chawucha, uo Mlungu wa weke ndee.

2 MALAGHO GHA NGELO 31:4

Ukafunya momu wandu werekoghe Jerusalemu wifunye mafunyo kwa wundu gha wakohani na Walawi, eri wipate kukufunya kuidumikia Sharia ya BWANA.

EZRA 7:10

Uo Ezra orekoghe wapata ngolo ekufundisha Sharia ya BWANA, na kuikatisha, upate kufundisha malaghiro na mawonyero gha BWANA andenyi ya Israeli.

EZRA 7:25

“Na oho Ezra, kunughana na hikima ya Mlungu wako iyo ukunekie, kuwike wabaa na watanyi widimagha kuwitanya wandu isangenyi jiko magharibi ya Moda ghwa Eufrate awo wiichi na kuinugha Sharia ya Mlungu wako. Kuwifundishe awo wiseichi iyo sharia.

MAKATANISHO 5:2

Kupate kumanya kusawua agho ghiboie, na malagho ghako ghichawonyera angu koko na kumanya.

MCHILI 5:5

Ni nicha kusebonye ighemi, kuchumba kujibonya na kulemwa ni kujikatisha.

ISAYA 42:19

Nani ufue meso ela mdumiki wapo, angu ufue madu ela mdumwa wapo? Nani ufue meso sa mndwapo uwikilo wakfu? Angu nani ufue madu sa uo mdumwa wapo?

ISAYA 44:26

Nadakatisha ilagho ja mdumiki wapo, na kukatisha njama ra wadumwa wapo. Nadazera Jerusalemu, ‘Kuchakailwa ni wandu,’ na mizi ya Juda, ‘Kuchaaghwa na maghacho ghako ghichawusirwa.’

JEREMIA 15:19

BWANA waghora huwu, “Kukahea nichakuwunja kupate kunidumikia. Kukadeda malagho mecha wulalo ghwa agho ghisena fwaida, kuchawuya mundu ojigora ilagho japo; wandu wichakunugha oho, hata ndekuchaawinugha awo anduangi.

JEREMIA 18:18

Niko awo wandu wikaghamba, “Choonyi dibonye njama aighu ya Jeremia, kwa kukaia na jingi sharia ndeichakaia isefunywaghwa ni wakohani, na njama nderichakaia risefumagha kwa wandu wa akili, na ilagho ja Mlungu ndejichaalekwa kughorwa ni walodi. Choonyi dimghorie malagho ghemsima, disewuesikiria malagho ghangi ghake.”

JEREMIA 2:8

Awo wakohani ndewicheekotia, ‘BWANA oko hao?’ Awo wandu weni wereiwadieghe Sharia walemelo ni kunimanya vilongozi vikanilegha; walodi wikaloda kwa chia ya Baali, wikanugha vilambo visewadie fwaida ingi.

EZEKIELI 22:26

Wakohani wawo wainona sharia yapo, na kuvilusha vilambo vapo va wueli; walemelo ni kusawua vilambo va wueli, na vilambo vizima, hata ndewifundishire wandu kusasawua iro maza rizamie na iro rielie; ndewiritalie Sabato rapo, na aho ngalushwa aghadi kwawo.

EZEKIELI 7:26

Wasi ghwaawuyacha aighu ya wasi, na malagho aighu ya malagho; wichalola wufunuo ghungi kufuma kwa mlodi, ela wakohani wichakaia walaghalwa ni sharia, na waghosi kulaghalwa ni njama.

DANIELI 11:33

Wandu wiko na hikima aghadi ya awo wandu, wichawifundisha wengi; hata ngera wichabwaghwa kwa lufu, angu kukorwa, angu kubarishwa kwa ngelo imu.

HOSEA 4:6

Wandu wapo waawuyatoteshwa kwa kulegha kunimanya. Inyo wakohani mwasowie kunimanya, na mafundisho ghapo wori mwaghileghie. Kwa huwo nichamlegha; na wana wenyu wori nichawilegha wisekaie wakohani wapo.

WALAWI 10:11

na oho kuchawifundisha wandu wa Israeli sharia rose nimghorie kwa kumtumia Musa.”

ZEFANIA 3:4

Walodi wake ni wa tee, wandu wisena wuloli; wakohani wake wadalusha vilambo va wueli, na kughalusa sharia ra Mlungu kwa fwaida rawo.

HAGAI 1:13

Niko Hagai ukawighoria wandu malagho gha BWANA: “Nalaghira kukaia nichakanya andwamweri nenyo.”

ZEKARIA 7:3

na kukotia wakohani na walodi ikoto iji: “Welee, dichurie kulila na kufunga tumu kwa wundu ghwa kunonwa kwa Hekalu mori ghwa kasanu, seji diduebonya kwa miaka mingi?”

MALAKI 3:1

BWANA Uwadie-Ndighi-Rose watumbulia, “Nichamduma mdumwa wapo, upate kuboisa chia imbiri kwapo, na uo BWANA mwawuyamsuwiria uchacha ghafla andenyi ya Hekalu yake. Uo mdumwa mwawuyamsuwiria uchacha na kueresha ilaghano japo.”

MITALO 27:21

Nao uchakaia ukimghendia mkohani Eleazari, uo uchaakaia ukimzighaniria maza rake kwa Urimu imbiri yapo. Agho uchaakaia ukighora, nigho gheni Joshua na izungu jose ja wandu wa Israeli wichaakaia wikibonya.”

JOHANE 13:20

Namghoria loli, Uo ummbusagha mndungi nimdumagha, uaniwusa ini, na uo uniwusagha ini, uammbusa uo orenidumieghe wori.”

JOHANE 20:21

Jesu ukawizera sena, “Sere ndeikaie konyu. Sa iji koni Aba orenidumieghe ini, niko koni namduma inyo.”

MABONYO GHA WADUMI 16:17

Ukamnugha Paulo andwamweri nesi ukighora kwa lwaka lubaa, “Wandu awa ni wadumiki wa Mlungu Uko Aighu Na Ndighi, nawo wamchilia malagho gha kukia.”

2 WAKORINTHO 5:20

Kwa wundu ugho, isi deeka wadumwa wa Kristo; na Mlungu waawuyamvoya inyo ukiditumia isi; nesi dikikaia wadumwa wa Kristo, damvoya inyo mpatanisho na Mlungu.

WAGALATIA 4:14

Hata ngera saki wukongo ghwapo ghorekoghe itimo konyu, ndemorenimenyereghe hata kunilegha anduangi; ela moreniwusireghe sa malaika wa Mlungu, angu sa Kristo Jesu.

WUKUMBUSO 21:5

Wakohani walawi wichacha aho wokoni; kwa kukaia BWANA Mlungu onyu wawisaghue wimdumikie na kufunya irasimio kwa irina jake, nawo wikadumbua malagho aighu ya mwandu ghungi, niko koni ikaiagha.

WUKUMBUSO 24:8

“Iji kwawadwa ni wukongo ghwa sima, kulindie na ndighi kubonye seji kughorelwaghwa ni wakohani Walawi; koobonya woruwo sa iji koni nerewilaghirieghe.

1 WATHESALONIKE 4:8

Kwa huwu mndungi ukamenya agha malagho, ndemmenyagha mdamu anduangi, ela uammenya Mlungu; uo umnekagha inyo Roho wake Mweli.

1 SAMUELI 2:17

Huwo iyo kaung'a ya waja wana erekoghe mbaa nandighi imbiri ya BWANA, kwa kukaia werevimenyereghe ivo vizongona verefunyiroghe kwa BWANA.