MALAKI 2:6 - Biblia Ilagho Jiboie Kwa Wandu Wose

⁶ Wikafundisha mafundisho gha loli, hata si agho ghiseko gha loli. Wikakaia wecha kwapo, na kutesia wandu kusigha mawiwi.

MALAKI 2:6 ပူးပေါင်းရင်းမြစ်များ

KUZOYA 17:1

Nao iji Abramu wavika miaka mirongo ikenda na ikenda, BWANA ukamfutukia ukamzera, “Ini ne Mlungu-Uwadie-Ndighi-Rose; ninughe kukaia kukatie.

KUZOYA 6:9

Ichi nicho kivalwa cha Nuhu. Nuhu orekoghe mundu wa hachi, usezughunukilwagha ni mndungi wa iro ngelo; nao orewadaneghe na Mlungu.

ZABURI 119:142

Hachi yako ichadua kwa kala, na sharia yako ni ya loli.

ZABURI 119:151

Ela oho koko kaavui nani ee BWANA, na malaghiro ghako ghose ni gha loli.

ZABURI 37:30

Madedo gha mundu mucha ni gha hikima, nao wadatanya hachi.

ZABURI 37:37

Mzighane mundu mucha, kumlawuo mhachi; mundu wa sere wawadie kivalwa.

MAKATANISHO 5:2

Kupate kumanya kusawua agho ghiboie, na malagho ghako ghichawonyera angu koko na kumanya.

JEREMIA 23:22

Ngera loli wedeeka andenyi ya njama rapo, kumangu waghorie wandu wapo ilagho japo, na kumangu wandu wapo waghalukie na kusigha chia rawo mbiwi, na mabonyo ghawo ghizamie.

DANIELI 12:3

Awo wa hikima wichang'ala-ng'ala sa kung'ala-ng'ala kwa mawingunyi; na awo wiwighaluagha wengi wiinughe hachi, wichang'alng'ala sa nyerinyeri kwa kala na kala.

HOSEA 4:6

Wandu wapo waawuyatoteshwa kwa kulegha kunimanya. Inyo wakohani mwasowie kunimanya, na mafundisho ghapo wori mwaghileghie. Kwa huwo nichamlegha; na wana wenyu wori nichawilegha wisekaie wakohani wapo.

MATHAYO 22:16

Wikamdumia wamu wa wanughi wawo chiaimweri na wanjama wa Herode wikighamba, “Mwalimu, dakumanya angu koko mloli, na chia ya Mlungu kwadaifundisha kwa loli, hata ndekutalagha mndungi, angu kusetalagha mawubaa gha wadamu anduangi.

MARKO 12:14

Nawo wiendavika, wikamzera, “Mwalimu, dakumanya oho koko mloli, hata ndekuobuagha angu kutala wubaa ghwa mndungi anduangi, ela kwadafundisha kwa loli chia ya Mlungu. Welee, keni ni hachi kulipa kodi kwa Kaisari angu siko kungi?

LUKA 1:6

Nawo wose werekoghe wandu wa hachi, wikighenda kwa kuiwadia Sharia na malaghiro gha Mlungu kuseko na ikosa jingi.

LUKA 20:21

Nao awo washeki wikamzera, “Mwalimu, dakumanya kwadaghora na kufundisha kwa hachi, hata ndekutalagha mndungi, ela kwadafundisha chia ya Mlungu kwa loli.

MABONYO GHA WADUMI 26:18

kuwitambuo meso, eri wifume kirenyi wingie mwengerenyi; wifume kwa ndighi ra Shetani na kumghalukia Mlungu, wipate kulekwa kwa kaung'a rawo na kupata wulalo andwamweri na wandu wieleshero kwa irumirio jiko kwapo ini.’

WUKUMBUSO 33:10

Wichawifundisha wandu wako kuisikiria Sharia yako; wichafunya vizongona aighu ya madhabahu yako.

WUKUMBUSO 33:8

Kwa mbari ya Lawi ukaghora, “Oho, BWANA, kufunukuo lukundo lwako kwa Urimu kwa kutumia Walawi, wadumiki wako wa loli. Korewitimieghe aja Masa, kukawiwona kukaia waloli machinyi gha Meriba.

WUKUMBUSO 33:9

Werewonyereghe wuloli m'baa kwako, kuchumba wavi, waruna, angu wana. Wererisikireghe sharia rako wikamaziria kwa wuloli malaghano ghako.

WUFUNUO 14:5

nawo ndewerewonekieghe na tee ingi, kwa kukaia ndewerewadieghe iboli jingi anduangi.

1 SAMUELI 2:12

Wana wa Eli werekoghe wandu wisefwane, kwa kukaia ndeweremtalieghe BWANA,