MALAKI 2:14 - Biblia Ilagho Jiboie Kwa Wandu Wose

¹⁴ Mwamkotia kwaki wawuyalegha kughirumiria. Ni kwa kukaia BWANA wawuyamanya angu kwachikanyire malaghiro korebonyereghe na muka kumlowue ngelo ya wudawana ghwako. Orekoghe mngara wako, ela kwachikanyire ilaghiro jako kwake hata ngera kodelaghira imbiri ya Mlungu kukaia kuchakaia mloli kwake.

MALAKI 2:14 ပူးပေါင်းရင်းမြစ်များ

KUZOYA 2:18

Nao BWANA Mlungu ukaghamba, “Si nicha uo mundu uduo uekeri, nicham'bonyera mtesia umfwanagha putu.”

KUZOYA 31:50

Labani ukachuria kughora, “Kukawikoronga wai wapo, angu kukachuria waka wamu wazima, hata ngera mndungi ndekuwonagha, kumbuka angu Mlungu ni shahidi aghadi yapo na oho.”

MAKATANISHO 2:17

Uo ndeko mloli kwa mumi wake; wadaliwa maghemi ubonyere imbiri ya Mlungu.

MAKATANISHO 30:20

Muka useko mloli kwa mumi, wadabonya huwu: wadabonya wulaki na kukuoghosha ima ughambe, “Sibonyere ilagho jingi.”

MAKATANISHO 5:20

Kwaki kunekagha muka mzima lukundo lwako mwanwapo? Kwaki kusaghuagha kubonyerwa lukundo ni muka wa mndumu?

MCHILI 9:9

Kuboilwanye na muka wako kumkunde, matuku ghose gha irangi jako ja duu, Mlungu ukunekie wurumwengunyi. Ijo nijo ifungu jako iranginyi kwako ja kazi kwawuyabonya wurumwengunyi.

LUMBO 1:15

Kwaghokie kwaki huwu mkundwa! Kwaghokie nao! Meso ghako gheeghoka sa gha iringo.

ISAYA 54:6

Ini BWANA nakuwangie, sa muka uleghelo na kusirimika rohonyi, sa muka mkoo uleghelo na kukumbwa noko; nani naghamba,

ISAYA 58:3

Wandu wakotia BWANA, “Kwaki difungie tumu sena kusewonagha? Kwaki dakusera na ndighi huwu, na oho ndekutalie ilagho ijo?” Na BWANA wawitumbulia huwu, “Olenyi mwadakuboia mmbeni ngelo yenyu efunga tumu, na kuwikoronga wabonyi kazi wenyu.

JEREMIA 29:23

kwa kukaia wabonyere wukelu andenyi ya Israeli, wikalaka na waka wa wambao, sena ii chia wiaghora tee wikiloda kwa irina japo nisewidumie. Ni ini niichi malagho agho sena neko mshahidi, Ini BWANA naghamba.’”

JEREMIA 42:5

Nao wikanizera, “BWANA ndekaie mshahidi wa loli na wa hachi aighu yedu, iji dalemwa ni kubonya malagho agho ghose BWANA Mlungu wako uchaakuduma kodu.

JEREMIA 8:12

Welee, werewonieghe waya iji werebonyereghe ugho wuwiwi? Ndewerewonieghe waya hata kutini hata ndewiichi kufwa waya. Kwa wundu ugho wichaghwa aghadi ya awo wighue, Na ngelo nichaawikaba wichaghwa putu.

JEREMIA 9:2

Na wei nadapata andu kungi kolala kireti, andu kolala kwa wandu widambagha, kumangu nawisigha wandu wapo nipate kughenda na kukaia kula nawo. Kwa kukaia wose ni walaki, izungu ja wandu wa mikalo.

EZEKIELI 16:8

“Iji nereidieghe kaavui na oho sena, ngakuzighana na kuwona angu kwameria kuzoghua na kuvika ngelo ekundwa; ngaghorua kidambi cha nguwo yapo, ngakufinikira wuduu ghwako; ee, ngakubonyera ilaghano, na oho kukawuya wapo. Ini Bwana MLUNGU naghamba.

MIKA 1:2

Sikirenyi agha inyo mbari rose ra wandu mkaiagha ndoenyi, sikirenyi; BWANA Mlungu uchashuhudia aighu yenyu. Sikirenyi! Waawuyadeda kufuma Hekalunyi yake ya mlungunyi.

MALAKI 2:15

Welee, Mlungu nderemfungieghe mkakaia kindo chimweri roho na mumbi? Makusudi ghake gherekoghe kii? Odekunda mpate wana wichaawuya wandu wa Mlungu kwa loli. Kwa huwo mlindie ungi onyu usechikanye malaghiro ghake, sena ukaie mloli kwa mkake.

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.

MALAKI 3:8

Welee, mdamu wadima kumuiwia Mlungu? Ela inyo mwaawuyaniiwia, na kughamba, ‘Dawuyakuiwia wada?’ Ni kwa wundu ghwa ifungu jenyu ja ikumi na mafunyo ghenyu.

WATANYI 11:10

Wabaa wa Gileadi wikamzera, “Loli dichabonya sa iji koni kwaghora, BWANA ndekaie shahidi aghadi yedu.”

1 SAMUELI 12:5

Nao Samueli ukawizera, “Mlungu ni shahidi, na uo mshingwa mavuda wake wori ni shahidi idime kukaia ndemmbonie ikosa jingi kwapo.” Nao wikaghamba, “BWANA ni shahidi.”