MALAKI 2:12 - Biblia Ilagho Jiboie Kwa Wandu Wose

¹² BWANA ndewiinje awo wibonyere huwo wifume wungara ghwa Israeli, hata wisekaie na wungara sena ghwa ivo vizongona viredwagha kwa BWANA-Uwadie-Ndighi-Rose.

MALAKI 2:12 ပူးပေါင်းရင်းမြစ်များ

1 MALAGHO GHA NGELO 25:8

Nawo werekabieghe kura aighu ya kazi rawo, ukaiagha m'baa angu mtini; ufundishikie na wawuyazoya kufundishwa.

ISAYA 61:8

BWANA waghamba, “Ini BWANA nadakunda loli, nadazamilwa ni kusoka na makosa; nani nichawilipia wandu wapo kwa hachi, na kubonya nawo ilaghano ja kala na kala.

ISAYA 66:3

“Wandu weekusaghuya chia rawo weni, na roho rawo raboilwa andenyi ya wuchafu ghwawo. Mundu ubwaghagha ng'ombe oofwanana na uo ubwaghagha mundu; na uo ufunyagha kizongona cha mwana wa ng'ondi oofwanana na uo unyigharagha koshi singo; uo ufunyagha kizongona cha viro, oofwanana na uo ufunyagha bagha ya nguwe kukaia kizongona; uo ufukiragha marumba gha vizongona va wukumbuso, oofwanana na mundu otasa milimu.

EZEKIELI 14:10

Na ikabo jawo jichakaia aighu yawo weni. Ikabo ja mlodi na ikabo ja uo mundu oremchieghe kulola njama, jichakaia karakara;

EZEKIELI 24:21

‘Kuwizere wandu wa Israeli, ini Bwana MLUNGU naghamba huwu: Ola nichakulusha Andu kwapo kwa Wueli, andu mukukasire nako sa saghi yenyu, andu kumghokiagha na kukukunda ngolonyi konyu; nani nichabonya wana wenyu wa womi na wa waka muwisighie nanyuma, wibwagho kwa lufu.

HOSEA 9:12

Hata ngera walela wana, nichawiinja ungi usekaie moyo. Ngawisigha awa wandu, wichachelwa ni maza rizamie.”

WALAWI 18:29

Angu uo ose uchaabonya jingi ja agho mawiwi, uchatanywa na wandu wa Mlungu.

WALAWI 20:3

Ini moni nichalwa na uo mundu, nao uchatanywa na wandu wapo, angu waneka mlungu Moleki wana wake, na kuinona Hema ya Wueli na irina japo ja Wueli.

AMOSI 5:22

Hata ngera mwanifunyira vizongona venyu vekora na vizongona va viro, sichaavirumiria anduangi; sichaavirumiria vizongona venyu va nyamandu ribandie anduangi.

ZEKARIA 12:7

“Ini BWANA nichawineka majeshi gha wandu wa Juda wusimi kande, eri ishima ja wusimi jichagha kwa kivalwa cha Daudi na wandu wa Jerusalemu jisechumbe wandu wa Juda.

MALAKI 1:10

BWANA Uwadie-Ndighi-Rose waghamba, “Naawuyakunda umu onyu urughe minyango ya Hekalu eri mndungi usechengia na kukora medo ya kisha-kisha aighu ya madhabahu yapo. Siwueboilwa ni inyo, na vizongona mredagha.

MALAKI 1:13

Mwawuyaghamba, ‘Dasirishwa ndighi ni agho malagho.’ Nenyo mwanimenya, na kureda nyamandu riiwilo, na iro rikelemere, na iro riko wakongo, rikaie vizongona kwapo! Welee, muaghesha nadima kuvirumiria vizongona vifwane huwo kufuma konyu?

MALAKI 2:10

Welee, isi diwose ndedeeka na aba umweri? Ndedeeumbwa ni Mlungu umweri? Kwaki sena dasowiana wuloli diweni na diweni, na kwaki dijimenyagha ilaghano jibonyero ni Mlungu kwa weke wawa?

MITALO 24:5

Hema rako raghokie saki ee Jakobo, na kambi rako ee Israeli!

MATHAYO 15:14

Wisighenyi noko! Awo ni vilongozi vifue meso. Kitungure ukamghenja kitungure mmbao, wose wawi wichachunukia kinenyi.”

2 TIMOTHEO 3:13

ingelo wawiwi na wandu wa kisha wichaachuria kubonya mawiwi kuchumba; wikikalia wandu nawo weni wikikalilwa.

WUFUNUO 19:20

Iyo nyamandu ikawadwa chiaimweri na uja mlodi wa tee, uo orebonyereghe weke mwakilimbiti imbiri ya iyo nyamandu; kwa awo, orewikalieghe awo wandu werepatireghe ija alama ya iyo nyamandu, na awo wereghutasireghe ugho mlimu ghwake. Awa wawi, werekumbiloghe wimoo andenyi ya ndiwa ya modo ghuakagha kwa kibiriti.

1 SAMUELI 3:14

Kwa huwo naghema aighu ya nyumba ya Eli kukaia wandu wake ndewichaeleshwa kwa kizongona hata kwa mafunyo kwa kala na kala.”