MALAKI 1:9 - Biblia Ilagho Jiboie Kwa Wandu Wose

⁹ Na idana wakohani, mvoyenyi Mlungu upate kudifuya wughoma. Kukakoni umfuya wughoma iji mumfunyiragha vizongona sa ivo?

MALAKI 1:9 ပူးပေါင်းရင်းမြစ်များ

2 MALAGHO GHA NGELO 30:27

Niko wakohani na Walawi wikawuka, wikawirasimia wandu, na malombi ghawo ghikavika mlungunyi kwa Mlungu, aho ukaiagha andu kwake kwa Wueli.

KUFUMA 32:11

Ela Musa ukamvoya BWANA Mlungu wake ukighamba, “Ee BWANA, kwaki kwakaia na machu ghibirie kwa wandu wako, awo korewifunyireghe isanga ja Misri kwa ndighi mbaa na kudima?

JEREMIA 26:19

Welee, Hezekia mzuri wa Juda, chiaimweri na wandu wose wa Juda werem'bwaghieghe Mika? Welee, nderemuobughe BWANA na kuvoya uvikilo ni wughoma ghwa BWANA? Welee, BWANA ndereghalusireghe nia na kusigha kughureda ugho wuwiwi m'baa oreghughorieghe aighu yawo anguwada? Diamba dikuredie wuwiwi isi diweni.”

JEREMIA 27:18

Ikakaia loli wiko walodi, na ikakaia weko na ilagho ja BWANA, ndewimvoye BWANA wa majeshi ivo vilambo viko andenyi ya Hekalu ya BWANA, na andenyi ya ngome ya mzuri wa Juda, na andenyi ya Jerusalemu visedwalo wunyika cha Babuloni.

KILILO CHA JEREMIA 2:19

Wuka sena na sena kio chee kukimlilia BWANA; kumghorie wasi ghwako loli, kukimlomba uwifue wughoma wana wako awo wawuyabwaghwa ni njala achienyi.

JOELI 2:12

BWANA waghamba, “Hata idana heenyi mmbuye kwapo kwa ngolo renyu rose; mkifunga na kulila kwa kudikwa ni mbori.

JOELI 2:17

Wakohani wimdumikiagha BWANA ghadi na ghadi ya madhabahu na mnyango ghongia Hekalunyi ndewilile na kughamba, “Kuwifuye wughoma wandu wako ee BWANA; kusakesigha wandu wa mbari zima widiseke na kudimenya wikighamba, ‘Oke Mlungu onyu oko hao?’”

AMOSI 5:22

Hata ngera mwanifunyira vizongona venyu vekora na vizongona va viro, sichaavirumiria anduangi; sichaavirumiria vizongona venyu va nyamandu ribandie anduangi.

JOHANE 9:31

Isi daichi angu Mlungu ndewisikiragha wakaung'a, ela uo usikirwagha ni uja umtasagha Mlungu, na kulubonya lukundo lwake.

WAROMA 2:11

Angu Mlungu ndependeliagha mndungi anduangi.

1 PETRO 1:17

Na ikakaia mumlombagha Mlungu sa Aba, uo uwitanyagha wandu kula umu karakara na mabonyo ghake kuseko kutala mndungi, tumienyi ngelo yenyu isigharikie ekaia aha wughenyinyi kwa kumuobua.