MALAKI 1:5 - Biblia Ilagho Jiboie Kwa Wandu Wose

⁵ Wandu wa Israeli wichawona agho na meso ghawo, nawo wichaghamba, “BWANA wawadie ndighi hata shighadi ya isanga ja Israeli.”

MALAKI 1:5 ပူးပေါင်းရင်းမြစ်များ

2 MALAGHO GHA NGELO 29:8

Kwa huwo BWANA ukawibonyera wandu wa Juda na Jerusalemu machu, ukawibonya wikaie kilambo cheobosha, cheshinikilwa na kusekwa seji mwawuyawona mmbeni.

EZEKIELI 38:16

Kuchawichea wandu wapo Israeli sa ikungughu, kupate kulwa nawo; kuchafinikira isanga jose. Matuku gha kutua nichakureda kupate kujikaba isanga japo, eri iro mbari ra wandu ripate kunimanya, ingelo nichaawonyera wueli ghwapo imbiri kwawo kwa kukutumia oho ee Gogu.

EZEKIELI 38:23

Nani nichawonyera wubaa ghwapo na wueli ghwapo, na kukumanyisha ini moni imbiri ya iro mbari nyingi ra wandu. Niko wichamanya kukaia ini ne BWANA.”

EZEKIELI 39:9

Wandu wikaiagha andenyi ya mizi ya Israeli wichafuma na kushoa maswagha ghisighilo andonyi na kughitumia sa mbande. Nichakora ngao ndini na mbaa, ndana na mawanu, rungu na mafumu sa mbande kwa miaka mfungade,

MIKA 5:4

Ngelo uchagha, uchawibonyera nguma wandu wake kwa ndighi ra BWANA, na kwa nguma ya BWANA Mlungu moni. Wandu wake wichakaia banana, kwa kukaia wandu wose wurumwengunyi wichaghutala wubaa ghwake.

WUKUMBUSO 11:7

Inyo mwamerie kuwona na meso ghenyu kazi mbaa ya BWANA oreibonyereghe.

WUKUMBUSO 4:3

Mwawonie na meso ghenyu seji BWANA ubonyere aja Baal-peori;

JOSHUA 24:7

Hata iji wanikemia ngangira kira ghadi na ghadi yawo na Wamisri, ngaibonya bahari iwimile Wamisri na kuwifinikira; meso ghawo ghikawona seji nawibonya Wamisri; nenyo mkakaia kireti kwa ngelo ndacha.

1 SAMUELI 12:16

Idana kaienyi kimusi mpate kuwona ilagho ibaa BWANA uchaajibonya imbiri konyu.