MALAKI 1:4 - Biblia Ilagho Jiboie Kwa Wandu Wose

⁴ Iji Waedomu waghamba, “Hata ngera mizi yedu yavuchulwa, ela dichaagha sena maghacho gharo,” BWANA Uwadie-Ndighi-Rose uchawitumbulia, “Ndewiaghe tu. Nichaichikanya hata wiwango, ‘Isanga ja wuwiwi na wandu wileghelo ni Mlungu kwa kala na kala.’”

MALAKI 1:4 ပူးပေါင်းရင်းမြစ်များ

AYUBU 12:14

Ukavuchua, mndungi ndewuyaagha; ukafunga mundu jela, ndefungulwagha ni mndungi.

AYUBU 34:29

Mlungu ukakaia kima-lee nani udimagha kumtanya? Ukalangaya noko nani udimagha kumzighana? Ela sena wadawibonyera nguma wandu na mbari ra wandu,

AYUBU 9:4

Mlungu oko na hikima na ndighi nyingi; ndekuwadie mndungi udimagha kusimana nao.

ZABURI 127:1

Ngera BWANA useaghagha nyumba, awo wiaghagha wiabonya kazi nduu. Ngera BWANA useghulindiagha muzi, walindiri wiacheresha duu.

ZABURI 137:7

Kumbuka ee BWANA seji Waedomu werebonyereghe ituku Jerusalemu iwadilo. Kumbuka seji werekemieghe, “Ivuchuonyi ivuchuonyi! Vuchuonyi hata mvike msinginyi!”

ZABURI 33:10

BWANA wadarinona njama ra mbari ra wandu, na kuivurugha mipango yawo.

MAKATANISHO 21:30

Ndekuwadie hikima, angu kumanya, angu njama ingi idimagha kusimana na BWANA.

ISAYA 10:4

Jasigharika ni inyo kubwaghwa wudenyi na kudwalwa sa wafungwa. Hata huwo saki, machu gha BWANA ndeghisirie, ela mkonu ghwake ghokaba ghoko ghughorokie hata idana.

ISAYA 11:14

Ela wichawadana na kuwingiria Wafilisti wiko cha magharibi; wichawikaba na kuwidwa wunyika wandu wa mashariki. Wichawikaba na kuwisima wandu wa Edomu na Moabu, na Waamoni wichakuwika aisi yawo.

ISAYA 34:10

Modo ghwaro ndeghuchaarima nakio hata nadime; mosi ghwaro ghuchafukia kwa kala na kala. Isanga jichasighwa iduu, kivalwa hata kivalwa; mndungi ndeechaaida aho kwa kala na kala.

ISAYA 34:5

BWANA wawika lufu lwake tayari mlungunyi, nalo luasea kukaba Edomu, ee, awo wandu umerie kuwitanya kufwa.

JEREMIA 31:17

Jeko isuwirio kwa irangi jako jichagha, na wana wako wichawuya kwa isanga jawo jeni.

JEREMIA 49:20

Kwa huwo, sikira mpango nighubonyere ini BWANA aighu ya wandu wa Edomu, na makusudi ghapo aighu ya awo wandu wikaiagha muzi ghwa Temani. Hata wana wawo watini wichakurudulwa noko, na wandu nawo wichaobua.

JEREMIA 49:7

BWANA wa majeshi waghamba huwu aighu ya Edomu, “Welee, ndeiko hikima andenyi ya wandu wa Temani? Welee, njama ya wandu wa suku eesia? Hikima yawo eesia?

JEREMIA 49:8

Inyo wandu wa Dedani, ghalukenyi mkimbie mkuvise ndenyi; angu nichareda wuwiwi aighu ya kivalwa cha Esau; ngelo yavika niwikabe.

JEREMIA 5:17

Wichaja makuwido ghako na vindo vako; wichabwagha wana wako wa womi na wa waka; wichachinja ng'ondi rako na ng'ombe rako; wichanona mizabibu yako na mitini yako; wichanona mizi yako ya ngome kuirumirie, kwa wuda.”

KILILO CHA JEREMIA 3:37

Nani wafunya momu maza rikabonyeka isaakaia ni BWANA moni walaghira?

EZEKIELI 11:10

Mchabwaghwa kwa lufu; nichamtanya a manonyi ya Israeli, nenyo mchamanya kukaia ini ne BWANA.

EZEKIELI 25:13

nanimoni nichaghorua mkonu ghwapo nikabe Edomu; nichabwagha mdamu na nyamandu, na kusigha ijo isanga iduu, kufuma Temani hata Dedani, wandu wose wichabwaghwa kwa lufu.

EZEKIELI 25:14

Nani nichalipa ngenga aighu ya Edomu kwa kuwitumia wandu wapo Israeli, nawo wichawikaba Waedomu kunughana na machu ghapo, nawo wichamanya ngenga yapo, ini Bwana MLUNGU naghamba.”

EZEKIELI 26:14

Nichakubonya kuwuye lwalwa luduu; kuchawuya andu koanikia nyavu ra wawadi samaki; ndekuchaaghwa sena anduangi; ini Bwana MLUNGU naghamba.”

EZEKIELI 35:4

Nichainona mizi yako, na oho kusigho mduu; niko aho kuchamanya kukaia ini ne BWANA.

EZEKIELI 35:9

Nichakubonya kuwoneke mduu matuku ghose, na mizi yako ndeichaakailwa ni mndungi. Niko aho mchamanya kukaia ini ne BWANA.

AMOSI 1:11

BWANA waghamba, “Wandu wa Edomu wabonyere kaung'a sena na sena; kwa wundu ugho nichawikaba. Werewiwingieghe waruna Waisraeli, hata ndewerewiwonieghe wughoma. Machu ghawo ndegherekoghe na kipimo, ghisesiagha.

AMOSI 3:15

Nicharichikanya nyumba ra sumesu na ra kwari. Na iro nyumba ripambilo na mbembe ra chovu nicharitotesha na iro nyumba mbaa richanonwa putu,” waghamba BWANA.

AMOSI 5:11

Mwawikorongie wakiwa kwa kuwisoka viro vawo. Kwa huwo ndemchaarikaia iro nyumba ra magho muriaghie, hata kunywa divei iboie ifumagha kwa iyo mizabibu iboie muiwae.

AMOSI 6:11

BWANA ukafunya momu, nyumba mbaa na ndini richachikanywa vipande vipande.

AMOSI 6:2

Marenyi muzi ghwa Kalno mzighane mmbone; na kufuma aho mghende ghuja muzi m'baa ghwa Hamathi; sena muide msee hata Gathi, muzi ghwa Wafilisti. Welee, weko nicha kuchumba agha mawuzuri gha Juda na Israeli? Angu, weko na isanga ibaa kuchumba jenyu?

OBADIA 1:1

Ughu ni wulodi ghwa Obadia seji BWANA Mlungu ughorie aighu ya wandu wa Edomu. BWANA wamdumie mdumwa wake kwa iro mbari zima; damsikire ukighora malagho agha: “Wukenyi dilo na Edomu!”

OBADIA 1:10

“Kwa kukaia kwawisokie na kuwibwagha wanyinyu, awo wana wa Jakobo, kuchatoteshwa na kusowelwa ishima kwa kala na kala.

MALAKI 1:3

na kummenya Esau. Nabonyere isanga jake ja mighondinyi jisigho iduu, na kukailwa ni mizozo ya kireti.”

MATHAYO 12:30

Uo useko andwamweri nani wadalwa nani; na uo usekwanyagha andwamweri nani wadasaghisa.