MALAKI 1:2 - Biblia Ilagho Jiboie Kwa Wandu Wose

² BWANA wawizerie wandu wake, “Ini namkunde matuku ghose.” Ela wandu wake wawuyaghamba, “Oho kwadikunde wada?” BWANA ukawitumbulia, “Welee, Esau nderekoghe mruna Jakobo? Ela sena ini neemkunda Jakobo,

MALAKI 1:2 ပူးပေါင်းရင်းမြစ်များ

KUZOYA 25:23

BWANA ukamtumbulia ukaghamba, “Mbari iwi reko kifunyi kwako, na vichuku viwi kuvivagha vichawaghika; chimu chichakaia na ndighi kuchumba mmbao, na uo m'baa uchamdumikia uhu mtini.”

KUZOYA 25:25

Wa imbiri ukafuma, utinikie sena uko na mafuri mengi sa nguwo ndacha ya mafuri, nao wikammbanga Esau.

KUZOYA 25:26

Konyuma mruna ukafuma, na mkonu ghwake ghorekoghe ghwawadia ghimbe ya Esau, nao wikammbanga irina jake Jakobo. Isaaka orekoghe mundu wa miaka mirongo irandadu iji werevaloghe.

KUZOYA 27:33

Nao Isaaka ukasughusika nandighi ukaghamba, “Welee, nani uo waghenda ukadiwa nao ukaniredia madiwo, na ini ngaja putu imbiri oho kusechee, ngamrasimia? Ee, nao loli ucharasimilwa.”

KUZOYA 48:4

‘Nichakubonya oho kuve kwa wungi na kuchurikia, na kivalwa chako chichawuya mbari nyingi, na isanga iji jichawuya ifwa ja kala na kala ja kivalwa chako.’

1 WAZURI 10:9

BWANA Mlungu wako ndekaso! Wawonyera seji uboilo ni oho kwa kukuwika kukaie mzuri wa Israeli. Kwa kukaia Mlungu wawikunde Israeli kwa kala na kala, wakuwikie kukaie mzuri wawo, eri kupate kubonya gha loli na gha hachi.”

2 WAZURI 3:8

Ukakotia, “Dimaria chia iao?” Jehoramu ukatumbulia, “Diamaria chia ya kireti cha Edomu.”

ISAYA 43:4

Kwa kukaia koko wa zoghori mbaa mesonyi kwapo, na kwa kukaia nakukunde na kukuneka ishima, nichafunya wandu kwa wundu ghwako, na mbari ra wandu kwa wundu ghwa irangi jako.

ISAYA 63:1

Nani uhu ufumagha Bosra muzi ghwa Edomu uko na nguwo ritinikie righokie ra wubaa, sena uwadiagha kwa wubaa ghwa ndighi rake? “Ni ini BWANA niereshagha hachi yapo, niko na ndighi rekira.”

JEREMIA 2:31

Na inyo ee mbari ya Israeli, nisikirenyi ini BWANA. Huwo neewuya kireti angu kira chikambie kwa Israeli? Kwaki sena wandu wapo wighambagha, ‘Isi deko huru, ndedichawuya kwako sena?’

JEREMIA 2:5

BWANA waghamba welee, “Ni ikosaki weke ndeyo wijiwonie kwapo, hata jikawibonya wighende kula nani; wikatasa milimu ya kisha, nawo weni wikawuya wandu wa kisha?

JEREMIA 31:3

nerewifutukieghe kufuma kula. Neremkundeghe kwa lukundo lwa kala na kala, niko huwo nadua ngikaia mloli konyu.

AMOSI 1:11

BWANA waghamba, “Wandu wa Edomu wabonyere kaung'a sena na sena; kwa wundu ugho nichawikaba. Werewiwingieghe waruna Waisraeli, hata ndewerewiwonieghe wughoma. Machu ghawo ndegherekoghe na kipimo, ghisesiagha.

MALAKI 2:17

Mwamsirishire BWANA na malagho ghenyu. Ela inyo mwaawuyakotia, “Damsirishire wada?” Mwamsirishire kwa kughamba, “BWANA Uwadie-Ndighi-Rose wadaghesha wabonyi kiwiwi wose waboie; kwa loli wawikunde.” Na sena kwa kukotia, “Oko hao Mlungu wa hachi?”

LUKA 10:29

Ela uo ukikunda kukuneka hachi ukamzera Jesu, “Mmbedu nani?”

JOHANE 15:12

Ughu nigho momu ghwapo, mkundane mmbeni na mmbeni sa iji koni nimkunde.

WUKUMBUSO 10:15

Ela sena BWANA orewikundieghe weke ndeyo kwa ngolo, ukamsaghua inyo kivalwa chawo, na kummbika aighu ya wandu wose, seji iko idime.

WUKUMBUSO 23:5

Elaima BWANA Mlungu nderemsikireghe Balaamu; ela ukaghalusa njowe ikawuya marasimio konyu angu BWANA Mlungu onyu oremkundieghe.

WUKUMBUSO 33:3

BWANA wawikunde wandu wake na kuwilindia awo wiko wake. Kwa huwo dadaghoghoma maghunyi kwake na kusikira malaghiro ghake.

WUKUMBUSO 4:37

Na angu orewikundeghe weke ndeyo, oresaghueghe kivalwa chawo; ukakufunya Misri moni kwa ndighi rake mbaa.