MALAKI 1:14 - Biblia Ilagho Jiboie Kwa Wandu Wose

¹⁴ Wawasirwa njowe uo mundu unifunyira kizongona chizamie ingelo uko na nyamandu iboie oreilaghirieghe kwa kukaia ini ne Mzuri m'baa, na wandu wa mbari rose wadaniobua ini.”

MALAKI 1:14 ပူးပေါင်းရင်းမြစ်များ

KUZOYA 27:12

Kewada aba uchaniadada na kunimanya angu naawuyamkalia, nani nichapatwa ni njowe wulalo ghwa irasimio.”

2 SAMUELI 24:24

Ela mzuri ukamzera Arauna, “Hata, nichavighua kwako kwa ighuri; sidimagha kufunya kizongona kwa BWANA Mlungu wapo nisechifunyire kindo chingi.” Niko Daudi ukaghua andu koelia viro, na iro ng'ombe kwa vibelele va feza mirongo misanu.

ZABURI 102:16

Kwa kukaia BWANA uchaiagha Sioni, nao uchawonyera wubaa ghwake.

ZABURI 47:2

Angu BWANA, Uo-Uko-Aighu-Nandighi ni wa kuobolwa; ni mzuri m'baa ndoenyi kose.

ZABURI 47:3

Wadinekie wusimi aighu ya wandu, ukadibonya diribonyere mbari ra wandu nguma.

ZABURI 47:8

Mlungu wadasea kidombo aighu ya kifumbi chake cha nguma cha wueli; wadaribonyera mbari ra wandu nguma.

ZABURI 48:2

Ugho mghondi ghwa Sioni, ghuko cha kaskazinyi, ghwawukie ighu; ghwaghokie, nagho ni muzi ghwa Mzuri m'baa, ghuredagha kuboilwa ndoenyi kose.

ZABURI 68:35

Mlungu, uo Mlungu wa Israeli uaobosha ukifuma andenyi ya andu kwake kwa wueli. Wadawineka wandu wake ndighi na kudima. Mlungu ndekaso!

ZABURI 76:12

uo uwibonyagha wabaa wifo ngolo, na kuwiobosha wazuri wa ndoenyi.

ZABURI 95:3

Angu BWANA ni Mlungu m'baa, na Mzuri m'baa kuchumba milungu yose.

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

JEREMIA 10:10

Ela BWANA ni Mlungu wa loli; Uo ni Mlungu uko moyo, na Mzuri wa kala na kala. Ndoe yadasughuswa ni machu ghake, iro mbari ra wandu nderidimagha kurumaghia lubio lwake.

JEREMIA 46:18

“Mzuri, uo uwangwaghwa BWANA wa majeshi waghema, Sa iji koni nikaiagha moyo, waghamba Mzuri, mndumu uchacha sa Mghondi ghwa Tabori aghadi ya mighondi, na sa Mghondi ghwa Karmeli ghuko mbai na mbai ya bahari.

JEREMIA 48:10

“Ndewado ni njowe uo ubonyagha kazi ya BWANA kwa wughadi, ndewado ni njowe uo usebwaghagha kwa lufu lwake.”

JEREMIA 48:15

Moabu chiaimweri na mizi yake wameria kuchelwa ni Mnoni; wandu wake wa irika orewisaghueghe wasea kubwaghonyi, ini Mzuri, niwangwagha BWANA wa majeshi naghamba.

DANIELI 4:37

Idana ini Nebukadnezari, nadamkasa, na kumkuma, na kumneka ishima Mzuri wa mlungunyi; angu kazi rake rose ni ra loli, na chia rake ni ra hachi. Wandu wose wighendagha kwa kukukasa, oko na ndighi ra kuwisera.”

DANIELI 9:4

Ngamlomba BWANA Mlungu wapo, ngarumiria makosa gha wandu wapo ngighamba, “Ee BWANA, ko Mlungu m'baa oobolwa; kwadakatisha malaghano na lukundo lukatie kwa awo wikunde kuiwadia memu yako.

ZEFANIA 2:11

BWANA uchawiobosha. Uchaimeria milungu yawo na kuibonya kukaia si kindo chingi, na kula mbari ichamtasa BWANA isangenyi kwake.

ZEKARIA 14:9

Niko BWANA uchawuya mzuri wa ndoenyi kose; kula mundu uchamtasa uo Mlungu, na kummanya kwa ijo irina jimweri.

MALAKI 1:11

Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala.

MALAKI 1:8

Welee, iji munifunyiragha nyamandu rifue meso, angu mkongo, angu wakelemeri, rikaie kizongona, ugho si wuwiwi? Oke funya iyo nyamandu kwa m'baa wako wa isanga ngera uirumiria na kuboilwa ni oho?”

MALAKI 2:1

BWANA-Uwadie-Ndighi-Rose wawizera wakohani, “Momu ughu ni kwa wundu ghonyu:

MALAKI 3:9

Inyo mmbose mbari yose moowadwa ni njowe, angu mwawuyaniiwia.

MATHAYO 24:51

Uchamdumbua vipande vipande, na kummbika chiaimweri na waji-kuwi. Aho kuchakaia na kililo na kuja maghegho.

MATHAYO 5:35

hata kwa ndoenyi, angu ni kifumbi chewikiria maghu ghake; hata kwa Jerusalemu, angu ni muzi ghwa Mzuri m'baa.

MARKO 14:8

Waabonya agha gheni udimagha; angu wawada kushinga mumbi ghwapo mavuda imbiri ya mariko ghapo.

LUKA 12:46

bwana wa mdumiki uja uchacha ituku userejisuwirieghe, na saa useimanyagha, nao uchamdumbua vipande vipande na kummbika chiaimweri na awo wiserumiriagha;

2 WAKORINTHO 8:12

Ikakaia ngolo efunya eko, icheni mundu uko nacho, nicho cheni chirumirilwagha ni Mlungu; hata si icho usewadie anduangi.

WUKUMBUSO 28:58

“Kukalegha kulindia na kubonya malagho agha ghose gha sharia ghiandikilo andenyi ya chuo ichi; eri kupate kujiobua ijo irina ja BWANA Mlungu wako, jiko ibaa, jeobosha,

1 TIMOTHEO 6:15

Na uko kuwoneka kwake, kuchawonyerwa worinyi kwa ngelo yaro ni uo ukaswaghwa uko M'baa uekeri, Mzuri wa wazuri na Bwana wa weke bwana.

WAEBRANIA 12:29

angu Mlungu odu, ni modo ghubirie, ghulunguragha.

WUFUNUO 15:4

Nani useobuagha na kujikasa irina jako, ee Bwana? Angu oho kuekeri koko mweli. Wandu wa mbari rose wichacha na kukutasa oho, angu kutanya kwako kwamerie kufunukulwa.”

WUFUNUO 21:8

Ela weke mawowa, na awo wiserumiriagha, na wawiwi, na wabwaghi wandu, na walaki, na wasawi, na watasi milimu, na watee wose, ifungu jawo jichakaia andenyi ya iyo ndiwa iakagha modo na kibiriti; nacho ni kifwa cha kawi.”