MALAKI 1:13 - Biblia Ilagho Jiboie Kwa Wandu Wose

¹³ Mwawuyaghamba, ‘Dasirishwa ndighi ni agho malagho.’ Nenyo mwanimenya, na kureda nyamandu riiwilo, na iro rikelemere, na iro riko wakongo, rikaie vizongona kwapo! Welee, muaghesha nadima kuvirumiria vizongona vifwane huwo kufuma konyu?

MALAKI 1:13 ပူးပေါင်းရင်းမြစ်များ

2 SAMUELI 24:24

Ela mzuri ukamzera Arauna, “Hata, nichavighua kwako kwa ighuri; sidimagha kufunya kizongona kwa BWANA Mlungu wapo nisechifunyire kindo chingi.” Niko Daudi ukaghua andu koelia viro, na iro ng'ombe kwa vibelele va feza mirongo misanu.

ISAYA 1:12

“Iji mwacha imbiri kwapo kunitasa, nani orejilawirieghe ilagho ijo hata muche kuwadia waza rapo?

ISAYA 57:6

Mwadalola magho ghidendere mavongonyi, ghiwuye andu konyu kotasira; mwadadunga kizongona chenywa aho, na kureda mafunyo gha viro; muaghesha maza iro richanihoresha?

ISAYA 61:8

BWANA waghamba, “Ini BWANA nadakunda loli, nadazamilwa ni kusoka na makosa; nani nichawilipia wandu wapo kwa hachi, na kubonya nawo ilaghano ja kala na kala.

EZEKIELI 4:14

Niko ngaghamba, “Ai e Bwana MLUNGU! Ola jingi sikulushire nimoni kwa kuja vindo viseelie; kufuma wanake ghwapo hata linu. Jingi sijie nyamandu ifue cheni, angu ibwaghilo ni mmbao, hata nyama ingi iseelie jingi ndeingirie momunyi kwapo.”

EZEKIELI 44:31

Wakohani ndewichaaja kindo chingi chifue cheni ikaiagha ni nyonyi angu nyamandu, hata ngera eebwaghwa ni mmbao.

HOSEA 13:9

“Nichamnona ee wandu wa Israeli! Nani udikagha kumtesia?

WALAWI 22:8

Useje nyamandu yafwa cheni, angu yabwaghwa ni nyamandu ya isakenyi, uchekulusha uo moni; Ini ne BWANA.

WALAWI 6:4

Iji mundu wabonya kaung'a huwo na kuwuya mkosi, uchawunja icho oresokieghe, angu icho orechipatireghe kwa kukoronga, angu icho cherewikiloghe kwake, angu icho cherelagharieghe ima ukachiwona;

AMOSI 8:5

Mwaghamba, “Ituku ibaa ja Mori lukombe jisiali, diwoneuza viro? Sabato isiali, diwonefunya ngano diuze; dighaluse vipimo na kukalia wandu kwa kutumia vipimo va tee.

MIKA 6:3

BWANA waghamba, “Ee wandu wapo nam'bonyere wada? Namsirishe ndighi naki? Nitumbulienyi!

MALAKI 1:10

BWANA Uwadie-Ndighi-Rose waghamba, “Naawuyakunda umu onyu urughe minyango ya Hekalu eri mndungi usechengia na kukora medo ya kisha-kisha aighu ya madhabahu yapo. Siwueboilwa ni inyo, na vizongona mredagha.

MALAKI 2:12

BWANA ndewiinje awo wibonyere huwo wifume wungara ghwa Israeli, hata wisekaie na wungara sena ghwa ivo vizongona viredwagha kwa BWANA-Uwadie-Ndighi-Rose.

MALAKI 2:13

Mwawuyabonya ilagho jimu sena. Mwawuyachura madhabahu ya BWANA mbori renyu. Mwaawuyalila mkidikwa ni mbori angu walegha kughirumiria mafunyo mwareda.

MATHAYO 6:16

“Na inyo iji mwakafunga tumu, msakekaia na mawushu gha wasi sa awo waji-kuwi. Angu awo wadakucha mawushu ghawo kwa wasi wipate kuwonwa ni wandu seji wafunga. Namghoria loli, wameria kupata mafungu ghawo.

MATHAYO 6:5

“Idana iji mwakalomba, msakebonya sa awo waji-kuwi; angu awo wadakunda kulomba wikikaia kimusi sunagoginyi, na matanonyi gha chia wipate kuwonwa ni wandu. Namghoria loli, wameria kupata mafungu ghawo.

WUKUMBUSO 15:21

Ela awo wavalwa wa imbiri, ungi ukakaia na itiko jingi, ngera ookelemia angu kufwa meso, angu itiko jingi ijo jose jizamie, kusemfunye kizongona kwa BWANA Mlungu wako.

1 SAMUELI 2:29

Kwaki sena oho kubonyagha iriso aighu ya vizongona vapo vekora na mafunyo, ivo nerevilaghirieghe; nao kuwitaleghe wana wako kunichumba ini, kwa kukubandisha mmbeni na kukusaghuya ivo vizongona viboie nifunyirwaghwa ni wandu wapo Israeli?