MAKATANISHO 8:13 - Biblia Ilagho Jiboie Kwa Wandu Wose

¹³ Kuobua kwa BWANA ni kuzamilwa ni wuwiwi, Nadazamilwa ni kukuduka na kukukasa, na chia mbiwi na kudeda kisha.

MAKATANISHO 8:13 ပူးပေါင်းရင်းမြစ်များ

AYUBU 1:1

Korekoghe na mndumu isanga ja Usi, uwangwagha Ayubu. Orekoghe mundu mucha, usewadie wuwiwi ghungi; muoboi Mlungu uleghie mawiwi.

AYUBU 28:28

Niko Mlungu ukamzera mdamu, ‘Kuobua kwa BWANA, niyo hikima, na kusigha mawiwi, niko kumanya.’”

ZABURI 101:3

Sichaawika kindo chingi chiseelie imbiri kwapo. Nadazamilwa ni mabonyo gha wandu wimsighagha Mlungu; sikunde wungara ghungi nawo.

ZABURI 119:104

Nadapata suku kufumanya na mafundisho ghako, kwa huwo nadazamilwa ni malagho gha tee.

ZABURI 119:128

Kwa huwo nadanugha mafundisho ghako ghose; nadazamilwa ni kula chia ya tee.

ZABURI 138:6

Hata ngera koko ighu ee BWANA, kwadawitala wanyonge; Ela wandu wikukasire, ndewivisikagha kwako.

ZABURI 97:10

Awo wimkundagha BWANA, wizamilo ni kiwiwi; wadawilindia waeli wake, na kuwikira na wawiwi.

KUFUMA 1:17

Ela awo waka wevarisha werekoghe wikimuobua Mlungu, kwa huwo wikalemwa ni kubonya seji mzuri orewilaghirieghe, wikawisigha wana wa womi wikaie moyo.

MAKATANISHO 10:31

Mundu wa hachi wadadeda malagho gha hikima, ela lumi lodeda malagho ghizamie luchanyamirishwa.

MAKATANISHO 15:9

Mighendo ya mmbiwi yadamzamia BWANA, ela wadamkunda mundu unughagha hachi.

MAKATANISHO 16:18

Kukujosa kwadareda kunoneka; na roho ya lumenyo yadareda kughwa.

MAKATANISHO 16:5

BWANA wadazamilwa ni kula mundu ukujosagha moni; kwa loli ndechaasowa ikabo.

MAKATANISHO 16:6

Kwa chia ya lukundo na wuloli, kaung'a yalekelwa; kwa chia ekaia na kuobua kwa BWANA, mundu wawikwa kula na wuwiwi.

MAKATANISHO 3:7

Kusakekuririkanya kumoni kukaia na hikima; kumuobuo BWANA na kutana na kiwiwi.

MAKATANISHO 4:24

Kusedede madedo ghangi ghiseboie; kukuwike kula na madedo gha tee.

MAKATANISHO 6:12

Mundu wa kisha-kisha, wadaghenda ukideda madedo gha kisha.

ISAYA 13:11

BWANA waghora huwu, “Nichaghukaba wurumwengu kwa wundu ghwa wuwiwi ghwake, na wawiwi, kwa wundu ghwa wulaghe-laghe ghwawo; kukukasa kose kwa wandu nichakumeria, na kuwisera awo wikudukie.

AMOSI 5:15

Menyenyi mawiwi, mkunde mecha, mtanye hachi kotinyi. Kewada BWANA uchawiwonia wughoma masighariko gha wandu wa mbari ihi.

AMOSI 6:8

Bwana MLUNGU waghema kwa uo moni, ukighamba, “Nazamilwa ni uko kukujosa kwa wandu wa Israeli na iro ngome rawo; nani nichaghufunya muzi ghwawo na vose viko andenyi yaro kwa wamaiza.”

ZEKARIA 8:17

Msakebonyerana mipango ya wuwiwi mmbeni na mmbeni. Msakefunya wushuhuda ghwa tee kwa ighemi. Ini nadazamilwa ni kughora tee, kusoweana hachi, na kukoronga.”

WAROMA 12:9

Lukundo lusekaie loja kuwi; mzamilo ni kiwiwi, mmaziriane na icho chiko chiboie.

1 WATHESALONIKE 5:22

mkutanye na wuwiwi ghwa kula mbari.

2 TIMOTHEO 2:19

Ela msingi ghwa Mlungu ghwamange, nagho ghwawadie mhuri ughu: “Bwana wawimanya awo wiko wake,” sena, “Uo ose ujighoragha irina ja Bwana, suti utane na wuwiwi.”

1 PETRO 5:5

Wokoni na inyo muko watini mkuwike aisi ya waghosi. Inyo mmbose mkaie na wumboa kula mundu na mmbao; angu, “Mlungu wawitangala wang'eti, ela wawineka mvono awo wiko na wumboa.”

1 SAMUELI 2:3

Msedede malagho gha kukukasa sena, kukuduka kungi kusefume memunyi konyu; angu BWANA ni Mlungu wa kumanya, na uo wadaghipima mabonyo ghose.