MAKATANISHO 7:21 - Biblia Ilagho Jiboie Kwa Wandu Wose

²¹ Ukamshingira na malagho mengi ghesesea-sesea, ukimfungisha ndighi na malagho ghake ghisingie.

MAKATANISHO 7:21 ပူးပေါင်းရင်းမြစ်များ

2 WAZURI 4:8

Ituku jimu Elisha oreghendieghe Shunemu, andu muka umu mzuri wa mali orekoghe; uja muka ukamkaribisha uche uje vindo. Kufuma ngelo iyo, Elisha ukakaia ukingia aho uje vindo.

NEHEMIA 6:4

Wikanidumiria mando ana kwa chia ihi cheni, nani ngawitumbulia wokoni.

ZABURI 12:2

Wiaghoriana tee weni na weni. Waja malagho gha mikalo, na kukaia na ngolo eja kuwi.

MAKATANISHO 5:3

Madedo gha muka mseli ni sa wuki ghutonyaatonya, na madedo ghake ghadendere kuchumba mavuda;

MAKATANISHO 6:24

Ghichakulindia na mmbiwi, na madedo ghisingie gha muka mseli.

MAKATANISHO 7:22

Uja mdawana ukamnugha ija ngelo cheni, sa ng'ombe iendabwaghwa angu sarigha yawadwa ni mdegho,

MAKATANISHO 7:5

Richakulindia na uo muka mseli; uo muka mghenyi usingilo ni malagho.

LUKA 14:23

Uja bwana ukamzera mdumiki wake, ‘Ghenda chia ra matano na manonyi yose, kuwishingire wandu kucha, nyumba yapo ipate kuchua.

LUKA 24:29

ela awo wikamshingira wikighamba, “Kaia andwamweri nesi angu ndoe yaswa na kira chaawuyasea.” Nao ukangia kukaia andwamweri nawo.

MABONYO GHA WADUMI 16:15

Nao uendabaputizwa andwamweri na wandu wa nyumbenyi kwake, ukadivoya ukighamba, “Ngera mwaniwona kukaia mloli kwa Bwana, choonyi mkaie nyumbenyi kwapo.” Ukadishingira na ndighi.

2 WAKORINTHO 5:14

Angu lukundo lwa Kristo lwadibonyera nguma, kwa kukaia damerie kuwona huwu, ikakaia mundu umweri orefueghe kwa wundu ghwa wose, huwo wose wedeefwa.

WATANYI 14:17

Nao ukalila imbiri kwake kwa matuku mfungade gha iyo karamu yawo; na kwa ituku ja mfungade ukamghoria, angu orekoghe ukimziziria na ndighi. Niko uo muka ukawighoria wandu wa mzawo iyo ndawi na kutambua kwaro.

1 SAMUELI 28:23

Sauli ukalegha ukighamba, “Sijagha kungi.” Ela wabaa wake chiaimweri na uja muka wikamshingira uje, hata ukadima wasikira malagho ghawo. Niko ukawuka kufuma andonyi, ukasea kidombo wulinyi.