MAKATANISHO 6:16 - Biblia Ilagho Jiboie Kwa Wandu Wose

¹⁶ Gheko malagho mfungade huwu ghimzamiagha BWANA nandighi:

MAKATANISHO 6:16 ပူးပေါင်းရင်းမြစ်များ

2 WAZURI 21:16

Aighu ya agho, Manase orebwaghieghe wandu wengi wisewadie makosa ghangi, hata chia ra Jerusalemu rikachulwa ni bagha ii chia na ii chia; kula na iro kaung'a, orewishekerieghe wandu wa Juda kungia kaung'enyi na kubonya mawiwi imbiri yapo.

AYUBU 5:19

Kukapatwa ni wasi mando arandadu, uchakukira; hata indo ja mfungade, ndekuchaapatwa ni kiwiwi chingi.

ZABURI 11:5

BWANA wadawitima wahachi na wawiwi, nao wadazamilwa ni wang'eti.

ZABURI 5:7

Ela ini, kwa wundu ghwa wungi ghwa lukundo lwako lukatie, nichangia Hekalunyi kwako. Nichatasa ngiilangaya Hekalu yako ya wueli, ngikuneka ishima.

MAKATANISHO 11:1

BWANA wadazamilwa ni wandu witumiagha ratili ra tee; ela wadaboilwa ni wandu witumiagha vipimo va loli.

MAKATANISHO 11:20

BWANA wadazamilwa ni wandu wa maghesho ghizamie, ela wadaboilwa ni awo wisewadie ikosa.

MAKATANISHO 12:22

BWANA wadazamilwa ni watee, ela wadaboilwa ni awo wiko waloli.

MAKATANISHO 17:15

Mundu umtalagha mmbiwi kukaia na hachi, na uhu umtanyagha mhachi kukaia mkosi, wedefwanana; wose wadamzamia BWANA.

MAKATANISHO 20:10

BWANA wadazamilwa ni wandu witumiagha vipimo va tee.

MAKATANISHO 20:23

BWANA wadazamilwa ni wandu witumiagha vipimo va tee, na ratili ra tee, nderim'boiagha.

MAKATANISHO 21:4

Wandu wawiwi wadalongozwa ni lubando, na kukujosa, na iyo ni kaung'a.

MAKATANISHO 3:32

BWANA wadazamilwa ni mundu uleghie chia rake, ela wadawirumiria wandu wecha.

MAKATANISHO 30:18

Gheko malagho ana ghawuyanishinua, niseghitambuagha:

MAKATANISHO 30:21

Gheko malagho ana ghisughusagha wurumwengu:

MAKATANISHO 30:24

Veko vilambo vina viko vitini wurumwengunyi viko na hikima mbaa:

MAKATANISHO 30:29

Veko vilambo vina kukavizighana vighendagha na mwendo ghughokie:

MAKATANISHO 6:15

Kwa wundu ugho, uchachelwa ni ndengwa shwa wori, nao uchashoghonoka isedimikagha uboo.

MAKATANISHO 6:17

kuzighana kwa lukaso, kughora tee, kubwagha mundu usewadie ikosa;

MAKATANISHO 8:13

Kuobua kwa BWANA ni kuzamilwa ni wuwiwi, Nadazamilwa ni kukuduka na kukukasa, na chia mbiwi na kudeda kisha.

JEREMIA 26:15

Ela mmanye kwa loli mkanibwagha, mchakuredia aighu yenyu na aighu ya muzi ughu na wandu waro ikosa ja kubwagha mundu usewadie ikosa jingi. Kwa kukaia ni loli BWANA ooniduma konyu kughora agho malagho ghose mwaghisikira kwa madu ghenyu.”

AMOSI 1:11

BWANA waghamba, “Wandu wa Edomu wabonyere kaung'a sena na sena; kwa wundu ugho nichawikaba. Werewiwingieghe waruna Waisraeli, hata ndewerewiwonieghe wughoma. Machu ghawo ndegherekoghe na kipimo, ghisesiagha.

AMOSI 1:3

BWANA waghamba, “Wandu wa Dameshki wabonyere kaung'a sena na sena; kwa wundu ugho nichawikaba. Wakorongie wandu wa Gileadi kwa lung'eto lubaa.

AMOSI 1:6

BWANA waghamba, “Wandu wa Gaza wabonyere kaung'a sena na sena; kwa wundu ugho nichawikaba. Wadwae mbari yose wunyika, na kuwiuza kwa wandu wa Edomu wikaie wazumba.

AMOSI 1:9

BWANA waghamba, “Wandu wa Tiro wabonyere kaung'a sena na sena; kwa wundu ugho nichawikaba. Wadwae mbari yose wunyika cha isanga ja Edomu, hata ndeweretalieghe ighemi werejibonyereghe ja kiwughenyi.

AMOSI 2:1

BWANA waghamba, “Wandu wa Moabu wabonyere kaung'a sena na sena; kwa wundu ugho nichawikaba. Weremsowieghe mzuri wa Edomu ishima kwa kukora maindi ghake ghikawuya ivu.

AMOSI 2:4

BWANA waghamba, “Wandu wa Juda wabonya kaung'a sena na sena; kwa wundu ugho nichawikaba. Wamenyere mafundisho ghapo na kuleghawadia memu yapo. Walaghashiro ni iyo milimu cheni ya tee eretaswagha ni weke ndee.

AMOSI 2:6

BWANA waghamba, “Wandu wa Israeli wabonyere kaung'a sena na sena; kwa wundu ugho nichawikaba. Wadauza wandu wa hachi wuzumbenyi awo wisedimagha kuwilipa sile rawo, wakiwa wisedimagha kulipa hata sapata.

ZEKARIA 8:17

Msakebonyerana mipango ya wuwiwi mmbeni na mmbeni. Msakefunya wushuhuda ghwa tee kwa ighemi. Ini nadazamilwa ni kughora tee, kusoweana hachi, na kukoronga.”

WUKUMBUSO 23:18

Kuserede pesa ringi Hekalunyi kwa BWANA Mlungu wako rafunywa ni ilaya ja waka angu ja womi wei richelipwa kwa wundu ghwa ighemi ijo jose; angu malaya agha ghose ghadamzamia BWANA Mlungu wako.

WUKUMBUSO 24:4

uja mndwawomi wa imbiri ndedimagha kuwuyammbusa sena ukaie mkake nyuma ya kulushwa; kwa kukaia maza iro radamzamia BWANA. Kuseredie isanga kaung'a ijo BWANA Mlungu wako ukunekagha jikaie ifwa jako.

WUKUMBUSO 25:16

Angu wandu wose wibonyagha maza iro, wiseko waloli, wadamzamia BWANA Mlungu wako.

WUFUNUO 21:27

Ela kindo chingi chiseelie ndechichaangia andenyi yaro, hata mundu ubonyagha maza rizamie angu ughoragha tee; ela awo wandu weni wiandikilo andenyi ya chuo cha Mwana wa Ng'ondi.