MAKATANISHO 5:22 - Biblia Ilagho Jiboie Kwa Wandu Wose

²² Mundu mmbiwi wadawadwa ni makosa ghake moni, na kumazirwa ni nyavu ya kaung'a rake reni.

MAKATANISHO 5:22 ပူးပေါင်းရင်းမြစ်များ

1 WAZURI 18:18

Elija ukatumbulia, “Si ini ungi nawuyasumbua Israeli, ela ni oho na nyumba ya ndeyo mwawuyasumbua Israeli kwa kuisigha memu ya BWANA na kutasa mlimu ghwa Baali.

ESTA 9:25

Ela Esta ukamghendia mzuri, na mzuri ukafunya momu kwa maandiko angu ija njama ya mikalo oreibonyereghe Hamani imghalukie moni; kukaia, uo na wana wake wibwagho kwa kuwanikwa aighu ya ghuja mudi ghobwaghia wandu.

AYUBU 18:8

Maghu ghake moni ghamngira nyavunyi, nao wamara-mara andenyi yaro.

ZABURI 40:12

Namarwa chia rose ni wasi mungi ghusetalikagha; kaung'a rapo ranichumba ndighi, sidimagha kuwona; rakaia nyingi kuchumba mtalo ghwa iridia japo, nani nafwa ngolo.

ZABURI 9:15

Wandu wa mbari zima werechunukieghe kinenyi; icho werechikotereghe; maghu ghawo ghikawadwa ni nyavu wereideghieghe.

ZABURI 9:17

Wawiwi; awo wandu wose wimliwagha Mlungu, wichaghenda Andu kwa Wafu.

MAKATANISHO 1:18

ela awo wandu waawuyakudeghia shaghala weni; shaghala ichaawibwagha weni.

MAKATANISHO 11:3

Wandu wecha wadalongozwa ni wucha ghwawo, ela kusowa wuloli kwa wandu wikalie kuchawitotesha.

MAKATANISHO 11:5

Wuloli ghwa mundu ghwadamghenja nicha, ela mundu mmbiwi wadaghushwa ni wuwiwi ghwake.

MAKATANISHO 11:6

Wandu wecha wadakirwa ni wucha ghwawo, ela wandu wa mikalo wadabonywa wazumba ni bea rawo.

MAKATANISHO 12:14

Mundu wadapata mecha kunughana na madedo ghake, sa iji koni upatagha mafungu gha kazi yake.

MAKATANISHO 14:32

Mmbiwi wadanonwa ni agho mawiwi ughibonyere, ela mundu wa hachi wadalindilwa ni wucha ghwake.

MAKATANISHO 18:7

Madedo gha mkelu ghadamnona moni, na malagho ghake ni shaghala kwake.

MAKATANISHO 24:12

Mkaghamba wei ndemmanyire ilagho jingi, muaghesha uo upimagha ngolo ra wandu ndewuewona? Huwo uo umanyagha ngolo renyu ndewuemanya? Huwo ndechaalipa mundu karakara na kazi rake anguwada?

MAKATANISHO 26:27

Mundu ukoteragha wazima kina, uchachunuka andenyi, na mundu ubingilishiragha wambenyu igho, jichammburia moni.

MCHILI 7:26

Nawonie ilagho jimu jibirie kuchumba kifwa, najo ni muka. Lukundo ukubonyeragha luchakuwada sa mdegho angu nyavu. Ukakuwadia, mikonu yake eeka sa mnyororo angu nyavu. Mundu umkunde Mlungu uchamuinjikia, ela mkaung'a uchawadwa.

JEREMIA 2:19

Mawiwi ghako gheni ghichakuneka adhabu, na kuwuya nyuma kwako kuchakukemia. Zighana kuwone kukaia ni ilagho iwiwi sena jibirie ja oho kunisigha ini BWANA Mlungu wako; ndekuwadie ghuja wundu ghwa kuniobua ini andenyi kwako.”

KILILO CHA JEREMIA 1:14

“Wazighanire kaung'a rapo ukarifunga rose chiaimweri; warifungie singonyi kwapo, nani ngawuya mnyonge; BWANA wanifunyire kwa wamaiza wapo, nani seredimieghe kulwa nawo.

OBADIA 1:15

“Ituku jalighisa ja ini BWANA kutanya mbari rose. Oho Edomu, kuchabonyerwa agho korebonyereghe. Kuchalipwa agheni kubonyere.

MITALO 32:23

Ela mkalegha huwo, mwameria kum'bonyera BWANA kaung'a; nenyo mkaie na loli kukaia kaung'a ichamfunya shighadi.

WAEBRANIA 13:4

Ndoa ineko ishima ni wandu wose, na awo wilowuane wikaie waloli kula mundu na mmbao; angu Mlungu uchawitanya walaki, na awo wiselagha na waka wa wandu.

WATANYI 20:41

Niko wandu wa Israeli wikawighalukia, na Wabenjamini wikafwa ngolo; kwa kukaia werewonieghe angu wachelwa ni mashaka.

WATANYI 9:57

wokoni Mlungu ukalipia ghuja wuwiwi ghorebonyeroghe ni wandu wa Shekemu; wikachelwa ni njowe sa iji koni Jothamu mwana wa Jerubaali orewilodereghe.