MAKATANISHO 5:21 - Biblia Ilagho Jiboie Kwa Wandu Wose

²¹ BWANA waichi maza rose mundu uribonyagha, nao wadaizighana mighendo yake yose.

MAKATANISHO 5:21 ပူးပေါင်းရင်းမြစ်များ

2 MALAGHO GHA NGELO 16:9

BWANA wadazighana iichia na iichia ndoenyi kose, upate kuwonyera ndighi rake kwa awo wandu wisewadie ikosa jingi kwake. Kwabonya wukelu; kwa huwo kufuma idana ndekuchaatana na wuda.”

AYUBU 14:16

Niko kuchatala kughenda kwapo, kuseko na kunitalia kaung'a yapo.

AYUBU 24:23

Mlungu wadawilindia na kuwimangisha; wadawizighanira seji wighendagha.

AYUBU 31:4

Mlungu waichi kula ilagho nijibonyagha; wawuyawona seji nighendagha.

AYUBU 34:21

“Mlungu wadazighana mighendo ya mdamu, na kuwona milambo yake yose.

ZABURI 11:4

BWANA oko andenyi ya Hekalu yake ya wueli, kifumbi chake cha nguma cheko mlungunyi; nao wadawizighana wadamu na kuwimanya seji wibonyagha.

ZABURI 119:168

Nadaghiwadia mafundisho ghako, na memu yako; oho kwaichi seji nibonyagha.

ZABURI 17:3

Kukanitima ngolo yapo, na kunichea nakio, iji kwanitima, ndekuchaawona wuwiwi ghungi andenyi kwapo anduangi. Ini sidedagha kiwiwi chingi.

MAKATANISHO 15:3

BWANA wadawona kula andu; wadamzighana mmbiwi na mucha.

MAKATANISHO 4:26

Kukulindie seji kughendagha, na chia rako rose richakaia ra loli.

MAKATANISHO 5:6

Nderirikanyagha maza ra irangi; wadamara-mara usemanyagha ilagho jingi.

JEREMIA 16:17

Angu nawuyawiwona kwa chia rawo rose, ndewivisikagha kwapo, hata na mawiwi ghawo ndeghivisikie mesonyi kwapo anduangi.

JEREMIA 17:10

Ni ini BWANA nizighanagha nia na kuitima ngolo; nipate kumlipa kula mundu kara kara na chia rake, karakara na mabonyo ghake.”

JEREMIA 23:24

Mundu wadima kukuvisa andu kwake kwa kiviso nisemmbone? Waghamba BWANA. Welee, si ini nichurie mlungunyi na ndoenyi?

JEREMIA 29:23

kwa kukaia wabonyere wukelu andenyi ya Israeli, wikalaka na waka wa wambao, sena ii chia wiaghora tee wikiloda kwa irina japo nisewidumie. Ni ini niichi malagho agho sena neko mshahidi, Ini BWANA naghamba.’”

JEREMIA 32:19

kuko m'baa kwa njama rako na kwa mabonyo ghako; kwadawona chia rose ra wadamu na kumlipa kula mundu karakara na mabonyo ghake;

HOSEA 7:2

Ela ndewiwuemanya wei nawuyarikumbuka kazi rawo mbiwi rose. Mabonyo ghawo ghawimara chia rose na kuwikwa imbiri kwapo.”

WAEBRANIA 4:13

Hata imbiri ya Mlungu, ndekuwadie iumbo jingi jivisikie; ela vilambo vose veko worinyi, viwikilo na kufunukulwa imbiri ya meso ghake, uo dichaafunya mitalo edu kwake.

WUFUNUO 2:18

“‘Na malaika wa ikanisa ja Thuatira kumuandikie huwu:’ ‘Agha ni malagho gha Mwana wa Mlungu, uo uko na meso sa lumu lwa modo, na maghu ghake ghiko sa shaba izughulo na ndighi.

WUFUNUO 2:23

sena nichawibwagha wanughi wake. Na makanisa ghose ghichamanya angu ni ini nirizighanagha ngolo na maghesho gha wandu; nani nichamlipa kula umu onyu karakara na kazi rake.