MAKATANISHO 4:23 - Biblia Ilagho Jiboie Kwa Wandu Wose

²³ Lindia ngolo yako kuchumba vilambo vose, angu aho niko ndoria ya irangi ifumagha.

MAKATANISHO 4:23 ပူးပေါင်းရင်းမြစ်များ

2 WAZURI 10:31

Ela Jehu nderelindirieghe kunugha seji sharia ya BWANA Mlungu wa Israeli iko kwa ngolo yake yose, hata nderetaneghe na kaung'a ra Jeroboamu kwa iro orewishekerieghe Israeli kungia kaung'enyi.

MAKATANISHO 11:16

Muka wa wughoma, wadanekwa ishima; wakinyanya, wadapata mali.

MAKATANISHO 13:3

Mundu ulindiagha madedo ghake, wadalindia irangi jake; mundu wa malagho mengi, wadanoneka.

MAKATANISHO 16:17

Mundu mucha wadalegha chia mbiwi, uo ulindiagha mighendo yake wadajilindia irangi jake.

MAKATANISHO 22:5

Chia ya wawiwi eko na minjwa na shaghala; uo ukulindiagha moni uchakaia kula nayo.

MAKATANISHO 23:19

Mwana wapo, sikira kukaie na hikima; kulongoze irangi jako nicha.

MAKATANISHO 28:26

Uo ukusaghikagha na akili rake moni ni mkelu, ela uhu ughendagha kwa hikima uchakirwa.

MAKATANISHO 3:21

Mwana wapo, wadia hikima ndicha na suku; lindia risekulaghaye.

MAKATANISHO 4:7

Hikima ni mbaa kuchumba vose; kwa huwo kukaie na hikima na suku.

MCHILI 5:13

Jeko ilagho jimu nijiwonie wurumwengunyi jizamie nandighi: mundu ukuwikiagha mali rekutotesha moni,

JEREMIA 17:9

“Ngolo yakalie ikachumba vilambo vose, eezama ikaachumba; nani udimagha kuitambua?

MATHAYO 15:18

Ela agho ghifumagha momunyi ghadafuma ngolonyi, nagho nigho ghimlushagha mundu.

MATHAYO 15:19

Angu ngolonyi ghadafuma maririkanyo ghizamie ghiredagha kubwagha, wusharati, wulaki, wutoi, kuzighiria kwa tee, na madukano.

MARKO 14:38

Chereshenyi, mlombe msengie matimonyi. Roho yakunde loli, ela mumbi ghwakaia mnyonge.”

LUKA 6:45

Mundu mucha kwa agho mecha gha ngolonyi kwake, wadafunya agho ghiko mecha, na mundu mmbiwi kwa ugho wuwiwi ghuko ngolonyi kwake, wadafunya agho ghiko mawiwi. Angu momu ghwadadeda agho ghichue ngolonyi.”

WUKUMBUSO 4:9

Inyo mlindie, sena mseliwe iro maza muriwonie na meso ghenyu matuku ghose mchaakaia moyo. Murifundishe wana wenyu na weke wawayo

WAEBRANIA 12:15

Manyenyi mndungi useghusowe ghuja mvono ghwa Mlungu, isechekaia muri ghungi ghwa kuwawa ghubuke na kureda wasi hata kuwilusha wandu wengi.