MAKATANISHO 31:9 - Biblia Ilagho Jiboie Kwa Wandu Wose

⁹ Deda kwa wundu ghwawo, kukaie mtanyi wa hachi. Lindia hachi ra wakiwa na awo wisowagha.”

MAKATANISHO 31:9 ပူးပေါင်းရင်းမြစ်များ

2 SAMUELI 8:15

Daudi ukawibonyera nguma Waisraeli wose, ukawitanya wandu wose kwa hachi na loli.

AYUBU 29:12

Neremvuvueghe mkiwa uo orenikemieghe, na mwana mkiwa wasowa mndungi otesia, neremteserieghe.

ZABURI 82:3

Mdederienyi mnyonge, na mwana mkiwa; m'bonyerenyi hachi uo ukorongelo na uo usowagha.

MAKATANISHO 16:12

Mzuri wadazamilwa ni kubonya mawiwi; angu wuzuri ghwadamangishwa ni hachi.

MAKATANISHO 20:8

Mzuri ukakaria kifumbi chetanya, wadasasawua makosa ghose ughiwonagha.

MAKATANISHO 29:7

Mundu wa hachi waichi hachi ra wakiwa, mundu uzamie ndetambukilwagha ni maza sa iro.

ISAYA 1:17

Mkufundishe kubonya mecha, muilole hachi; witesienyi awo wawuyawonelwa, mnekenyi mwana usewadie ndee hachi yake, mdederienyi muka-mkiwa.”

ISAYA 1:23

Wabaa waro wawuya waleghi, wakaia wangara wa vitoi. Kula umu onyu ookunda kuhongwa, na kuwusa manosi; ndewidederiagha wana wakiwa, hata ndewimtanyiagha hachi muka mkiwa anduangi.

ISAYA 11:4

ela uchawitanya wakiwa kwa hachi, na kudumbua malagho gha wanyonge wa ndoenyi kara kara; uchaikaba ndoe kwa miruke ya momu ghwake, na kuwibwagha wawiwi kwa miruke ya memu yake.

JEREMIA 21:12

Ee kivalwa cha Daudi! ‘Bonyenyi hachi kula nakesho, mmbunje kilambo cha uo usokelo kufuma kwa uo mkorongi; machu ghapo ghisecheaka sa modo, na kumkora hata usepatike ungi oghurimisha, kwa wundu ghwa agho mawiwi ghenyu.’

JEREMIA 22:3

BWANA waghamba, m'bonye malagho gha loli na gha hachi, mmbunje kilambo cha uo usokelo ni mkorongi. Msebonye kiwiwi, angu kumkita mghenyi, angu mwana mkiwa, angu muka mkiwa, angu kudia bagha ya mundu usena ikosa andu aha.

JEREMIA 23:5

“Olenyi matuku ghichacha, nichawusira umu wa kivalwa cha Daudi uchaakaia mzuri wa hachi nao uchabonya nguma kwa hikima, na kubonya hachi na loli isangenyi.

JEREMIA 5:28

ni wandu wibandie widendere. Mabonyo ghawo ghizamie ndeghina kipimo; ndewiichi kutanya hachi kwa mwana mkiwa usewadie ndee, hata uwone nicha; ndewidederiagha hachi ra uo uko ukitiro.

DANIELI 4:27

Kwa wundu ugho ee mzuri, njama yapo ndeirumirikie imbiri kwako. Sigha kaung'a rako, kuinughe hachi; kusighe mawiwi, kuwonyere wughoma kwa awo wikorongelo eri kukaie na sere na kuwona nicha.”

WALAWI 19:15

“Iji kwakatanya kusevise hachi; kusebonye wuchumbano ghungi kwa mkiwa, na kukaia wuzima kwa uo uko m'baa, ela kumtanye mmbenyu kwa hachi.

ZEKARIA 7:9

“Kala nerewinekieghe wandu wapo sharia iri: ‘Mlindie kubonya hachi, mkaie na wughoma mmbeni na mmbeni.

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

JOHANE 7:24

Msaketanya kwa kuwona kwa shighadi tu, ela tanyenyi kwa hachi.”

WUKUMBUSO 1:16

Na ija ngelo ngawilaghira watanyi wenyu ngighamba, ‘Sikirienyi kesi ra wanyinyu, mtanye kwa hachi aghadi ya mundu na mruna angu mundu na mghenyi wikwanye.

WAEBRANIA 1:9

Oho kwaikunda hachi, na kuzamilwa ni kiwiwi; Kwa huwo Mlungu, Mlungu wako wakushingie mavuda, na kukuneka kuboilwa kubaa kuchumba wambenyu.”

WUFUNUO 19:11

Niko nerewonieghe mlungunyi kwarughulwa, ngawona farasi ya chokwa, na uo orejokieghe wawangwa Mloli, na Mhachi, nao wadatanya kwa hachi, na kubonya wuda.

1 SAMUELI 19:4

Nao Jonathani ukamghora Daudi nicha kwa ndee Sauli, ukimzera, “Mzuri usebonye kaung'a kwa kum'bonyera mdumiki wako Daudi wuwiwi ghungi, angu nao moni ndekubonyere kaung'a ingi, na mabonyo ghake ghiboie gheekutesia oho;

1 SAMUELI 20:32

Jonathani ukamtumbulia ndee Sauli, “Ubwaghilwaki, wabonya wada?”