MAKATANISHO 30:4 - Biblia Ilagho Jiboie Kwa Wandu Wose

⁴ Nani ujokie mlungunyi ukawuya ukasea? Nani ukuchirie mbeo na ngonde rake? Nani ufungie machi na nguwo? Nani umangishire ndoenyi kose? Irina jake nani na irina ja mdawana wake nani? Loli kwaichi?

MAKATANISHO 30:4 ပူးပေါင်းရင်းမြစ်များ

KUZOYA 32:29

Jakobo ukamzera, “Nakulomba kunighorie irina jako.” Ela uo mundu ukaghamba, “Kwaki kunikotiagha irina japo?” Na aho ukamrasimia.

AYUBU 11:7

“Kwadima kumanya ngasu ra Mlungu? Kwadima kumanya kutua kwake Uo-Uwadie-Ndighi-Rose?

AYUBU 11:8

Reko ighu kuchumba mlungunyi; kwadima kubonya wada? Reko ndenyi kuchumba kaburi; ndekuichi?

AYUBU 26:8

Wadatumbanya machi andenyi ya mawingu ghake mabaa, ela sena mawingu ndeghibarikagha anduangi.

ZABURI 135:7

Wadajosa mawingu kufuma kutua kwa ndoenyi; wadabonya luhehia lukabe andenyi ya vua, na kureda mbeo kufuma nganyenyi kwake.

ZABURI 2:7

Mzuri waghamba, “Nichaeresha agho BWANA ughorie. Wanizerie huwu, ‘Oho ko mwana wapo, nakuva idime.

ZABURI 22:27

Mbari rose ra wandu richamkumbuka BWANA. Wurumwengunyi kose, wandu wichamghalukia uo, na vinyumba vose va wandu vichamtasa.

ZABURI 24:2

Waghuaghie aighu ya machi ghimilie ndoenyi nakosi, ukawika misingi yaro baharinyi nandonyi.

ZABURI 68:18

Orejokieghe aighu, ukiwilongoza wafungwa; ukawusa manosi kufuma kwa wandu, hata kufuma kwa waleghi; eri BWANA Mlungu upate kukaia aho.

KUFUMA 15:10

Oho koreweteshereghe mbeo, na bahari ikawifinikira; wikamilika sa chuma chilemere andenyi ya machi mengi.

KUFUMA 6:3

Neremfutukieghe Abrahamu, Isaaka, na Jakobo sa Mlungu Uwadie-Ndighi-Rose; ela kwa irina japo ‘BWANA’ serekumanyishireghe kwawo anduangi.

ISAYA 45:18

BWANA, uo oreumbieghe mlungunyi, (nao nuo Mlungu!) uo orebonyereghe ndoenyi na kuiumba, (hata ndereiumbieghe ikaie nduu, ela ipate kukailwa ni wandu!) uo waghamba huwu: “Ini ne Mlungu, hata ndekuwadie mzima ungi anduangi.

ISAYA 53:8

Oredwaloghe noko kutanywa na kutirirwa, ela kivalwa chake ndecheretalieghe ilagho ijo. Orefunyiroghe na kuinjwa kufuma kwa ijo isanga ja awo wiko moyo; odekabwa kwa wundu ghwa makosa gha wandu wapo.

ISAYA 7:14

Kwa huwo, Bwana moni uchamneka alama. Ola, mwai uchakaia na kifu, uve mwana wa womi, na irina jake uchawangwa Immanueli.

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

JEREMIA 23:6

Matuku ghake Juda uchakirwa, na Israeli uchakaia banana; nao uchawangwa kwa irina iji, ‘BWANA nuo hachi yedu.’

MATHAYO 11:27

Aba waninekie vilambo vose. Hata ndekuwadie ungi ummanyagha Mwana ela Aba, sena ndekuwadie mndungi ummanyagha Aba ela Mwana, na uo ose Mwana uchaakunda kumfunukuya.

LUKA 10:22

Nanekelo vilambo vose ni Aba; hata ndekuwadie mndungi ummanyagha Mwana nani, ela Aba moni, sena mndungi ndemmanyagha Aba nani, ela Mwana moni, na uo ose Mwana uchaamsaghua umfunukuye.”

JOHANE 3:13

Ndekuwadie mndungi ujokie mlungunyi, ela Mwana wa Mdamu uo userie kufuma mlungunyi.

WAROMA 10:6

Ela hachi iko kwa chia ya irumirio yaghamba, Kusakeghamba ngolonyi kwako wei, “Nani ujokagha mlungunyi?” (huwo ni kumsera Kristo andoenyi)

WUKUMBUSO 28:58

“Kukalegha kulindia na kubonya malagho agha ghose gha sharia ghiandikilo andenyi ya chuo ichi; eri kupate kujiobua ijo irina ja BWANA Mlungu wako, jiko ibaa, jeobosha,

WUKUMBUSO 30:12

Ndeghiko mlungunyi hata mghambe, ‘Nani ujokagha mlungunyi wendediondia dipate kughisikira na kughibonya?’

WUFUNUO 19:12

Meso ghake gherekoghe sa lumu lwa modo, urwae virumbu vingi chongonyi kwake; nao oko na irina ijo mndungi usedimagha kujimanya, ela uo moni uekeri.

WATANYI 13:18

Malaika wa BWANA ukamzera, “Kwaki kukotiagha irina japo, na irina ijo ni ja mashiniko?”