MAKATANISHO 3:5 - Biblia Ilagho Jiboie Kwa Wandu Wose

⁵ Kumrumirie BWANA kwa ngolo yako yose; kusakeghirumiria mawoni ghako kumoni.

MAKATANISHO 3:5 ပူးပေါင်းရင်းမြစ်များ

EZRA 8:23

Kwa huwo, dikafunga tumu, na kumlomba Mlungu udilindie, nao ukasikira kuvoya kodu.

AYUBU 13:15

Hata Mlungu ukanibwagha, nichadua ngimsuwiria; elaima nichakudederia ini moni imbiri kwake.

ZABURI 125:1

Awandu wimrumiriagha BWANA, weeka sa Mghondi ghwa Sioni ghusedimagha kunyavurika, ela ghwadua kwa kala.

ZABURI 37:3

Msuwirie BWANA kubonye nicha, na oho kuchakaia nicha na kudua banana isangenyi.

ZABURI 37:5

Kukufunye kwa BWANA; mrumirie, nao uchabonya.

ZABURI 37:7

Kaia kima kummbesere BWANA; kuseje wasi aighu ya wandu iji wakawona nicha, ngelo wakabonya mipango ya wuwiwi.

ZABURI 62:8

Rumirienyi Mlungu ngelo rose ee wandu, mumghorie wasi ghonyu ghwa ngolonyi; Mlungu nuo andu kodu kokimbiria.

MAKATANISHO 22:19

Neekunda kumrumirie BWANA, niyo sababu nikughoriagha agha malagho idime.

MAKATANISHO 23:4

Kukaie na hikima; kusekubwaghe na kazi wei kualola mali.

MAKATANISHO 28:26

Uo ukusaghikagha na akili rake moni ni mkelu, ela uhu ughendagha kwa hikima uchakirwa.

MAKATANISHO 3:7

Kusakekuririkanya kumoni kukaia na hikima; kumuobuo BWANA na kutana na kiwiwi.

ISAYA 12:2

“Ola Mlungu nuo kukia kwapo, nichamrumiria hata sichaaobua anduangi; kwa kukaia BWANA Mlungu nuo ndighi na lumbo lwapo, nao nuo kukia kwapo.”

JEREMIA 10:23

Naichi ee BWANA, mdamu ndeghendagha kwa kudima kwake moni anduangi, hata ndekuwadie mdamu ungi udimagha kughenja mighendo yake moni.

JEREMIA 9:23

BWANA waghora huwu, “Mndungi uko na hikima usekukase kwa wundu ghwa hikima yake; hata mundu uko na ndighi usekukase kwa ndighi rake, hata mndungi uko mzuri wa mali usekukase kwa wundu ghwa mali rake.

MITALO 9:20

Ngelo rimu iwingu jerekaieghe aighu ya Hema kwa matuku matini, nawo wikakaia kambinyi kunughana na momu ghwa BWANA; kwa momu ghwa BWANA, werezoeghe charo.

MITALO 9:22

Ikakaia ni matuku awi, angu mori mlazi, angu mwaka, iwingu jakaia aighu ya Hema, wandu wa Israeli ndeweredimagha kughenda, wadakaia kambinyi; na iji iwingu jikainjwa wadazoya charo.

WAROMA 12:16

Kaienyi na kuchinana mmbeni na mmbeni; msakekukasa, ela muwibonyere nicha awo wiko wanyonge; jingi msebando ni chongo.

WAEFESO 1:12

isi deresuwirieghe andenyi ya Kristo koimbiri, damerie kusaghulwa na kuwikwa dikaie moyo kwa wundu ghwa kughukasa ugho wubaa ghwake.