MAKATANISHO 3:32 - Biblia Ilagho Jiboie Kwa Wandu Wose

³² BWANA wadazamilwa ni mundu uleghie chia rake, ela wadawirumiria wandu wecha.

MAKATANISHO 3:32 ပူးပေါင်းရင်းမြစ်များ

AYUBU 29:4

Matuku agho nerekoghe nicha, na Mlungu orekoghe mghenyi wapo ukilindia nyumba yapo.

ZABURI 18:26

Kwa uo uelie, kwadakuwonyera kumoni kukaia mweli, na kwa uo mmbiwi, kwadakuwonyera kumoni kukaia m'maiza.

ZABURI 25:14

BWANA ni mghenyi wa awo wimuobuagha, nao wadawimanyisha ilaghano jake.

MAKATANISHO 11:20

BWANA wadazamilwa ni wandu wa maghesho ghizamie, ela wadaboilwa ni awo wisewadie ikosa.

MAKATANISHO 14:10

Mundu wadamanya luwawo lwake moni; hata kuboilwa kwake ndewaghanagha na mndungi.

MAKATANISHO 17:15

Mundu umtalagha mmbiwi kukaia na hachi, na uhu umtanyagha mhachi kukaia mkosi, wedefwanana; wose wadamzamia BWANA.

MAKATANISHO 8:13

Kuobua kwa BWANA ni kuzamilwa ni wuwiwi, Nadazamilwa ni kukuduka na kukukasa, na chia mbiwi na kudeda kisha.

ISAYA 41:24

Olenyi inyo ndemokilambo chingi, na kazi renyu nderiko; uo umtasagha inyo ni mchafu.

MATHAYO 11:25

Ngelo iyo Jesu ukaghamba, “Nakuneka chawucha ee Aba, Bwana wa mlungunyi na ndoenyi, angu korewivisireghe wandu wa akii na suku maza iri, kukawiwonyera wanake watini.

MATHAYO 13:11

Jesu ukawitumbulia, “Inyo mwanekelo kurimanya ngasu ra wuzuri ghwa mlungunyi, ela awo ndewinekelo anduangi.

LUKA 16:15

Ela Jesu ukawizera, “Inyo moko wandu mkunekagha mmbeni hachi imbiri ya wandu, ela Mlungu warimanya ngolo renyu; angu icho chikaswagha imbiri ya wandu, chakaia chizamie imbiri ya Mlungu.

JOHANE 15:15

Simmbangagha wadumiki sena, angu mdumiki ndemanyagha agho bwana wake ubonyagha anduangi. Ela ini nammbanga waghenyi wapo, angu namgorie malagho ghose nereghisikireghe kwa Aba.

JOHANE 7:17

Mndungi ukakunda kubonya agho ughikundagha Mlungu, uchamanya ngera agho mafundisho nifundishagha gheefuma kwa Mlungu angu ngera ni gha nguma rapo reni.

WUFUNUO 2:17

Uo uko na kudu, ndesikire agho malagho Roho ughighoriagha agho makanisa. Uo usimagha, nichamneka imu ya mana ivisiro, na kumneka igho ja chokwa jiandikilo irina iwishi aighu yaro, ijo mndungi usejiichi, ela uo mundu moni ujiwusagha.’