MAKATANISHO 29:4 - Biblia Ilagho Jiboie Kwa Wandu Wose

⁴ Mzuri ukakaia na loli, isanga jikaia nicha, ela uhu ukundagha kuhongwa wadajinona isanga.

MAKATANISHO 29:4 ပူးပေါင်းရင်းမြစ်များ

2 SAMUELI 8:15

Daudi ukawibonyera nguma Waisraeli wose, ukawitanya wandu wose kwa hachi na loli.

1 WAZURI 2:12

Niko Solomoni ukachiseria icho kifumbi cha nguma cha ndee Daudi, na wuzuri ghwake ghukamangishwa kwa loli.

2 MALAGHO GHA NGELO 9:8

BWANA Mlungu wako ndekaso uo uboilo ni oho, na kukusera kidombo kifumbinyi chake cha nguma kukaie mzuri kwa wundu ghwake! Kwa kukaia Mlungu wako orewikundieghe wandu wa Israeli, nao ukakunda kuwimangisha kwa kala na kala, niko ukuwikie mzuri aighu yawo, eri kupate kubonya loli na hachi.”

AYUBU 11:6

ukakughoria ngasu ya hikima; Uo waichi maza nyingi. Idana kumanye angu Mlungu ndekukabie seji ifwane kunughana na makosa ghako.

ZABURI 89:14

Wuzuri ghwako ghoomangishwa aighu ya hachi na loli; oho kwadabonya maza rose kwa lukundo lukatie na wuloli.

ZABURI 99:4

Mzuri wa kudima, oho kwadaikunda hachi; kwaimangishire loli andenyi ya Jakobo, kwaredie hachi na loli.

MAKATANISHO 14:34

Hachi yadaredia waisanga ishima, ela kaung'a yadaredia wandu wose waya.

MAKATANISHO 16:10

Mzuri wadadeda malagho kwa nguma ya Mlungu; malagho udumbuagha matuku ghose ni gha hachi.

MAKATANISHO 16:12

Mzuri wadazamilwa ni kubonya mawiwi; angu wuzuri ghwadamangishwa ni hachi.

MAKATANISHO 20:8

Mzuri ukakaria kifumbi chetanya, wadasasawua makosa ghose ughiwonagha.

MAKATANISHO 29:14

Mzuri ukatanya wakiwa karakara, wuzuri ghwake ghuchadua.

MAKATANISHO 8:15

Ni ini niwitesiagha wazuri kubonya nguma, na wabonyi nguma kudunga sharia ra hachi.

ISAYA 49:8

BWANA waghamba huwu kwa wandu wake, “Ngelo irumirikie nerekutumbulieghe, na kwa ituku ja kukia, nerekuteserieghe; nakuwikie na kukufunya kukaie ilaghano kwa wandu, kupate kuwuya na kujimangisha isanga, eri kuwineke ifwa ja isanga awo wisewadie.

ISAYA 9:7

Kubonya nguma kwake kwa sere ndekuchaakaia na kutua kungi; Uchaseria kifumbi cha nguma cha ndee Daudi, ukighumangisha wuzuri ghwake kwa hachi na loli; kufuma idana hata kwa kala na kala. BWANA wa majeshi nuo uchaabonya agha.

DANIELI 11:20

“Niko uchawuka mzuri mzima wulalo ghwake. Uo uchawika m'baa olomba kodi nyingi kwa wandu, eri umangishe wuzuri ghwake. Ela andenyi ya matuku matini, uchabwaghwa kuseko kwa chia ekabwa angu kwa wuda.”

MIKA 7:3

Kula mundu uafunga ndighi kubonya wuwiwi. Wabaa na Watanyi wialola kuhongwa. Mundu wa wuya ghodeda wadawighoria agho ukunde ubonyero, nawo wasea kidombo chiaimweri kupanga malagho ghizamie.

1 SAMUELI 13:13

Nao Samueli ukamzera Sauli, “Kwabonya wukelu kwa kuleghawadia momu ghwa BWANA Mlungu wako seji orekulaghirieghe; huwu kumangu BWANA wamangisha wuzuri ghwako aighu ya Israeli kwa kala na kala.