MAKATANISHO 29:2 - Biblia Ilagho Jiboie Kwa Wandu Wose

² Wandu wa hachi wikakabonya nguma wandu wadazuma; ela wandu wizamie wikakabonya nguma wandu wadakaia na wasi.

MAKATANISHO 29:2 ပူးပေါင်းရင်းမြစ်များ

ESTA 3:15

Kwa nguma ya mzuri, itangazo iji jerefunyiroghe kwa wandu wose, andenyi ya muzi m'baa ghwa Susa, na watarashi wikajimarisha isangenyi kose kwa shwa-shwa. Mzuri na Hamani wikasea kidombo kunywa, ela wandu wa muzi m'baa ghwa Susa, wikakambwa ni chongo.

ESTA 8:15

Nao Mordekai ukafuma ngomenyi ya mzuri, wameria kurwa marwao gha buluu, gha choka, na ijoho ja kitani iboie ja zambarau, na kirumbu kibaa cha dhahabu. Muzi ghose ghwa Susa ghukazuma na kukaba lukilighili.

AYUBU 34:30

eri umghirie mundu usemwichi kubonya nguma, uchewideghia wandu shaghala.

MAKATANISHO 11:10

Wahachi wikapata mecha muzi ghwadakaia na kuboilwa; wawiwi wikatota wandu wadazuma.

MAKATANISHO 28:12

Mundu wa hachi ukasima, wandu wadazuma; ela mundu uzamie ukabonya nguma wandu wake wadakuvisa.

MAKATANISHO 28:15

M'bonyi nguma uzamie ooka sa shimba irurumagha kwa wakiwa, angu sa kibarabara chichumbiagha wandu.

MAKATANISHO 28:28

Wandu wizamie wikakabonya nguma, wandu wadakuvisa, ela wikatota, wandu wa hachi wichabonya nguma.

MCHILI 10:5

Nawonie wuwiwi ghumu ghukibonywa ni wabonyi nguma wurumwengunyi,

MCHILI 10:6

wakelu wineko kazi ra ighu, na wazuri wa mali wineko kazi ra ndonyi.

MCHILI 4:1

Niko ngazighana sena, ngawona kusowa hachi kose kwawuyabonyeka wurumwengunyi. Wandu wikorongwaghwa na kulila, wisewadie mndungi owitesia. Wakorongi wawo weeka na ndighi aighu yawo; wisewadie mndungi owitesia.

MATHAYO 2:16

Herode uendamanya angu awo wamanyi wa nyerinyeri wamkita, ukajokwa ni machu loli-loli. Ukafunya momu ghobwagha wana wa womi wose wiseidie miaka iwi wiko Bethlehemu na mbai-mbai yaro; kunughana na icho kimu oreghoreloghe ni awo wamanyi wa nyerinyeri.

MATHAYO 2:3

Nao iji Mzuri Herode wasikira malagho agho, ukakambwa ni chongo andwamweri na wandu wose werekoghe Jerusalemu.

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”